［人性/有甜］- 屍•家•馬鞍山（隔日更新）: Chapter 494 - 走到分岔路的一對
我心知不妙，但在剛才事情的末段，我已經大概知道這所謂何事。
「頭先我咪話未得囉！你咁快做乜呀？」Clara 怒吼道。
她這樣著緊，使我更肯定自己的推論。
「我... 我太舒服... 所以... 所以忍唔住...」我只好假裝不知情。
「我唔理你，快啲嚟多次！」她憤怒地叫道，下身亦隨之而再次擺動。
「吓... 我好攰喇喎...」我無奈地答道，「點樣話嚟就嚟呀？」
「同埋頭先都冇話咁多條件，唔通妳話要生埋仔，我又一直做到妳生倒為止？」沒有待她回應，我便搶著補充道。
正想看她怎樣應對，卻赫然發現 Aki 已經在穿著衣服準備離開。
「你哋都攪完啦！咁我係咪走得喇？」Aki 突然激動地叫道。
我有點不知所措，但也急忙地答道，「Okay... 妳等我一陣，而家就着衫走。」
「喂！阿 Roy，咁即係點呀？」Clara 看來仍沒有放棄。
為了能夠立刻脫身，我便再提議道，「嗱！我哋暫時都唔走得去邊啦！我哋都有機會再搵妳幫手嘅，到時再加多個條件囉！」
這一刻，我活像一個欺騙女人感情的小白臉。
說罷，我亦已經穿好了衣服，拖著 Aki 的手便離開了房間。
「碰...」甫出房間不久，便與正從另一房間奔出的一人碰過正著。
我立刻把拖著 Aki 的手鬆開。
「Carey...」從她的背影和身上的衣裝，我已經知道這人是誰。
可是她卻沒有回看我，逕自爬起身來便往船外奔去。
而在她站起的同時，一張紙巾亦隨之而掉下。
我看著那團黏結在一起的紙巾時，已經大概猜到那是什麼。
但死心不息的我，還是要靠近一點查看。
而當那濃烈的腥臭味撲鼻而來時，我的心快要掉下來。
為什麼？
我緊隨其後奪門而出，那些門衛亦出乎意料的沒有多加阻攔。
「Carey！」我努力追趕著。
可是 Carey 仍是頭也不回的狂奔，然後消失在林中小路之中。
「Aki 妳返去先...」我回頭跟 Aki 交待了一聲之後，便跋足追趕。
Carey 的背影一直閃進了樹林之中，我不想她遇到什麼危險，於是加快腳步去將她趕上。
我從後抱著那，不斷想把我掙脫的她，然後試圖用言語令她安靜下來。
「Carey 冷靜啲... 我係阿 Roy 呀...」我在她耳邊說道，「唔洗驚，我喺度...」
她終於停止了掙扎。
「我冇嘢... 可唔可以放開我先...」Carey 的語氣竟也出奇地生疏。
我只好把她放開。
「阿 Roy...」她仍舊是背向著我，「我... 我... 我對你唔住...」
不用多說，我已經知道她想怎樣。
「咩... 咩對唔住啫？」我只能裝作若無其事，「你都冇對我唔住...」
「我知你對我好... 但係... 我實在唔想拖...」Carey 看似在啜泣著。
「我以為同 Dickson 已經過咗去... 但係... 但係我發覺唔係...」
「我仲係好愛佢...」
「由佢返番嚟，重新出現喺我面前嗰一刻開始，我已經...」她好像已經說不下去，只剩下啜泣著的背影。
四周的空氣，就這樣的凝固住。
「妳攰喇... 不如... 我哋返去先再慢慢講？」我只能想到這些對白，然後趨前把她的手拖住。
Carey 亦終於轉身面向我，而眼前的她，已經哭得雙眼通紅。
「我都唔知...」Carey 低著頭說道，「佢同我講佢好掛住我，好想同我喺返埋一齊...」
「佢知道我哋都有迷惘過，不過佢一直都仲係咁鐘意我...」
「佢唔介意我發生過嘅事，所以佢都希望我唔好介意。兩個人忘記過去，重新開始...」
這個 Dickson，真的是一個高手。
「咁妳覺得點？拋棄我返去佢身邊？」我刻意地說道，「妳都係我女朋友嚟㗎！」
「我... 我真係唔知呀！」Carey 又再哭成淚人，「我知我對妳唔住，但係我真係好鐘意佢...」
「一係你想我點？我補償返比你吖！」Carey 哭著說道...