能擁有你嗎？哪怕只有一天: 十二 生日

凌詩同何逸霖分左手都差唔多一個月喇，差唔多係何逸霖既生日喇，我諗左好耐，我應唔應該同佢講聲生日快樂呢？

我：我同唔同何逸霖講生日快樂好？

小欣：講啦，你地真係想呢一世都唔再有聯絡？你捨得咩？當朋友講一句生日快樂有咩大不了。

我：咁又係既。

係我左諗右諗幾日，就到佢生日喇，我將句生日快樂打左係輸入欄，一直猶豫講唔講好，突然一股勇氣令我㩒左傳送。而我諗佢應該會已讀不回既時候，突然傳來佢既一句多謝。





霖：多謝你，我之前換左電話，無儲存到之前既聯絡人，你係？

原來佢無左我既電話號碼，呢一刻我好似放下左心頭大石咁。

我：我係林允㬢。

霖：咁我儲存返你電話號碼啦。

我：嗯，你呢排過成點呀？





霖：唉，唔好提喇。

然後佢就開始講返佢同凌詩既野，係佢講既野當中，感覺到佢有好多既不忿，我亦知道左佢地分手既真相。何逸霖亦同我講佢之前一路無聯絡我，都係因為凌詩同佢講我既壞話，令到佢憎我。

霖：對唔住，之前咁對你。

我：唔緊要啦，都過左去喇，咁你依家仲會唔會唔開心？

霖：戴綠帽喎，你話呢？





我：你地唔係分左手，佢地先一齊咩？

霖：係我地分手之前既一個禮拜，佢地已經一齊左喇。

原來真相並唔係凌詩講既咁，凌詩係因為中意左第二個先會對何逸霖咁多不滿，亦都係因為咁先同何逸霖分手。而正正因為何逸霖既生日，令我地既關係破冰。