［人性/有甜］- 屍•家•馬鞍山（隔日更新）: Chapter 376 - 營區之戰

我沒有去理會他，把他的手推開便繼續前進。

「嗚～」閘口隨即充斥着刺耳的蜂鳴聲。

「不要再闖，否則格殺勿論！」數名荷槍實彈的衛兵，從一旁的哨站飛奔出來。

他們擎槍指向我，誓要把我攔下。

我只有停止硬闖。



我並不是害怕他們的攻擊，只是怕一旦反擊造成死傷，便等於與太師為敵。

「好！我就回去...」沒有辦法，我只有乖乖的回去。

回到營中，已經見大舊一副早知如此的模樣。

「點呀？唔捨得走呀？」他輕挑地問道。

我老羞成怒，立刻握著他的衣領叫道，「你好快啲同我攞返張咭出嚟喇吓！」



「兄弟你稍安無躁...」大舊依然神態自若地答道，「我無所謂吖，爛命一條，邊度比著數咪做咩囉！」

言下之意，他是受人指使？

我正想追問，卻被他快一步搶答道，「你唔洗問喇，我冇嘢講！不過，有冇興趣同我做個交易？」

原本我不屑與他扯上任何關係，但想深一層，其實我可以借助他的力量。

「你有咩同我做交易先？」我唯有先把他放開，讓他道出條件。



「我見你望住禁區嗰邊好耐，應該都同入面啲嘢有關啦！」大舊説出所見。

「咁你知道入面有啲乜嘢吖？」我想試探他的所知。

「如果你有心同我交易，就唔好再試探我喇！唔好唔記得，你張身份咭仲未搵倒嫁！」大舊看來善於討價還價。

「好！我想搵一個人，你有冇方法搵倒佢喺邊？」我直接了當地問道。

「你搵嘅人，應該會喺禁區嗰邊...」大舊答道，「嗰度有個禁閉營，係用嚟招呼有問題嘅客人...」

「你知唔知道嗰度個正確位置？」我想知道確實一點的答案。

「嘿！你覺得我而家會話比你知？你信就信，唔信就算！」大舊從容地答道。

「咁你個交易條件係乜？」我向他問道。



「爽快！我嘅要求好簡單，就係幫我喺呢度對付一啲人，以你嘅能力，一定唔會有問題。」大舊說出了他的所需。

「好！」以現在的情況，我根本就沒有條件拒絕。

「好，咁就事不宜遲，我哋一陣就出發！」大舊站起來叫道。

「咪住！係咪我幫你手，你就會話比我知禁閉營喺邊，同埋還番張咭比我？」我想確認一下交易條件。

「我咪講咗會話你知嗰度喺邊囉！」大舊看似不耐煩地答道，「不過你張身份咭唔喺我度，我只可以叫人幫手搵。」

面對他的不置可否，我亦只能無奈接受。

因為當務之急是把素恩救出，其他的事情都不是太重要。



我亦只有跟隨他和手下們，一起前往另一面的營區。

「話時話，你哋咁攪法，啲軍隊唔理㗎咩？」我好奇問道。

「嘿嘿！你究竟係低能吖，定真係咁天真？」大舊毫不客氣地答道，「你唔係真係覺得，班人真係有心幫我哋嘛？」

想不到，他突然作出如此大的反應。

「睇你個款，都唔會知道佢哋每日淨係俾得一餐飽飯我哋食，其餘兩餐都係俾啲餅乾呀、乾糧呀我哋頂住，根本就食唔飽！」大舊氣憤地說道。

「所以我哋打餐死，佢哋都唔會理。」大舊續說，「只要唔好煩倒佢哋去收屍就得啦！」

果然，一切就如華叔所說。

太師讓他們存在，是另有目的。



説著説著，我們便走到了另一營區。而在我們面前，正開始聚集一班面目猙獰的人。

「喂大舊哥，上次仲打唔夠呀？咁快又自己送上門？」對方已經毫不客氣地叫囂著。

「你哋收啦！睇吓我哋今日點收你哋皮！」大舊的手下亦不輸蝕在這場口舌之爭。

「好呀，又睇吓點？」對方傳來陣陣的嘲笑聲。

「你哋大佬呢？上次比我收咗皮，所以匿埋唔敢出嚟呀？」大舊亦開口挑釁道。

「哼！手下敗將，淨係我哋都夠攪掂你啦！」一言不合，對方已經拿起不知道從哪裡找出來的武器，向我們迎面衝來。

大舊的手下亦拿起武器，向對方迎去。



被夾在兩伙人中間的我，只有無奈地迎戰...