［人性/有甜］- 屍•家•馬鞍山（隔日更新）: Chapter 1 - 不一樣的周六

「喂，大佬！」
一把熟識的聲音，喚醒了我。

「喂，起身啦，仲訓！」
頭仍是感覺無比的重。
眼微微張開，拍打著我的，是我的弟弟。

「頂，洗唔洗咁早呀，比我訓多陣啦！」
我對睡眠被打斷表示強烈不滿。



「你再唔行，我就自己去先喇！」
弟弟說著正要離開睡房。

「Oh shit！差啲唔記得咗，而家幾點？」
我彈起床。

「十一點半啦！再唔起身，飛的係咪你比？」

「好快，十分鍾！」
我飛奔去廁所刷牙洗臉，弟弟已經在執拾背囊。



「係咪西貢燒烤樂園？」
我完全忘了地點。

「頂，又係你話唔想食自助 BB 蕉嘅，要自己起爐先型嘛！」

「又好似係，琴晚玩得太顛，斷咗片。其實如果唔係比面你條女，我都費是去！」

「你咪又係想襯條女入 camp 就攪攪震！」



「拿，你唔好咁講，識多啲人啫！」

此時弟弟已經執拾完畢，仍不忘以中指回應我。

「喂，幫我執埋啦，咁咪可以快啲出門口囉！」

弟弟雖然怒視著我，但也拿起我的背囊執拾，看來他也很想快點兒出發呢。

住市中心的好處，就是交通方便。屋苑樓下便是巴士站。由於是周六，等巴士入西貢的人不少。

「即係下班車就到？好，咁我哋上。」
因弟弟女友住恆安，她便先在總站上車，我們中途上車會合她。

巴士上有不少入西貢玩的人，但都總算有位坐。弟弟女友坐在下層的對座位，傍邊坐著另一位少女。



「喂 Hello，我大佬你見過嫁啦。」弟弟向他女友說後，轉頭向少女說。「我大佬 ，Roy。」

「Hello，我叫 Vicky 呀。Suki 嘅同學。」

我們開始閒聊。

兩人無論身形，打扮都差不多（短T熱褲加件薄外套）如果一定要分別，就是言談間，Vicky 好像比較熱情一點。

「Keith，不如比你同 Suki 坐吖。」Vicky 説著已站起準備和我弟弟換位，就這樣，Vicky 坐在我旁邊。

一陣香氣襲來。幽幽的花香味令人心曠神怡，我暗爽。

車行到西沙茶座附近，便開始慢下來。

「Oh，塞車添，希望唔會遲到啦。」Vicky 說。



「唔怕啦，一喺我 what's app 佢哋叫佢哋透爐先。」正當 Keith 拿起電話之際，他的電話響了。

「喂，阿 Rex。」「好」「咁我同佢哋講，你自己都小心啲。」

「阿 Rex 話好多人喺西貢走緊過嚟大網仔，啲人話西貢嗰邊有好多人發癲咬人喎。」Keith 説的語氣有點慌。

此時逆線開始有警車響著號高速駛往西貢方向，當中有不少是機動部隊的小巴，看來真的有大事發生。

巴士上人們開始不安，談論著...