［人性/有甜］- 屍•家•馬鞍山（隔日更新）: Chapter 495 - 分開的理由

「補償？妳而家唔要我喎！妳可以點補償呀？」我十分震怒，「不如掉番轉妳唔好同佢一齊，跟住補償番比佢啦！」

Carey 看著我雙眼，沈默不語。

她看得我有點尷尬，令我不能直視。

「阿 Roy，其實... 你有幾愛我？」Carey 看著我問道。

清徹的雙眼，帶著渴望真相的眼神。



我知道，這個問題不易回答。

「妳問得我，即係妳有懷疑...」我再一次看著她的雙眼道，「不過我可以話妳知，我真係好愛妳！」

她看著我，眼裡泛著點點淚光。

兩人再次相對無言。

「妳知唔知道...」還是 Carey 先開口，「我之前真係全心全意咁去愛你，但係結果，就令我好傷心...」



「每當我知道你同其他女仔一齊，我個心都好痛...」

「我曾經努力咁試過，不過我發現自己，真係唔可以接受同其他人分享同一個男朋友...」

我已經被她說得無地自容。

「如果我問妳，妳以後都只係可以同我喺埋一齊，妳會唔會應承我？」Carey 認真的向我問道。

「好...」我眼神閃縮地答道。



「你望住我！」她要求我正面望著她。

「其實... 妳知我愛妳咪得囉...」我沒有正面回應。

「嗯...」Carey 看著我，眼神卻變得恍惚。

「咁... 我哋不如返去囉...」我提議道。

「唔好...」Carey 卻突然把我推開，「妳可以同時愛兩個人，但係我唔得...」

「你唔想知頭先發生咗乜嘢事咩？」她向我問道。

其實她不說，我也大概知道。

我不想回答。



「你知唔知道，我一入到去佢就爬咗起身，就算隻手郁唔到，都要爬起身錫我...」Carey 見我沒有回應，便開始說道。

「我實在唔忍心，所以同佢錫咗一下。然後同佢傾咗陣計，佢就話好想同我喺返埋一齊...」

「我冇應承佢，不過佢係咁求我，我都唔知點算...」

「而我... 又真係好鐘意佢...」Carey 說著有點尷尬。

「咁... 之後呢？」既然她已經開口，我亦想弄清之前的狀況。

Carey 沈默了一會，然後把頭壓得更低。

「其實...」她終於再次開口，「其實我哋都冇做過啲咩...」



「佢... 佢要我用手幫佢...」她的聲音已經低得差不多聽不到。

現在我的表情，已經變得非常復雜。

「我聽倒之後，即刻好嬲咁準備走...」不知道 Carey 有沒有看到我的表情，「不過佢叫住咗我...」

「佢喊住咁同我講，問我點解背叛佢、知唔知佢一直喺度等我...」她說得有點哽咽，「佢為咗返嚟見我，仲不惜瞞住組織返嚟，攪到差啲連命都冇...」

我十分清楚，Dickson 說的根本不是真相。

「佢講得好有誠意，我忍唔住就留低咗...」Carey 續說。

「佢問可唔可以錫佢，我諗吓之後應承咗...」Carey 再次表現尷尬，「跟住我就用手幫佢...」

我看她說得有所保留，於是便立刻追問，「淨係用手？」



見她低著頭看了我一眼，便再說道，「佢叫我用口幫佢...」

果然如此...

剛才看到那掉落的紙巾，我已經大概估計到。

一時間，我們都變得無言以對。

「我個心真係好亂...」還是 Carey 先開口說話，「我真係對佢唔住，佢又真係好愛我，我而家好亂，唔知點算...」

其實，我也十分理解。

若然 Dickson 真的如她所想的忠心不二，我亦樂於乘人之美。



但我深知，事實亦非如此。

「咁妳話我知，妳係咪仲好鐘意佢？」我認真的向 Carey 問道。