［人性/有甜］- 屍•家•馬鞍山（隔日更新）: Chapter 477 - 樹林

回想起來，我們為什麼會來到這裡？

當初登上救生艇之時，是美鈴提議我們往大陸走的。

而令到我們返回香港的，好像是來自素恩的提議。

.........

不！這一定只是巧合！



而且素恩也被南亞人捉走，那他們一定不會是一夥。

我必須再冷靜思考。

走著走著，我亦已經在碼頭附近走了一圈。

那些人，真的沒有留下任何足以渡海的工具。

其實我亦大概想像得到，只是不去親自走走，自己也覺得不甘心。



我亦已經走到了另一面的盡頭，再往前走，便是那渺無人煙的叢林。

我忽發奇想，說不定我們能好像電影情節一樣，用樹木來製造一艘木筏渡海呢？

我們只有三個人，要做出一艘能容納我們的木筏，應該不難。

雖然要用它來橫越那出名浪大的海港，確是有點妙想天開。

但這怎樣也比坐以待斃來得好。



眼前的樹林尚算荗密，這令我想起 Moon 曾經說過，她們一家打算逃走進去藏身的一番話。

在好奇心驅使下，我還是先走進樹林內打探一下。

陽光在樹林的遮擋下，並沒有完全的透射進來。

在這些樹蔭底下，的確是一個比較容易藏身的地方。

我一直往內走，不經不覺已經走到了樹林的深處。

而這裏的路，遠比外面崎嶇。

好不容易，才給我走到一堆巨石前面。

「阿 Roy！」令人意想不到，巨石後竟有人冒出頭來。



「Vicky？」那熟悉的樣貌，又再在我面前出現。

她隨即飛奔過來，有如劫後重生般激動的摟著我。

我知道，她一定是曾經遭受到驚嚇。

但可以看到她平安無事，亦令我感到十分安慰。

我放眼往巨石群望去，發現那裡還有數人在躲藏。

Suki、Carey、Aki...

可是，已經再沒有其他人了。



「素恩同美鈴呢？」我擔心的問道。

「佢哋... 同我哋失散咗...」Vicky 啜泣著說道。

「吓！點解...」我本想繼續追問，卻又不知該如何問起。

「今朝仲訓緊嗰陣，突然素恩走入嚟將我哋叫醒咗，然後就叫我哋起身快啲走...」Vicky 開始說道。

「我見佢個樣好緊張咁，咁我咪即刻叫埋 Suki 走囉！」

「Carey 同 Aki 都喺度，不過就唔見你、美鈴同嗰四個女人出現...」

「跟住素恩叫我哋去樹林方向走先，佢搵倒你哋就會跟埋嚟。咁我問佢咩事啦，佢就指一指山下面...」

「我望過去，發現有一大班人走緊過嚟我哋呢邊，我哋就知道要即刻走...」



「素恩仲叫我哋一直走入樹林裡面，搵個地方匿埋，千祈唔好番轉頭，素恩佢之後會嚟搵番我哋...」

「我哋原本都唔想走住，不過素恩話有人走甩好過一鑊熟。起碼真係有起啲咩事上嚟，都仲有人留返低，叫你去救佢哋吖...」

「我諗佢又有啲道理，所以我哋都唯有走先...」

「我哋一路漫無目的咁走，一直去到呢度，我哋先敢停落嚟。」

「不過我哋走嗰陣好驚，完全冇諗過素恩可以點搵番我哋。但當我哋走到入樹林匿埋，我又怕走咗就搵唔返大家...」

「我哋唯有喺度一直等，直至你嚟到...」Vicky 總結道。

「唔怕啦！妳哋冇事咪得囉！」我安慰她說，「嗰啲衰人走曬㗎喇，我哋而家就出去搵番素恩佢哋啦！」



「嗯...」Vicky 無奈地回應道，「不過話時話，你其實去咗邊？」

眾人的目光，立刻投射在我的身上。