［人性/有甜］- 屍•家•馬鞍山（隔日更新）: Chapter 217 - 異變前夕

我望著 Venus，努力細想可以拯救她的方法。

腦中突然浮現一個想法，聽落有點瘋狂，但當我想起素恩曾經說過的話，令我覺得不妨一試。

不過，這當然要得到 Venus 的同意。

而且，這當中還存在著一個技術性問題，好像不容易解決。

「其實，妳係咪唔想死？」我問了一個連自己都覺得奇怪的問題。



「你個問題咁奇怪嘅？邊有人想死㗎？」她說得有點尷尬。

因為在不久之前，好像就有人要生要死。

「其實要救妳唔係唔得，不過有兩個問題。第一、要妳同我咩咩，第二、個方法都唔一定得...」我説著亦有點尷尬，怕令她覺得我另有所圖。

「點解聽落好似的神棍呃啲女仔開運咁嘅？」果然，Venus 覺得我醉翁之意不在酒。

「吖... 我唔知點講，不過呢個係我所知嘅方法...」我無奈解釋道。



「痴線... 要我出賣自己，我情願死...」Venus 堅定地答道。

「吖... 我唔迫妳，始終條命係自己嘅，一切留番妳自己決定...」我亦不想再作糾纏。

之後 Venus 走到一旁，細想了一會，然後走過來跟我說，「如果我真係變咗啲怪物，你會唔會殺死我呀？」

我只有點頭回應。

「咁如果真係要殺我，可唔可以唔好死得咁難睇？」估不到她就算是死，也要死得漂亮。



「我盡量啦！」我無法作出承諾，「要殺死喪屍，只可以破壞佢嘅大腦... 一係就打爆佢個頭，一係就切佢個頭落嚟...」

「吓～」Venus 感到失望。

「因為妳到時會失控咁撲過嚟，我冇得揀... 最多我儘可能對準你個太陽穴，一刀插入去... 咁都算死得最完整...」我回應道。

「吖... 咁又有咩分別喎？個頭無啦啦穿咗個窿，又點會好樣喎？」她仍是十分介意。

「喂小姐，死人邊個會好樣㗎？更何況，妳變咗喪屍之後，塊面已經爛曬啦！個頭爆唔爆又有乜分別？」我終於也無法容忍。

「你... 你唔洗嚇我喇，無啦啦又點會爛面？你講咁多嘢，都係想我應承比你咩之嘛！」其實，Venus 的想法也並不是無理。

「唉... 我講事實妳又唔信... 咁好啦，我由得妳自生自滅，唔鬼再理妳！」我覺得有點氣憤。

氣氛就這樣疆著，過了一會，頭痛欲裂的感覺再次向她襲來。



我看著她努力地調整呼吸，嘗試把痛感壓制下來。

可是，這一次看來不太奏效。

我拿起軍刀握在手中，以備必要時作出攻擊。

「呀～」頭痛乍裂的感覺，令她抱頭大叫。

我忽然想到，我是否應該讓她盡早解脱，免她繼續痛苦。

我拿著刀漸漸走近，準備對她作出攻擊。

「呀～ 你想做咩呀？我... 未死㗎！」仍抱著頭的她注意到我的行動，急忙向我叫道。



「如果遲早都要死，早啲遲啲又有乜分別？」我不屑地説道。

「咁我仲係人嚟㗎嘛，我... 我都未... 未變怪物... 我... 仲有知... 知覺㗎... 你咁樣同殺人... 又有乜分... 分別喎！」Venus 剛把話說完，便痛得抱頭倒地掙扎。

也許她說得對，殺人和殺喪屍，根本上就沒有分別。

我亦只是為了生存，便把敵人殺死。

我根本就沒有理會對方是什麼。

「呀～救... 救我... 我唔想死...」Venus 用盡氣力懇求著我。

她始終也向我求救。

這好像在我的意料之內。說真的，又有誰人完全不怕死？



不過這好像已經太遲，她在地上不斷翻滾，看似十分痛苦。

而傷口的瘀黑亦已經蔓延，病毒已經侵佔了她的整過右臂。

「求你... 幫我...」話音剛落，Venus 亦已經昏死過去。

事已至此，我決定立刻行動...