［人性/有甜］- 屍•家•馬鞍山（隔日更新）: Chapter 115 - Connie 的家 (下)
「佢哋就喺附近，你想見佢哋？我可以帶你過去喎...」我試探著她。
「噢... 唔洗喇！我都係八吓啫...」果然，Heidi 只是想試探我的朋友是否在附近。
「係呢，你哋琴日有冇聽倒附近有撞車聲同槍聲？有冇發現啲咩嘢？」我問。
「吖... 我唔係好清楚... 我冇乜留意出面嘅情況，你都係問其他人好啲...」Heidi 説時的眼神閃縮，好像有所隱瞞。
「噢... 係呀，琴日我哋就經過附近，仲以為你知添... 吖，頭先唔記得問 Johnson 有冇多一枝牙刷添，呢度已經冇曬新嘅... 同埋可以嘅話，幫我攞啲肚痛藥吖，我痛咗成日都搵唔倒藥食呀...」我提出要求，好讓 Heidi 離開。
「好吖，我出去同你攞。」她好像生怕被我繼續追問下去，於是便把握此機會離開。
當然，我亦希望她可以盡快消失。
大門關上，我立即把防盜鏈扣上，以防他們突然闖入。
確認大門關好後，我便對 Connie 説，「頭先 Heidi 講嘅嘢，你覺得點呀？」
「我覺得佢好似有啲嘢隱瞞，同埋佢好似對你啲朋友嘅情況莫不關心咁...」Connie 回應。
「我都覺得係... 所以我諗此地都不宜久留，不如你過嚟我嗰邊住，方便照應？」我始終覺得，我的家比較安全。
「吖...」Connie 打量著我，看得我有一點尷尬。
「吖... 唔好誤會，我女朋友都喺嗰度，我咁講都係想方便照應啫...」我尷尬地回應。
「唔喇，我都係想留番喺度... 呢度有咁多人住，應該都唔會有啲咩問題嘅，最多咪死... 我一個女人帶住個女，真係唔想再周圍去喇。留喺度，起碼有番多啲安全感吖...」Connie 眼泛淚光地説著。
我雖然覺得離開比較安全，但我亦完全理解她的想法。反正一切也只是我的猜測，可能是我過分敏感罷了。
「我明嘅... 之不過，今晚可唔可以比我借宿一宵呀？」我打算在深夜時分，到屋苑的其他地方去打探一下。若然這裡真的如 Johnson 所説分工有序，這也不失為我們和酒家生還者們，一個棲身的好地方。
「好啦... 不過我哋呢度冇多張床，可能你要訓梳化喎。」Connie 好像不太想有其他人留在屋內，只是礙於不好意思把我拒絕，才勉強答允。
「我冇問題，有地方訓就得㗎喇。你當今晚多咗個私人保安保護妳哋啦，哈哈！」我回應道。
「叮噹」不久之後，門鐘再次響起。Johnson 和 Heidi 抬著一箱箱的食物和日用品進來，看來他們儲存的物資真的不少。
二人離開之後，Connie 和 Fiona 便急不及待跑進浴室洗澡。看來這是她們個多星期以來，除了食物之外最渴望的東西。
她們都洗得比較久，致使我可以有空四處閒逛。除了已經關了門的主人房不便內進之外，屋內四處都放置了方便小孩玩耍及學習的家俬和物件。
我轉而望向屋外的世界，映入眼簾的，是屋苑內園景色。由於不想吸引注意，大家屋內都只是亮著微微的燈光。
一個多小時後，二人終於從浴室走出來，她們皆換上了印上卡通人物的開胸睡衣，看來真的回到家中，才能給她們安全舒適的感覺。
吃過晚飯後不久，我便感覺到一股睡意來襲。於是把手機的鬧鐘調教好之後，我便安然入睡。
不知睡了多久，我忽然被一盤冷水淋醒，赫然發現自己已經身處在另一個地方。雙手和雙腳被反綁在一條圓柱上，而在現場出現的，當然還有同屋的 Connie 跟 Fiona。
不同的是，她們只是默默地睡在會所大堂的地上，手腳並沒有被反綁。
我向四周打量，除了 Johnson 和 Heidi，以及一些不認識的人外，好像還有一個似曾相識的面孔。
中年男人，略胖的身形...
是陳院長！是那個對 Karen 跟小喬伸出祿山之爪，還有在緊急關頭，將我們逃生之門狠狠關上的賤人 - 陳院長。
陳院長、Johnson，請兩個賤人結成一夥，定必沒有好事發生。
「哈哈... 細路，之前你就過癮啦，帶住兩條索女一齊走，估唔倒你咁快換咗畫喎！不過，你真係好似對人妻情有獨鍾咁，換畫都要搵番人妻，真係識食...」陳院長猥瑣地説著。
「係喎... 話時話，Karen 同小喬佢哋去咗邊呀？比你食咗呀？定係玩厭咗殺咗佢哋呀？哈哈！」陳院長續説。
「佢哋好好，唔洗你操心！」我怒吼著。
「哈哈... 好，如果係真嘅話，你而家就帶埋佢哋嚟，我咪比過副主席你做囉！到時我哋兩兄弟咪有女同享囉，哈哈！」此時陳院長向我靠前，「唔怕同你講吖，我真係好掛住 Karen 同小喬佢哋呀！如何可以兩個一齊玩，你話幾正吖，哈哈！」説罷，這個變態的男人竟隔著褲，套弄著自己微微突出的異物。
「你條仆街，真係賤到貼地！」我憤然叫道。
「哈哈，話我賤？我再賤啲都仲得呀！」陳院長説著已經步向 Connie 與 Fiona 身旁，「我再問你一次，去唔去帶嗰兩條女過嚟？」