［人性/有甜］- 屍•家•馬鞍山（隔日更新）: Chapter 469 - 悲慘的遭遇 • 上

我立刻邀請 Moon 進來商談，但不知怎的，氣氛好像有點尷尬。

「可以開始？」我想打破沈默。

「嗯...」Moon 深呼吸一口氣後說，「其實我同家姐阿 Pat，原本約埋屋企人嚟蒲台島玩一日...」

「本來嗰日天氣好好，我哋都玩得好開心。但係到咗嗰日下晝，一班人諗住走嘅時候，就發覺冇回程船...」

「嗰陣島上面仲有好多人，於是有啲人打去船公司問，有啲直情打去政府部門投訴，結果有人話政府基於安全理由，暫停曬所有海上運輸...」



「初頭大家都唔知點算，有啲人就索性喺碼頭等。而姐夫就話我哋一家大細有啲唔方便，於是就去士多睇吓有冇帳幕租...」

「結果，我哋就租咗個中型帳幕，五大一小就全部住喺入面...」

「之後等吓一日，等吓又一日，島上面啲人就好似比人遺棄咗咁。雖然仲有水有電，但係啲食物都差唔多食曬，有啲人開始支持唔住...」

「再過多幾日，終於有人支持唔住死咗。但係啲人都已經冇乜感覺，因為覺得遲早都會到自己。」

「但亦都係喺同一日，島上面就出現咗好香嘅燒嘢食味。我姐夫好辛苦先至攞倒啲肉返嚟，不過，我留意倒佢原本帶喺手上面嘅介指，就喺嗰陣冇咗...」



聽到這裡，我大概都猜到後續的發展如何。

「其實喺嗰一刻，大家都估倒啲肉喺邊度嚟㗎喇！只係當時每個人都已經餓到就死，根本就冇人會深究...」

「之後島上面嘅人越嚟越少，周不時都聽倒啲搶嘢、打架同慘叫聲，好彩姐夫原本都叫高大，可以同老豆一齊保護我哋。不過，我哋之後都好少離開個帳幕...」

「過咗大概兩個禮拜，我哋一家人都打定輸數。就連平時身體好好嘅老豆同姐夫，都開始支持唔住... 姨甥仔仲病到起唔倒身...」

說到這裡，Moon 終於也眼泛淚光。



「如果妳唔係咁 okay，就唔好講喇...」我有點不忍。

「算啦！你比我講出嚟啦！我屈屈埋埋喺個心入面，都唔知可以同邊個講...」這一刻，Moon 已經說到聲淚俱下。

「Okay... 咁妳想停就停啦！」我亦無謂阻止。

「嗯...」她努力調整情緒。

「點知嗰日突然間有好響嘅槍聲，跟住就係啲人嘅慘叫...」Moon 繼續説道，「姐夫就出去睇吓咩事，跟住就即刻叫我哋走...」

「走到出去，見倒嘅情況只可以用慘不忍睹嚟形容...」Moon 說得手也在顫抖，「外面有啲揸住槍嘅人，一見男人就殺...」

「佢哋見到啲女人，就好似啲野獸見倒獵物咁，發咗癲咁撲過去...」

「姐夫趁亂帶我哋走，家姐抱住姨甥走，我同老豆就負責照顧虛弱嘅媽咪。」



「不過嗰度根本冇乜地方走，有啲人急到跳涯，有啲人就索性放棄逃走。而姐夫就諗住帶我哋去島嘅另一邊，嗰度比較荒蕪，冇咁易比人搵倒...」

「我哋行到半路，諗住自己走得甩。點知...」Moon 又再欲言又止，「點知佢哋一早有班應該係南亞裔嘅人守喺度，佢哋乜嘢都冇講，就一把刀插在喺老豆個頭度...」

「跟住... 跟住...」Moon 再次掩面痛哭。

「姐夫想去幫手，點知就比佢哋圍住，其中一個人偷偷哋喺後面伸咗佢一腳，姐夫就跌咗落地...」

「落咗地之後，佢哋就用棍打斷佢啲手手腳腳，佢好大聲咁叫我哋走先，但係嗰一刻，我哋根本嚇到唔識反應...」

「就係咁，我哋三個女人，就眼白白咁睇住姐夫比人打到殘廢、睇住老豆扒咗喺度冇曬反應...」Moon 無奈地說道，「由嗰一刻開始，我見到家姐嘅眼神已經冇咗焦點...」

「佢哋一路係咁打、就一路講流利嘅廣東話粗口，係咁講比人派去守埋啲咩下把位，估唔到都有筍嘢咁...」



「當我聽倒佢哋咁講，我對腳先有番力走。」

「但係我唔可以一個人走咗去，所以我即刻走過去拉住家姐，諗住叫埋佢同媽咪一齊走...」

「不過班人好快就圍住咗我哋，佢哋仲搶走咗抱喺家姐手上嘅侄仔，然後捉住姨甥仔隻腳，好大力咁用佢個頭撼落地...」

「佢哋班人仲變態到，從後捉住家姐，迫佢眼白白睇住自己個仔比人虐待到死...」

Moon 再次沈默不語，我想她，已經無法再說下去。

「不如妳唞吓先，遲啲先再講啦！」我衷心希望她能調整心情。

「唔得！我要趁我仲有一口氣，就要話比人知，呢一班人嘅惡行！」Moon 竟也十分堅持。