［人性/有甜］- 屍•家•馬鞍山（隔日更新）: Chapter 555 - 黑先生的陰謀

「妳哋係要引曬我哋一班目標人物出嚟，一網打盡？」我單刀直入地問道。

「嗯...」Venus 點著頭回應，「呢個，係我哋當初嘅目的...」

「當初，即係而家唔係？」我追問。

「嗯... 當初我哋諗住速戰速決，一次過消滅咗黑先生同所有目標人物，將成個異生教連根拔起...」Venus 繼續解釋道，「不過後嚟我哋發現，包括你在內嘅目標，正喺度不斷進化同繁衍，要將你哋徹底消滅，係有一定嘅難度...」

「而最重要嘅係，我哋仲知道黑先生派咗一班死士，攞住啲氣化病毒，潛伏喺世界各大城市...」



「只要佢一聲令下，或者稍有不測，班死士都會立即發動襲擊...」

「黑先生而家就係以此作為勅索，要求各國政府提供資金。又要求各國安插異生教嘅救眾出任國家要識，借此控制全世界...」

「不過佢咁樣，咪會將自己嘅教眾曝光？」我有點不解。

「哈哈！其實異生教嘅勢力，喺黑先生當權嗰幾年，已經收速咁滲透到各國嘅重要機關。」Venus 續說，「只係佢哋一向低調，一般人好難發現倒...」

「黑先生呢個動作，只係方便呢啲人，明正言順咁去做一啲唔見得光嘅嘢，從而進一步掩護原本滲透咗嘅成員...」



「亦因為咁，各國對異生教嘅行為都冇辦法作出有效嘅打擊。」Venus 突然激動地說道，「而我哋為咗調查佢哋，都唔知有幾多個情報員犧牲咗！」

這突然喚起了，我對 Kelly 的記憶。

還有，孝信的所作所為！

幸好，Venus 卻好像沒有想起。

「吓？咁妳哋咪冇辦法消滅... 黑先生囉？」為了分散 Venus 的注意力，我問了一個連自己都覺得奇怪的問題。



「呢樣... 應該點講好呢？」Venus 看似欲言又止，「CIA 仲研究緊，我哋未有進一步嘅資料...」

「吓？妳唔係唔知，係唔想講比我知啫！」雖然我明白，他不會向我這個 “外人” 透露太多，但我還是假裝不滿道。

「我只係一個低級嘅情報員嚟咋，呢啲咁機密嘅嘢，我真係唔會知...」她用無奈的表情答道。

「又話坐埋一條船，結果都係唔肯同我講...」我仍是希望她能告知。

「我真係唔知...」Venus 楚楚可憐地答道。

我當然不會相信，但既然她守口如瓶，我亦無謂咄咄相逼。

「咁如果妳哋咁想消滅的病毒，剷除異生教...」我再追問，「咁點解，妳哋又會做啲怪物出嚟？」

「吖... 其實，生化病毒唔係啲乜新嘢，好多國家都有做研究...」Venus 回應道，「只不過基於種種原因，佢哋都冇進一步發展到呢個程度...」



「咁當然，我哋都有研發咗唔少生化武器，只不過係高度機密，一般人唔會知...」

「但係今次上頭就諗住趁呢次機會，測試一下啲武器嘅能力、穩定性咁，收集數據做進一步研究...」

我看著 Venus 說得理直氣壯，好像一切都理所當然。

但想深一層，她口中說的這些生化武器，會否正正是用來對付異生教的手段？

那？幫助她們又真是正確的嗎？

還是，我只是在兩頭惡魔之間穿梭？

「Roy？你做乜嘢呀？」Venus 見我眼神呆滯，不禁趨前問道。



「哦！我冇嘢...」我立刻回神過來，「只不過我將所有嘢諗得太簡單啫！」

「其實，好多時我哋都身不由己...」Venus 好像明白我，句子背後的意思，「不過我哋都覺得，自己做緊嘅嘢係啱嘅...」

「Okay... 咁妳哋下一步諗住點做？」我不再多想，只好單刀直入問道。

「我要留喺度，繼續收集異生教嘅情報...」Venus 的眼神十分堅定。

「吓！妳仲留喺度？」我覺得有點驚訝，「我諗住帶妳走㗎喎～」

「我知道... 但係我都行咗第一步，冇理由半途而廢...」看來她有點無奈。

「妳真係肯定？」我不想她後悔。

「嗯...」Venus 卻仍是堅決地點頭。



「咁好吖，妳決定咗我都唔阻止妳...」我準備起身離去，「我都要出去同其他人會合，妳自己保重...」

我正打算離開，卻又被她伸手拉住。

難道，她改變了主意？

「阿 Roy，你可唔可以...」Venus 亦坐起來靠著我，「幫我一個忙？」