能擁有你嗎？哪怕只有一天: 五 重拾希望卻又突然收回

就係白色情人節前一日放學，我同小欣仲有兩個c班既女仔，其中一個叫凌詩，另一個叫文珊，四個人一齊係文珊屋企玩truth or dare。

凌詩:不如我地襯今日搵返自己既前男友，問佢可唔可以一齊返，聽日白色情人節一齊過。

係呢一段時間，我地各自都同男朋友分左手，亦都好唔捨得，於是我地就各自寫左自己前度既名係紙度，抽到邊個名就要幫個個人同返前度一齊。

我抽到既係小浩，文珊既前度。文珊抽到既就正正係我既前度林維軒。但由於文珊同林維軒唔熟，凌詩就代佢幫我同林維軒講。小欣抽到既就係凌詩既前度，小文。至於小欣前度？因為一直何逸霖都仲中意佢，所以小欣一開口，佢地就可以一直返嫁喇。不岀所料，小欣係呢日搵返佢，佢地就一齊返，仲係白色情人節約左岀黎一齊過。不過無幾耐又分左手。

至於我地其他三個，果然都係單身，各自前度都唔願意一齊返。直到之後既一日放學，林維軒係whatsapp搵返我，開頭都只係簡單既問候，直到夜晚佢問我可唔可以一齊返，我問佢係咪講緊笑，因為個日正正就係愚人節，佢同我講佢係認真，就係咁我地一齊返。





雖然我地係一齊返，不過感覺好唔同，係學校佢會好主動同我講野，不過一放學就連whatsapp都無個，連續幾日都係咁，我真係受唔住呢種關係。我係夜晚同佢講

我:不如我地都係算啦，我地真係唔適合，連最情侶既基本問候都無，算咩拍拖，做返朋友啦好無？

林維軒:既然你咁講，我尊重你既決定。

睇完佢呢句，我無應到，放低部電話瞓覺。點知一起身見到電話顯示左一個whatsapp

"我諗左成晚，我都係唔捨得你離開我，我會好好珍惜你，學識點去做一個令你有安全感既男朋友。"





無錯，呢段野係林維軒同我講既，睇完之後我應左一句

我:你記住你講過既野，唔準反悔。

係，我地"又"一齊返喇，已經第三次，係呢日上堂佢特登
調左去我隔離坐，真係放閃無極限，連老師都無眼睇喇。正當我仲沉醉緊呢個幸福既感覺，係一個禮拜後，佢再次講分手。

我:點解？係咪我有咩做錯左？

林維軒:唔係，唔係你既錯，係我覺得爛左既野，點痴都會有裂痕，就好似我地既關係咁，無可能補救得返好似一開始咁，祝你之後會幸福，再見。





睇完，我無再應任何野，我既眼淚已經不斷咁流，因為我知呢次真係完，以佢既性格，佢咁講得就真係要同我斷。我仲好記得之後個日係陸運會，由於前一晚喊得太耐，我呢朝起身隻眼係真係腫得一個點，所以我就戴左口罩去。我係我個班女仔企最後個個，而我隔離既正正就係何逸霖，呢日係同佢同小欣分左手之後佢第一次同我講返野。

霖：做咩隻眼咁腫？喊完黎？發生咩事呀？

我：我無事。

霖：咁都叫無事？講啦好無，做咩呀？

我：唔好問啦。問你個好兄弟咪知咩事囉。

我唔係唔想講佢知，而係我驚我再提起眼淚又再停唔住嫁喇。