［人性/有甜］- 屍•家•馬鞍山（隔日更新）: Chapter 2 - 危機爆發

「呢個係警方嘅呼籲：由於西貢一帶發生突發事件，依家所有通往西貢嘅道路會暫時封閉。請大家留喺車上面唔好離開，等待警方嘅進一步安排。」一輛警車正在逆線慢慢駛過，並播放著警方呼籲。

車上議論沒有停止，有些乘客上網，有些在打電話，希望得知進一步消息。

當我正準備打給女友時，Vicky 先開口。

「網上啲人話西貢有喪屍，有人 upload 咗啲相同片。」

討論區的相片不多，亦不是很清𥇦。大部份都只看見逃跑的人群，只是有些人的身上好像染有血跡。



「呢度有條片，噤去睇吓。」我説。

按下去之後，電話就停留在 loading 狀態，可見網路速度受到影響。

「喂！喂！頂你個肺吖...」一名大叔在後排座位對著電話怒吼。

喂，喂聲此起彼落，看來通訊網絡已經停止。

「點解會上唔倒網，講唔倒電話嘅？」久未開口嘅 Suki 終於焦急地問。



「可能喺太多人同一時間用，網絡擠塞啫，遲啲再試啦！」Keith 安慰着。

「唔似喺囉！」後座的大叔走過來說。「網絡擠塞唔會全部野停曬，連 SMS 都 send 唔倒囉！之前打風嗰啲都試過啦，啲 SMS 一定 send 倒，而家似成果網絡停咗多啲...」

「我反而覺得係政府有意封鎖消息囉！」大叔仍然滔滔不絕。視線停留在 Suki 的大腿。

「你咪吹得就吹，冇證據明好喺度9噏！」Keith 明顯對大叔的言行不滿，甚少說粗言的他也按耐不住。

「屌你吖，好聲好氣提你哋你話9我！我成日同差佬交手，佢哋呢啲衰野我唔知？」大叔步步進逼，好像想動手。為免發生衝突，我便站起來對 Keith 說。「阿叔都係一番好意，不如算啦。」跟著對大叔説「唔好意思，一場誤會。」



「嗱，呢位阿哥就似樣啲啦。學人扮護花使者...」

「收聲啦大叔！」另一面座的一位女子說。「睇住你走去𥄫人大脾嫁啦，咪衝出嚟柒啦！」

「係羅，不如報警話有爭執等警察處理囉！」身邊的男子亦和議道。

大叔見有其他人幫口，又聽見話要報警，便心心不忿地返回座位，口中念念有詞。

「唔該曬！」Keith 禮貌地道謝。

「唔洗，我係唔抵得啲人啫。」女子道。

「有冇諗過行番轉頭？」男子續說，「件事好唔尋常。如果真係好似網上講話有喪屍喺西貢，我哋嘅處境都幾危險。但差人淨係叫我哋留係車度，冇進一步安排，好明顯係急於應付。」

「依家仲未見人由西貢走出嚟，好可能警方已經設立咗防線。不過一旦佢哋頂唔住，我哋未必走得切。但若果佢哋冇事，我哋自行回家都唔見得佢地可以追究啲乜。」



「吖...講咗噤耐，我叫阿 Ben，呢個係我老婆 Karen，點稱呼？」

「我叫 Keith，女朋友 Suki，佢同學 Vicky 同我大佬 Roy。」

「Hi，你哋好。我就諗住同老婆行番去，咁你哋點睇？」

我們互相對望...