［人性/有甜］- 屍•家•馬鞍山（隔日更新）: Chapter 157 - 二女的爭吵

「Hello，送餐嚟喇！」素恩慢慢地把餐車推進屋內... 而迎來的，卻是二女仇視般的目光。

「Hello 我叫素恩，係負責送餐比你哋嘅！」

「哦！你就係嗰個外賣妹！普通貨色啫！」Coco 一看見素恩，便立刻惡言相向。

素恩好像不明所以，卻見 Coco 咄咄逼人地説，「妳唔洗扮嘢喇！妳令轉面自己睇啦！」

素恩轉頭去看身後的電視畫面，回頭時頓時變得滿臉通紅。



「點呀？外賣妹？」Coco 仍然不肯放過素恩。

素恩看來並不打算反駁，匆匆放下餐車上的食物，便打算離去。

可是，Coco 不願就此讓她離開。

「妳咪以為粒聲唔出就得吖，妳今日唔講清楚佢，咪洗旨意走呀！」Coco 説著已經站起來攔著她的去路。

「妳應該知道，妳係冇可能阻倒我㗎啦！」素恩眼神堅定的看著 Coco，好像快要對她出手。



我正想加入調停，不料竟被 Coco 喝止，「你坐番喺度，未到你講嘢！」

我本想反駁，但在我一旁的 Carey 已經拉著我的手，示意我不要參與其中。

Coco 之後更逼近素恩説，「我唔怕死㗎，就算妳要殺咗我，我都要講清楚㗎喇！」

「嘿嘿... 妳條命，本來就係我㗎啦！」素恩冷冷地回應道。

「妳咪以為救過我就大曬呀！妳而家蝦我個好姊妹，我就唔可以就咁算！」Coco 反駁道。



「咁妳而家想點呢？」素恩仍是不溫不火的問道。

「冇！我就要同妳講清楚，阿 Roy 個女友係 Carey，妳唔好打算鈎引佢！」Coco 義正嚴詞地説道。

「呵呵... 麻鷹唔管管雞仔... 你好似仲未攪清楚邊個係始作蛹者，應該去管邊個...」素恩説罷冷冷的看了我一眼。

「妳唔好理！總之妳要知道自己咩身份，同埋，同 Carey 道歉！」Coco 繼續發功。

「Coco 姐...」Carey 正要發聲，好像要勸説 Coco 收手...

「Carey 妳唔好出聲住，等我去處理！」可是 Coco 已經立刻出聲喝止。

「哈哈，道歉？就因為我同佢做過？」素恩這時直視著 Coco，「咁妳呢？妳又有冇同妳過好姊妹道歉呀？」

「妳講咩呀？我... 我唔知妳講乜喎！道咩歉呀？」Coco 立刻裝作不知情。



素恩看了我一眼，然後繼續説，「妳自己做過乜，心知肚明啦，妳要人哋服妳之前，唔該問吓自己有冇行差踏錯先啦！妳要我講曬出嚟都得，不過無謂令大家唔開心啦！」

素恩應該是從我的口中推斷出 Coco 和我的關係，於心有愧的 Coco，也不敢再向素恩迫得太緊。

我不想這僵局持續甚至發酵，於是我只有打完場般説道，「一切都係我嘅錯，有咩唔著就怪我啦！」

「緊係你嘅錯啦！唔係你，邊有咁多事攪出嚟！」Coco 立刻遷怒於我。

「係我唔著喇，不如大家喺度食餐飯當做和解啦！」我提議著。

「咪喇！我喺呢度應該都幾唔受歡迎，我都係走先！」素恩説著便要起身離去。

「喂素恩唔好走住！聽咗我個電話先！」此時一把熟悉的男聲在素恩身上的對講機傳出，枱上的電話亦隨即響起。



素恩依照吩咐把電話較至免提模式，好讓屋中各人都聽得到孝信的聲音。

「哈哈！你哋嘅對話真係何其精彩！」電話傳來孝信的聲音。

「既然你哋咁愛恨交纏，我就比個機會你哋一家團聚，哈哈！」

「素恩，今晚你就留喺度陪佢哋！原本我諗住今晚落嚟妳嗰度嘅，不過，我諗諗吓都係睇你哋一家親仲過癮！」

「兄弟，今晚就送你一個一王三后慰勞你，可遇不可求呀，哈哈！」

「呀孝信哥，佢哋都攰㗎喇，不如今晚就比佢哋唞吓啦！」我回應孝信道。

「我冇話比佢哋唞喎！」孝信突然惡言相向。

「不過如果你對邊個唔滿意，我就即刻叫人帶佢走，我仲有好多手足需要慰勞㗎，哈哈！」他的語氣又再變得輕浮。



「咁仲有冇人有問題？」孝信語帶恐嚇地問道。

屋內頓時鴉雀無聲。

「呀 by the way，為咗大家玩得開心盡興，我喺的飲品度加咗少少嘢，你哋記住一人一枝飲曬佢。如果邊個出古惑，我一定會搵出面啲猛男招呼佢！」

「好喇，冇嘢問啦嘛？So，enjoy your meal，and have a good show， 哈哈！」説罷，孝信便把電話掛斷。