能擁有你嗎？哪怕只有一天: 四 第一次嘈交

由我同小欣做左個約定之後個個禮拜，佢就開始對何逸霖冷淡，我就同林維軒相安無事，不過佢就對我異常熱情，好似做錯左野要補救返咁，佢不嬲都唔會叫我bb，因為我地從來都唔會叫任何暱稱，不過當時我地無諗咁多。就係平安夜個晚，我地見到一張令我地心灰意冷既相。

係平安夜個晚，我同小欣都留左係屋企，無錯我地既男朋友都無約到我地，而我地就係ig見到尹雨儀po既一張相，見到佢係尖沙咀倒數，而相中有5個人--尹雨儀，陳曉寧，何逸霖，林維軒，仲有我地同班既一個男仔黃俊。

我見到呢張相我第一時間sd比小欣，佢同我講佢已經見到，其實呢個場景係我前一晚既夢岀現過，結果，實現左。雖然我地兩個都好嬲，不過我地無過問太多。

過左12點，我sd左whatsapp比林維軒，我扮到無事咁講
"聖誕快樂呀男朋友，呢個係我地第一個聖誕節，希望之後可以有更多個聖誕，呢個冬天有你係度好溫暖。"

佢到朝早先覆返我，我見到個下即刻驚訝左，佢講




"我地不如分手啦，你係一個好好既女仔，你值得搵一個更加好既男仔，只怪我唔識珍惜你，我唔適合你，你搵一個更適你嫁啦，對唔住。"

我之後開始不斷嘈，我係咁問佢係咪因爲尹雨儀，佢無答我只係同我講對唔住。我同小欣講我地分左手。

小欣:咁突然既，估唔到林維軒睇落傻下傻下係啲咁既人，真係賤。

你問我有無喊？我無。比起唔開心，我諗我係嬲同唔甘心多啲。係兩個鐘之後，小欣同我講

小欣:我同何逸霖分左手喇，我地講過嫁嘛。





我:對唔住連累埋你。

小欣:傻啦，我其實唔係咁中意何逸朗既，係見你有拖拍先同佢一齊既。同埋佢做得就預左要有呢個下場。

係呢刻，我唔想講任何野，因為可怕既並唔係分手，而係我同佢係同班，活動課同一組。

到放完假返學，何逸霖就問我點解小欣同佢分手。

我:你做左啲咩心知肚明啦，仲敢問我？





何逸霖:我同佢地倒個數姐，又唔係單獨，有咩好嬲呀？

我:無野好嬲？你前度都係度喎，你地去倒數有無諗過你地既女朋友嫁？我同林維軒分左手喇，滿意啦？

何逸霖:你同呀軒分左手？咁關我同小欣咩事呀？

我:唔怕同你講埋喇，我同小欣有個約定，係其中一個同男朋友分左手，另一個都會同自己男朋友分手。

何逸霖呆左，之後話

何逸霖:你地係咪痴左線？咁既約定都講得岀，你分左手又關我咩事，無野搵野黎玩。

我心諗:其實呢個約定係小欣諗既，依家你覺得全部都係我既問題，我都唔想解釋喇。

就係咁，我地第一次嗌交，就係佢既無理取鬧，我同小欣既約定造成既。