［人性/有甜］- 屍•家•馬鞍山（隔日更新）: Chapter 8 - 制服強哥

最先衝向強哥的是阿 Ben ，不知何時他已經擺脫 Karen 的熊抱，走向前想要制服強哥。（其實我一早覺得 Ben 要掙脫一點也沒有困難，他是等待著機會，還是另有原因？）

強哥亦不是省油的燈，雖然下半身赤裸並跌坐地上，但仍能與 Ben 角力不被壓倒，此時 Keith 和我亦放下手中刀前去支援。

沒有制服他人經驗的我們，根本不知道如何入手。此時 Ben 焦急地說。「幫手壓佢落地啦！」由於 Ben 在正面角力，Keith 便在一旁幫手壓強哥落地，強哥見我們加入，更加用力掙扎，腳也在亂踢。我便繞倒他身後用手㧜著他的頸拉著，經三人的努力，我們終於成功把他按在地上。

「Vicky，麻煩你搵下有冇繩，一係就解咗綁住 Eva 啲繩攞嚟用。」我雖然膽小，但絕對冷靜。

Suki 亦過去幫 Vicky 解開繩子，Eva 鬆綁後急忙用破爛的衣服遮蓋身體。



「你唔好再郁呀！」Ben 喝道。雖然給三人壓著，強哥亦不斷掙扎。「你班 PK ，一係你哋就打死我，如果唔係我一定會報仇！」Ben 沒有理會，接過 Vicky 給他的繩之後便開始綁著。

「你哋行開！」Eva 已經整理好衣服亦拿著菜刀走過來。「我今日要切咗佢為民除害！」

「Eva 姐你冷靜啲呀！」Suki 及 Vicky 都想去勸止她，但 Eva 怒氣沖沖。「佢咁對我，你叫我冷靜？行開！我唔想傷倒其他人！」兩女只有無奈退後。

「我話行開呀！」Eva 揮舞著菜刀向著我們。

我們都不想多説，各自退後。強哥見 Eva 來勢兇兇，陽物因褲子還未穿回仍在外露，心知凶多吉少，急道著。「你哋唔係嘛？由得條顛婆亂咁嚟！」



我們不作任何表示。Eva 亦歩亦趨，強哥只有急急退後，最後退到了身後的露台，貼近欄邊，好像想必要時躍下逃走。

「你跳落去吖，夠薑就跳！睇吓的怪物會唔會同你分屍？」Eva 站在門邊說。

強哥心知跳下去的效果，雙手被綁，腳又被絆著，跟本逃不掉...

「對唔住，係我唔啱，係我一時衝動，求吓你放過我啦！」強哥邊說邊跪著。

「哈哈，頭先你唔係好威嫁咩？而家又死狗咁款，都話你冇L用嫁啦，哈哈...」Eva 得戚地説著。「咁你係唔係冇L用吖？」



「係，係，我真係冇L用，Eva 姐話得啱！」

「既然你都認冇L用，咁我幫你切咗佢啦！」Eva 說著走近強哥，強哥面如死灰。

「算啦 Eva！」説話的又是 Ben，「今次就放過佢啦！」

「係啦係啦，我保證冇下次！」強哥搶道。

「保證？點保證吖？我浄係知切咗就一了百了！」Eva 道。

「無謂傷人啦，犯法嫁！況且而家冇得止血，佢可能會流血不止而死，咁樣就係殺人啦！」Ben 反駁道。Eva 面色一沉，看來她並沒有考慮太多。Ben 借機續説。「有冇地方可以困住佢先？跟住再睇吓報唔報倒警拉佢？」

「地方吖...一係天台囉！」Eva 不屑道。

「天台冇瓦遮頭，好似冇乜人道咁...」Ben 想了想後説。



「不如就露台呢度啦，應該可以反鎖佢喺出面。」我指著露台門的門鎖說。

「就咁話啦！」不待 Eva 答允，Ben 已經把門關上並鎖著。「咁而家咪安全囉！」

「好...不如，我哋試吓有冇野同外界 contact 倒？」我說。

「我啱先試過打999，冇人聽...」Vicky 道。

果然，沒有奇跡...