［人性/有甜］- 屍•家•馬鞍山（隔日更新）: Chapter 158 - 大戰前夕

無奈之下，我們只有開始吃掉面前的飯菜。

我們都打算把那些有料飲品放到最後才喝，好讓我們能將飯菜好好享用一下。

由於大家都被將要發生的事情所影響，所以氣氛變得十分尷尬。

一王三后，我真的想也沒想過。

而面前的三女，除了 Coco 之外，她們彼此都沒有看過其他人的裸體。



我一想到這裡，已經變得有點兒興奮。可是，她們只有自顧地夾著飯吃。

為打破沉默，我決定打開話題來。

「係呢 Coco，妳嗰日明明... 點解而家又...」雖然我很想知道答案，但我不知道 Coco 是否仍對我生氣，致使我問得呑吞吐吐。

「阿大情聖，冇見一排，點解連講嘢都口窒窒嘅呢？」Coco 向我挖苦道。

「嗯...」我沒有反駁。



「唉... 我仲以為已經冇人關心我添...」Coco 看著我説。「不過我可以執番條命，都真係算好彩...」

「嗰晚喺你哋走咗之後，我就靜靜咁坐在喺㗎車度，等住啲喪屍埋嚟。當時我好驚，淨係敢瞇埋眼咁等... 點知等吓一陣，等吓又一陣，都未見有喪屍出現。」

「不過，我又夾住咗睇唔倒㗎車後面有冇喪屍，唯有乖乖地坐喺車度等... 等咗唔知幾耐，終於見到有人出現... 而佢，就係素恩...」

「佢當時乜都冇講，淨係走埋嚟睇吓我腳下面嘅情況，望咗一陣之後，就同我講唔洗驚，我搵人嚟救妳。」

我望著素恩，可是她卻刻意把頭別了過去。我不禁在想，當時素恩的出現，該不會是巧合吧！



究竟，素恩跟著我們有多久了？

「過咗一陣，素恩就同四個荷槍實彈嘅男人跑過嚟。而因為之前發生嘅事，我又唔知佢哋救我有乜目的，我就好激動咁掙扎唔想比佢哋救。」Coco 續説，「我大聲叫，希望引倒的喪屍注意，令佢哋知難而退...」

「點知周圍啲喪屍好似已經死曬咁，嗌極都冇反應，正喺我諗緊仲可以點做，素恩就走出嚟同我講，話佢見我係阿 Roy 嘅朋友，先至嚟救我，叫我唔洗擔心。咁我先放棄掙扎比佢哋幫手...」

「我見佢哋都攪咗好耐，個天都開始光，終於，佢哋決定推開㗎車先...」

「佢哋將㗎車推開咗少少，但都係拉唔倒我出嚟，結果佢哋喺出面搵倒啲鐵枝、鎚仔咁，就開始撬開前面壓住我嘅嘢...」

「不過，佢哋一邊撬一邊拉，拉到我好痛，終於我都頂唔順暈咗。」

「醒番之後已經喺呢度，佢哋話好彩我夾得唔算嚴重，休息幾日就會冇事，佢哋又唔比我出去，咁我咪唯有乖乖哋留喺度囉！之後過咗幾日，就見倒你哋出現喇！」Coco 努力地解釋著。

「不過，我都未正式多謝妳，素恩！」Coco 向素恩説著。



素恩向她回報了微微一笑，便再吃起面前的飯菜來。

「嚟，先飲為敬！」Coco 説罷已經拿起桌上的飲料向素恩説著，「不過如果妳想挑戰 Carey 嘅地位，我就唔會放過妳...」

「嘿... 妳覺得過咗今晚之後，仲有分別咩？」素恩仍是冷冷地説道。

然後，她亦拿起一罐飲料，一口一口地喝著...

「總之點都好，Carey 先係阿 Roy 嘅女友啦！」Coco 仍是堅持著。

「嘿！喺我眼中，佢唔算我心目中嘅男人嚟...」素恩毫不客氣的説道。

「咁就最好啦！」Coco 説罷已經大口大口地喝著。



只見另一面的 Carey 仍在猶豫地看著眼前的飲料，Coco 見狀後便向她遊説著説，「係咪都要飲，不如開開心心咁飲啦！橫掂我哋全部都比佢咩個㗎啦！」

「咁又點同喎...」Carey 仍是羞羞的吃著面前的飯菜。

「喂，你唔好話我知，你係佢初戀嚟㗎喎！」素恩充滿挑釁地問著我。

「吖... 佢仲係細路女，比較純啫！」我回應道。

「咩細路女呀？」Carey 説罷已經拿起了一罐飲料，毫不猶豫的一口喝下去。

我亦逕自拿著一罐喝起來，我刻意細味當中的味道，但我卻找不到它和一般的啤酒有什麼分別。

難道這一隻所謂的催情藥，就是這樣無色無味的嗎？

可是，過了一會後，我已經感覺到血脈沸騰，面紅耳赤。



我看著 Coco 和素恩，她們亦已經變得滿臉通紅，Coco 更加不自覺地向自己的臉和手撫摸。

而素恩，亦因身體發熱而開始把外套脱掉。

Carey 雖然還沒有異樣，但她的眼神與面部表情，已經告訴我藥力正作她的體內發揮著效用。

看來，一場大戰已經是無可避免...