［人性/有甜］- 屍•家•馬鞍山（隔日更新）: Chapter 17 - Karen 的故事
「我唔想再留喺呢一度！你會唔會同我一齊走？」Karen 突然站起向著 Ben 喝問。
「吓，無啦啦做乜要走呀？」Ben 大感不解。「出面咁危險，真係好無謂。」
「我唔可以再忍受同呢個女人同屋，如果你唔走，我就自己走！」
「你都幾蠻不講理嘅喎，都話出去危險囉，無啦啦做乜要走出去送死？」
「總之我就唔要留喺度！Roy，我老公佢死都唔會走㗎喇，你介唔介意我加入埋一齊走？」想不到 Karen 竟然寧願與 Ben 分開也要離開，我看著 Ben，他像在示意我拒絕。
正當我感到兩難之際，Vicky 突然開口。「好呀，多個人多個照認吖嘛。何況我都贊成你唔好留喺度。」
Ben 怒視著 Vicky，她的眼神也毫不退讓。我明白 Vicky 不滿的原因，但我不想在這時產生不必要的衝突。
「如果 Karen 想走咪由得佢囉！放心啦，我地會盡力送佢去目的地嫁喇！到所有嘢都 settle 之後，你咪番屋企搵番佢囉！如果你唔放心，不如一齊走吖？」我打完場地説。
「你哋想點就點啦！廢事理你哋！」Ben 説罷便離開大廳往上層走去。
「我諗，都冇我嘅事喇何？咁我都閃先。」Eva 亦跟著離開。
Karen 怒視著他們離開，Suki 與 Vicky 大概都明白到 Karen 所為何事，只有 Keith 和 Kimi 摸不著頭腦。
「唉... 我去睇吓有咩新聞。」Kimi 亦離開飯枱，坐在梳化上看電視。
「咁，不如我哋開始計劃一下行程。」我説。「Karen，目的地係咪銀湖？」
「係呀...我隻貓 BiBi 已經一日冇食野，雖然佢應該都冇乜野，不過我都想睇吓佢點。」
「吓，你有養貓㗎？點解唔聽見你老公講嘅？」Suki 感到好奇。
「唉...佢不嬲都唔鐘意我養貓，又點會理佢嘅死活吖，要佢冒險番去更加冇可能。」Karen 語帶無奈。
「算啦，呢啲人，冇咗唔洗可惜。」Vicky 仍然替 Karen 忿忿不平。
「所以，呢個就係你堅持走嘅原因？」我問。
「其中之一啦，另外係對佢感到失望。」Karen 看見我們疑惑的眼神，便解釋道，「我琴晚見倒你哋兩個落咗街。」Karen 繼續説道，「所以，我都見倒阿 Ben 同嗰個女人出咗去。」
Karen 稍為停頓，「唔知係咪有心安排，我哋間房係可以望倒地產舖嘅後門嘅！琴晚我唔係好瞓得著，所以喺張床度典嚟典去。隔咗一陣，我聽倒度鐵門「嘭」一聲閂埋咗，所以咪望落街睇吓啦。」Karen 聲音略帶顫抖，「點知...點知就見到 Eva 條八婆蹺住我老公隻手，挨到實一實咁走咗入間舖度好耐。雖然我見唔到佢哋做乜，不過都唔慌好野...」
「可能，佢，佢哋真係有正經野做呢。」知道真相的 Vicky 想安慰 Karen。
「哈哈，咁你哋兩個睇倒啲咩吖？」Karen 冷笑著說，「有啲野唔冼親眼見都知，因為佢已經唔係第一次。之前有朋友見到佢同其他女人去爆房，我之後問佢佢又係死都唔認。」
「我哋都冇乜感情嫁喇，不過因為唔想離婚令家人唔開心，所以拖住先。琴日諗住同佢啲朋友入西貢食海鮮，點知突然發生咁大件事...」
「吓，喺西貢？咁咪...」Suki 掩著嘴道，「不過又唔聽見阿 Ben 講嘅？」
「唉，佢嗰啲係酒肉朋友嚟嫁啫，點會理佢哋既生死吖，佢提都費事提啦！佢喺人面前最鐘意扮正義，扮好人㗎啦，如果比你哋知道佢有朋友喺西貢，又問佢去唔去救，佢都唔知點答你。」Karen 繼續訴説。
「算啦，而家大家都唔同路喇。琴晚我哋見到佢哋兩個偷情，都戥你唔底。放心啦，我哋一定會撑你嘅！」Vicky 搭著 Karen 膊頭道。
「好啦，咁我哋定一定路線先！我知道呢度去銀湖應該有兩條路可以行，一條係直去行西沙路，另一條就行近海旁嗰邊。我琴日見到帝琴灣之前有條小路，不過我唔肯定過唔過倒去烏溪沙嗰邊。」我説。
「我之前同啲 Friend 行過，小路一直行到盡會有條路穿過馬鞍山繞道，去到烏溪沙。況且條路平時比較少人行，可能安全啲。」Keith 説道。
「行嗰邊要經過帝琴，希望嗰邊冇乜喪屍啦！」我補充，「不過，我都贊成行呢條路。女仕們，有冇意見？」
「你哋決定啦！咁到咗銀湖，喺咪就番恆安？」Suki 仍是想念家人。
「係，恆安係目的地。先送咗 Karen 番去，我諗大概半個鐘倒，睇情況再出發，應該下晝就到恆安。」我預計一下時間。「咁好啦，大家番房執袋，十五分鐘內落番嚟，記住留番啲位擺嘢食...」