［人性/有甜］- 屍•家•馬鞍山（隔日更新）: Chapter 20 - 臨時棲身地
意識，停留在虛空之中...
我回到了馬中的家，等待著我的，是失散了的女朋友 - Janice。
「你終於...都...番...嚟...嗱？」Janice 的表情由興奮突變為落漠，「佢，佢係邊個呢嫁？」
此時我才發現右手正拖著一人，而那人竟然是 Karen。
Karen 看見 Janice 後便把我拉得更近，右邊手臂被她緊緊的箍緊，手臂壓在她的一邊乳房之上。
「你就係佢失蹤咗嘅女朋友呀？不外如是啫！佢已經同我喺埋一齊啦！你都係算把啦！」Karen 語帶挑釁。
「Roy，點解會咁嫁？咁佢呢？又係你女友呀？」Janice 面向我的左手邊問道。
此時我發現我的左後方有一女子站著，頭髮垂下把面龐遮蓋，但我仍能認出她是 Vicky。
「點～解～你～唔～嚟～搵～番～我～～～」Vicky 的聲音十分哀怨...
「我，我，我...」正想解釋，但我又想不到原因，正當遲疑之際，Vicky 已經衝上來咬住我的左肩，而對面的 Janice 亦變得面目猙獰，向著 Karen 衝去。
我用力把 Vicky 推開，左肩上的一部份肉也隨即被扯走，傷口劇痛大量出血。但我顧不了我的傷勢，因 Janice 已經撲到 Karen 面前。在千鈞一發之際，我用身擋住了 Janice，同時亦犧牲了我的另一邊肩膊。
我用餘下的力氣大叫，「走呀 Karen，唔好理我，走呀！走呀！！！」此時 Vicky 亦已經殺到，咬著我的脖子，撕扯...
血流如泉，身體不斷抽搐，口噴鮮血...
眼前一閃，一切回復平靜。背痛再次襲來，但已經沒有之前那麼嚴重。我努力把眼睜開，摸著自己的脖子，幸好還在。床邊一雙明眸在凝視著，與我有眼神接觸後，靦腆的別個頭來。
「你頭先係咁叫，叫乜嘢呀？」Karen 背對著我問。
「哦，係咩，我唔記得喇...」我的頭十分漲痛。「不過好似發咗過夢。」
「你，你係咁叫我走，叫我唔好理你...都唔知你做乜！」Karen 轉而面向我，可見她滿臉通紅。
「好似係發惡夢，有危險，不過詳情唔記得...」其實我對夢境還有印象，不過不知道怎樣對她解釋夢𥚃的人物關係，所以乾脆不説。
「係咪見倒我所以先發惡夢？」救命，看來她不甘就此罷休。「同埋，我見倒你下面有反應...」
這話令我也有點尷尬，我便反駁道，「頭先發夢我哋比喪屍追，我咪擋住叫你走先囉，至於...」
我想了一想，「嗰啲叫晨勃，係男人啱啱起身都會有。」
「唔好呃我喇，我經驗豐富過你！以前我老公都會有咁嘅反應，不過係瞓醒嗰陣。而你係瞓緊嗰陣，即係同個夢有關！」究竟她看著我有多久？她一再挑釁，我真的想立刻把她推倒。
「哈哈哈，睇你個樣尷到！」Karen 掩著嘴説，「好正常之嘛，老娘我有乜未見過吖！哈哈哈...」
真的被玩透了。我想把話題轉開，便問道，「我瞓咗幾多個鐘？」
「吓，你唔係呀嘛？你足足瞓咗兩日喇喎，你唔係唔知嘛？」Karen 好像十分失望。
話説回來，這段期間我好像有進食過一些流質食物，身上被換了中心內的睡衣。下體感覺空洞，才發現我現在竟然沒有穿著內褲！但因之前的混沌狀態，我完全分不出哪些是真實，哪些是夢境。
「啲野食同衫，係咪你幫我...」我有點不知所措，只能用手勢幫忙表達。
「你好嘢呀你，如果唔係你估幫過會幫你換？」Karen 看來有點生氣。
「咁，我啲底底？」
「仲問？咁鬼臭緊係要攞去洗啦！」
「吓...」我驚訝地叫了一聲。她竟然幫我洗底褲？
「唔好唔會吖，我放曬落洗衣機自己洗㗎咋！咪以為係我幫你...」
「點都好，唔該曬！」我由衷感謝。「咁，呢兩日有冇咩特別嘢發生？」
「都係咁，不過琴日市中心果邊有槍聲同爆炸聲，啲聲都維持咗一段時間，跟住就有好多黑煙冒出...」
「咯咯咯...」這時門外突然傳出敲門聲，「Karen 小姐，係我，陳院長呀，方唔方便入嚟呀？」
Karen 猶豫了一會，便走過去開門...