［人性/有甜］- 屍•家•馬鞍山（隔日更新）: Chapter 478 - 回到營區

我可說是令到她們如此狼狽的人，這使我感到有點尷尬。

「我... 去咗救嗰四個女人...」思前想後，我還是決定不作隱瞞。

「你有冇搞錯呀！喺啲咁嘅地方，你竟然可以就咁揼低我哋走咗去？」Aki 突然激動地叫道，「你好似啱啱先識佢哋咋喎！」

我沒有理直氣壯地反駁，因為我知道，自己於心有愧。

「你知唔知如果我哋比班人捉倒，會有幾大鑊呀？」Aki 看來仍是驚魂未定。



但這一刻，我最擔心的卻是素恩的安危。

「唉... 睇嚟，有人貪新忘舊啦！」Suki 亦不屑地說道。

「吖... 不如我哋出去搵返素恩先吖？」Carey 擔心地說道。

還是她深知我意。

「真係好對唔住...」我真誠地道歉，「不如我哋出番去再講。」



「吓？出面安唔安全㗎？」Aki 問道。

「我入嚟嗰陣，見啲南亞人已經走曬，所以...」我看著 Aki 回應道，「出面應該安全...」

「咁快啲出去搵番素恩先啦！我驚佢有危險...」Carey 看似非常擔心。

「好！咁行啦！」說罷我便起行，然後回頭向她們說道，「一陣記住跟貼我，有咩事就大聲叫我啦！」

我們小心翼翼的往樹林外走去，花了不少的時間，終於回到了外面，並向營區進發。



「阿 Roy～」我們還沒有返回營區，阿 Yu 已經飛撲過來接應。

「你走咗去邊呀？我好驚呀～」阿 Yu 突然嬌嗲地摟著我說道。

「咳、咳...」Suki 看見此情此景，不禁為朋友感到忿忿不平，「你唔係話要搵素恩㗎咩？冇咗件事嗱？」

我不想令 Carey 和 Vicky 感到不快，於是把阿 Yu 推開後說道，「吖！未同妳哋介紹，呢個係阿 Yu，佢係喺呢個島上面嘅生還者...」

「而呢個Carey，呢個係 Vicky。」我面向她們說道，「佢哋...」

我突然有點猶豫...

「佢兩個都係我女朋友！」我鼓起勇氣地說道。

「而佢兩個係 Suki 同 Aki，都係我哋嘅朋友嚟...」我繼續介紹。



「嘩！有咁多女陪住，唔怪之得你屌得我咁爽啦！」阿 Yu 突然興奮地叫道。

不知道她有心或無意，但經她這樣一說，現場氣氛立刻變得十分尷尬。

「不如妳哋都係喺度等我，我自己出去搵素恩得喇！」我想盡快脫身。

「吓？你又要走呀？」Aki 突然插口道，「如果班衰人返嚟，我哋點算呀？」

確實，把她們留下實屬不智。

我已曾經把她們放進險境，絕不能重蹈覆轍。

我想，素恩也一定有方法避過危險吧！



「Okay... 我應承你哋留低，睇定啲先決定下一步應該點做...」我說道。

「咁素恩佢...」Carey 有點不快，但又很快制止了自己。

「妳放心...」我安慰著她說道，「冇人比我更想搵番佢...」

「只要確認呢度嘅安全，我就即刻去搵素恩返嚟...」我補充。

「嗯...」Carey 終於重拾一點笑容。

看著 Carey，我不禁在想，她是何時跟素恩變得這麼要好？

不過，這看來也算是個好事。

「阿 Yu...」這時，Moon 從帳幕中走了出來。



「Moon 姐，妳冇事嗱？」阿 Yu 興奮地叫道。

「嗯...」Moon 只是無力似的回應。

「我諗大家都攰㗎喇！」我向她們說道，「不如妳哋返番入帳篷休息吓先，我周圍睇吓有冇特別嘢...」

「放心，我唔會走好遠...」我看到 Aki 那擔心的表情，於是早一步把她安撫著。

「我啱啱先醒番，不如同你一齊行？」剛剛回復過來的 Moon 提議道，「順便睇吓見唔見倒家姐...」

也好，反正我也有一些事情想跟她問清楚。

安頓好其他人後，我便跟 Moon 在附近四處走走...