［人性/有甜］- 屍•家•馬鞍山（隔日更新）: Chapter 398 - 首領

「啊！原來你瞓着咗，唔怪之得我哋叫極都無人應啦！」Dickson 裝作責怪她道。

「Sor 囉，咁人哋得自己一個喺度等，好死悶家嘛！」想不到 Daphney 好像已經與 Dickson 有說有笑。

「哈哈，凶吓妳之嘛，唔洗咁驚喎！」Dickson 逗趣道。

「超！邊個話驚喎，懶醒！」Daphney 不甘示弱，「不過阿 Roy 好似唔多開心喎～」想不到她突然將話題轉移到我身上來。

「話時話，妳頭先講嘅首領，係咩人嚟？」我只是板起臉問道。



「唔洗急... 我而家就帶緊你去搵佢。」Daphney 亦冷冷地回應。

我們一直走到此地的盡頭，然後再走上一條長長的樓梯。

「吖！出便黑媽媽，點解呢度又有電嘅？」Dickson 又再帶起話題。

「因為呢度有自己嘅發電機囉！」Daphney 回應道，「不過由於我哋用喺發電機嘅柴油存量唔多，所以我哋都會慳啲用...」

「Oh I see...」Dickson 看似十分理解。



「其實呢度本身有𨋢，不過為咗慳返啲電，我哋都只會係緊急嘅時候先會用...」Daphney 再三解釋道，「所以我哋只可以行樓梯喇！」

我也十分明白，但一切的答話都給 Dickson 霸佔。

我當然沒有阻止，因為我十分渴望，他可以把焦點從 Vicky 身上轉移。

走了一段長樓梯，我們終於到達那擱在半空的建築。

我看那樓梯還繼續向上延伸，但卻被建築圍板封住。



看來這裏就如 Daphney 所說，工程尚未完工。

我們走到一道大門面前，那扇門便好像電影般的向橫自動打開。

「阿 Roy...」在開門的瞬間，我終於看到久違了的芷蕾。

「搵唔搵倒啲抗生素？」想不到她好像比我還緊張。

「有！」Dickson 立刻把放在藥袋中的抗手素拿出。

「好！Daphney...」芷蕾轉向 Daphney 說道，「妳幫我帶佢見一見首領先，我轉頭再嚟。」

「吖...」我打算探問一下素恩的情況。

「放心，你朋友冇問題...」芷蕾亦意會到我所關心的事情，「佢情況穩定咗，加埋啲抗手素，應該好快好返...」



雖然我無法分清芷蕾的話是否出於安慰，但直覺告訴我，她並沒有説謊。

我只有拜托芷蕾將素恩照顧好，然後跟隨 Daphney 繼續內進。

我們一直走到盡頭的房間，Daphney 便示意我們先在一旁等待。

不消一會，她便示意我一個人內進。

而 Dickson 就繼續在門外等待。

大門開啟，面前是一幅熟悉，再加上另一幅陌生的面孔。

「大佬...」我好像已經很久沒有聽過他呼喚我。



「Keith...」相隔良久，我們終於能平靜地重遇，使我按捺不住要跟他深深擁抱。

「大佬...」我感到他的語氣帶點哽咽。

「得！你冇事就好...」能與他重遇，一切的疑問和猜疑都一一拋諸腦後。

始終，血濃於水的親兄弟感情，就是那麼的不一樣。

過了良久，我們才想起這房間有著其他人的存在。

我向他點頭示好，他亦點頭回應。

我無法看清那人的表情，因為他正帶著一個跟特種部隊一樣的頭套，一副黑色的太陽眼鏡。

然後便是被黑色大褸包裹的身軀。



但不知怎的，他卻有著一種莫名其妙的親切感。

「同你介紹，佢就係我哋幕後嘅首領。」Keith 為我引見。

「首領你好！」我抹掉心中的感覺，對他恭敬的行禮示好。

「好高興見到你，阿 Roy！」初次見面，那人竟也知道我的名字。

可能是 Keith 他們一早告知吧！

「我都好榮幸見到你，首領！」我仍是恭敬地回答到。

「唔好首領前首領後喇！你同 Keith 佢哋一樣，叫我黑先生啦！」首領對我說道。