［人性/有甜］- 屍•家•馬鞍山（隔日更新）: Chapter 220 - 情與理的決定

「我都係一時情急，好對唔住...」我看似真誠地道歉，「至多你比我加入你哋，我彌補番傷咗你啲人嘅損失。」

「你嘅 offer，我聽唔出有咩咁吸引𡃓...」他好像在試探我有什麼底牌用作交換。

「如果你哋肯原諒我，比我加入。我有一份見面禮比你！」我提議道。

「咁係乜嘢嚟先？」男子追問。

「係喪屍病毒嘅解藥，佢放咗喺個公事包度，不過我仲研究緊點開，所以收埋咗喺一個安全嘅地方。」在還未認清敵我身分時，我決定故弄玄虛。



「嗯... 咁好啦！如果啲解藥真係有效，一定會幫倒好多人，我哋一定要好好哋保管佢...」他熱心得實在令人擔心。

「我叫 King，歡迎加入！」King 伸出手表示歡迎。

「阿 Roy，呢個係 Venus，多多指教...」我亦有禮地握起手來。

「Venus...」King 說罷便用奇異的眼光看著我，「你真犀利！」

「Anyway，你係咪行得？」沒有等我答覆，King 已經催促著我行動。



「嗯... 其實而家幢嘢係咪安全？」我見他好像來去自如，不禁好奇問道。

「吖... 啲喪屍都比我哋清得七七八八，而你又咁打得，就算遇倒佢哋都唔驚啦！」他邊說邊問，「係咪一直落？」

「嗯... 啲嘢係地庫羈留室。」我亦沒有任何忍暪，爽快地答道。

King 聽後立刻興奮地往下跑，由於沿途都沒有任何阻礙，我們很快便到達羈留室的外面。

當我們還擔心著如何打開厚實的鐵閘時，赫然發現閘門已經被打開。



「呀～」擔心著妺妹情況的 Venus，已經搶先一步衝了進去。

我們亦立刻緊隨其後內進搜尋，卻發現倉內已經空無一人。

Venus 像發了瘋一樣在屍體堆中搜索，幸好那裡並沒有她不想見到的人。

「公事包！」我立刻想到它的安危，所以立刻往倉內找尋。

倉內的紙箱仍舊整齊的排列，不像被人移動過。

但為了確認公事包的安全，我還是立刻把放在裡面的紙箱搬出。

幾經辛苦，終於把目標紙箱找出。

而箱內的公事包仍然完好無缺。



那為何鐵閘會被打開？而 Kelly 又往哪裡去了？

我想了一想，便發覺我已經墮進了圈套。

「弊！我哋中計，即刻走！」我大叫著。

大家正準備離開，卻見孝信已經站在羈留室門前。

「喂阿 Roy，你果然冇令我失望喎！」孝信向我叫道。

「嚟，快啲將件嘢交比我，一齊返去同我 happy，哈哈！」他興奮地說著。

我一時無法對這突如其來的情景作出反應，只有呆站當場。



「做咩呀？識咗新女，就唔記得喺酒店等緊你嘅女朋友嗱？」很明顯，他在提醒著猶豫不決的我，他手中的籌碼。

「唔洗擔心，我哋會幫手救你啲朋友出嚟！」意會到孝信含意的 King，立刻提出交換條件。

「你個朋友 Clara 講過，佢原本個身份係間諜嚟，不過而家變咗節自立門戶。個公事包比咗佢一定死得人多！」King 說道。

「𡃁仔，你作故仔都幾叻㗎喎！你話我係間諜，你有冇證據先？咁我又係邊個國家嘅間諜呀？我夠可以話你係恐怖分子啦！」他説罷便轉而面向著我，「阿 Roy，無論點都好，你信我就啱㗎喇，包你榮華富貴，享之不盡！」

我陷入兩難局面。

在情，Carey、Coco、素恩都在孝信手上，我無法拒絕孝信的意思，陷她們於危險之地。

在理，若把公事包內的解藥交給孝信，他必定會用於滿足自己的野心上。

雖然不至於生靈塗炭，但這少不了令其他人犧牲。



「阿 Roy，你唔會蠢到想背叛我吖嘛？你知會有咩後果㗎啦！」孝信警告著我説。

「Roy，不如而家就解決佢，咁咪一了百了囉！」King 提出了另一提議。

「好呀！你夠膽咪試吓囉！」孝信一邊擺好架勢，一邊向我們挑釁道。

我想了一會，終於作出決定...