［人性/有甜］- 屍•家•馬鞍山（隔日更新）: Chapter 111 - 力量初現

「韓國！」我們不約而同地叫了起來。

「而家手上嘅一切資料，都好似同韓國有關。我地疑似被打針嘅地方，Keith 之前發病嘅地方，呢本筆記嘅語言... 同埋，我之前曾經比擁有呢啲槍嘅神秘組織捉過，佢哋個話事人應該都係韓國人！」我補充。

「韓國人？」華叔對我的話感到好奇，於是我便跟他簡單敘述一次我跟孝信和素恩的相遇，以及之後發生的事。

「唔... 攪咗咁耐，終於都叫有啲眉目。不過韓國嚟我哋咁遠，山長水又遠咁攪咁大單嘢為乜？」華叔也説出我內心的疑惑，「同埋，件事發生咗個幾禮拜，如果政府或者大陸要解決呢件事，可以抽調軍隊清場，甚至焦土政策都得，點解只係將我哋隔離？我諗呢度應該有一啲關鍵或者非常重要嘅嘢，令佢哋不至於立即將馬鞍山夷為平地...」

我真的佩服華叔這樣有理據的推論，雖然大家都談得熱血沸騰，但我現在擔心的，仍然是 Carey 的情況。



「好啦，我都係返去先喇...」我説著便打算出發。

「本筆記你袋番先，遲啲可能有用。同埋頭先你講嗰個韓國女仔，你見倒佢小心啲，直覺話比我知佢唔係咁簡單...」華叔提點著我。

我道謝過後便步出休息室，臨離開之前，我打算跟 Connie 母女道別。

Connie 雖然對我的決定有點驚訝，但她還是對我十分支持。

「其實... 我唔係好想留喺度，好冇安全感。你介唔介意送埋我哋返屋企，我哋原本有揸車嚟呢度同朋友食飯，點知朋友一家走甩咗，老公又... 佢條車匙仲喺我度，你可以揸架車返去...」Connie 提議著。



雖然我不想再節外生枝，但她提供的車子卻能帶給我快捷及安全回家的方法。

「咁你住喺邊？」我打算先得知她的目的地再決定。

「海典居... 即係馬鞍山中心對面。」Connie 回應著。

「噢... 咁啱嘅，我屋企就喺馬中...」既然順路，我也找不到拒絕的理由。

就在我們準備打開後門離開之際，富仔突然出現在眼前。



「不如帶埋我走吖？」富仔要求道。

「呀～」富仔的突然出現，令 Connie 母女嚇得花容失色，「我唔要佢同我哋一齊，我認得佢，佢有份攪啲女仔...」

「妖... 我都係迫不得已啫，同埋我之前都見倒妳，就係見妳帶住個女先特登唔攪妳咋！」富仔反駁著，「估唔到妳恩將仇報囉！」

「我唔知，不過我肯定你唔係好人！」Connie 立場十分堅定。

「咁冇計喇，富仔。對唔住，你唔可以同我哋一齊去...」其實，我也不願他加入。

「咁... 一齊落去都得啩？」富仔仍沒有放棄，就好像一個死纏爛打的小混混。

我怕他跟我們下樓之後，會反口要求與我們同行，於是我提議著説，「咁你自己落去先，我哋遲啲先走...」

「DLLM 吖，我比足面你，你就當我契弟！妳條臭西當曬佢係好人，遲啲咪又係比佢屌到妳啪啪聲？分分鐘攪埋你個女都似...」富仔忽然變臉。



「道歉，我要你即刻道歉！」我的怒吼聲引來了其他人的圍觀。

「道你老味！」富仔説著已經打算拔槍對著我，但由於我一早已經預計他會發難，他的手腕轉眼已經被我握緊，手槍亦隨即跌落地上。

盛怒的我沒有把他放開，反而不斷增加力量去把手握緊，直至他的手腕傳出清脆的碎裂聲，剛才已經到場的華叔才出手安撫我激動的情緒。

「呀～」手腕骨被硬生生握碎的富仔痛不欲生，逕自跑開到一旁慘叫著。

身邊的其他人亦為我的怪力而感到驚訝... 在這一瞬間，此空間集合了驚嘆和恐懼的表情。

「阿 Roy，冷靜啲...」華叔輕輕的搭著我那仍在顫抖的手，Keith 和 Suki 也圍了過來安撫著我。

憤怒的情緒終於稍退，連我也對這突如其來的力量感到恐懼。



「不如，唔好走，同我哋一齊啦...」回來之後，一路與我扮作生疏的 Suki，終於都開口要求我留低。

雖然，她可能只是為了團伙的著想，又可能是基於對普通朋友的關心，但我已經覺得十分滿足。

可惜，我已經決定去守護另一個重要的人，而且，我剛剛亦已經作出了新的承諾。

「多謝你哋... 不過，我真係要返一返去先，更何況，我啱啱先應承咗帶 Connie 母女返去。不過，你哋放心，我會好快返番嚟同你哋滙合...」我回應著。

於是我彎身拾起富仔跌在地上的槍，把它交給華叔後，便凖備開門離去。

「準備好未？」我問 Connie。

「嗯...」Connie 説罷已經把 Fiona 抱起。

「Bye Bye～」Fiona 跟大家依依不捨的道別，因為大家都明白這次分別後，便不知道何日能再見。



後門關上後，我們三人便開始要獨自面對出面寂靜而危險的世界...