一次無心嘅表白，竟然令到佢同咗我一齊: 第三十七章

「咦，仲打到嚟啫係阿靜冇碎你屍啦！」

「小姐，攪事咩，你都唔係唔知你個鈴聲幾特別架啦。」

「咁set鈴聲嘅係你唔係我，關我攪唔攪事咩事？」

由於我份人好大量，絕對唔會同女人計較埋呢啲小事，所以我唔回應，只係廢時同chloe永無止境咁拗落去，絕對唔係因為我認輸！

「點呀，對阿靜印象點呀？」其實我好想chloe俾阿靜嘅一切技術性擊倒，連僅餘嘅自信都冇埋，然後再向阿靜俯首稱臣，跟住為咁多年嚟因為我樣衰而拒絕我嘅事而內疚，再向我表白，求我同佢一齊，永遠唔好離開佢。當然，想嘅嘢都係想下好……





「一般啦，好靚咩，真係唔覺，不過唔係差嘅，比本小姐嘅級數低啫！」

以我同成堆女仔（八婆）相處咗咁多年，佢哋係得兩個情況係會讚同性架啫。一係就當住阿a面問阿b，阿a質素如何嘅時候；一係就食錯藥嗰陣。至於踩人啦喎，除咗有百分之10嘅機會係因為條女太樣衰之外，其餘嗰百分之90都係因為妒忌！

「靚唔靚呢啲嘢好主觀架啫，你望住魯芬話佢靚都冇問題架，口味獨特咗啲啫，正如你照鏡覺得鏡中人靚一樣，都係口味問題啫！」

「咁又係呀，係唔知邊條友鍾意咗啲獨特嘅口味成五年咋麻，可？」

所以話，女人真係好小氣，唔夠人講就搬哂啲上古時期嘅嘢出嚟講。





「幾時有講過鍾意你個樣啫？我鍾意你又白痴又低能，又癲又傻，又惡又野蠻咋麻！」

「哎呀，我有講邊個白痴低能鍾意邊個鍾意成五年咩？」

「我唔同你爭論呢啲咁主觀嘅問題……」大家睇下，我份人幾大量至得架，下下讓佢真係少啲容人之量都做唔到架！

「柒咗咪認囉，姐姐唔笑你！不過話時話，阿靜點會咁睇唔開鍾意你架？」

「我都曾經深入研究過呢個問題，得出結論係佢應該近視太深，眼鏡唔夠度數；或者佢撞親過個腦；不過最大可能都係因為我嘅一顆真心！」





「真心？你慳啲啦！你溝女唔係為攪嘢？」

先唔講溝女攪嘢呢個問題，點解講嘢啲語氣咁阿強嘅…

「挑，溝你嗰啲撚樣唔係為攪嘢嘅，為成世做你奴隸嘅！」

「所以我冇受。」

「言下之意啫係你受邊個就預咗俾嗰條友攪？」

「係架，所以咪唔受你條死咸濕仔囉！」

我真係唔明，我最多都係試過出街女到人哋叫強姦啫，好咸濕咩？

「可惜阿靜受喎！」





「所以我覺得佢好慘，無啦啦因為入世未深就落入你嘅魔掌。」

「佢唔覺咪得囉！」

其實作為一條禽獸，我都覺得自己對阿靜已經好好，竟然連阿靜上埋嚟屋企，我都冇將人類史上最強嘅生化武器拎出嚟破壞阿靜再生機器嘅大門。

仆街啲都要講返嗰句，男人溝女最終目的都係為做床上運動，不過阿靜佢嘅純真有時真係令我唔忍心去破壞佢，雖然我都係一個未經人事嘅禽獸……

由於嚴格嚟講我係個超m型，所以面對住阿靜嘅霸道同野蠻，反而令到我更加心甜，嗰啲床上運動係我個心到好似真係變咗樣附屬品咁，可有可無。

至少係第二日見到阿靜之前，我都係咁諗……

「bb…咳咳…今…咳…今日去邊呀…咳…？」今日原本諗住走堂同阿靜去玩，點知佢嘅感冒愈嚟愈嚴重。





「其實我真係唔明，明明淋雨嘅係我，點解會係你病得咁辛苦…」

阿靜伸一脷：「我幫你病埋呀，仲好講！」

「原來又有得咁嘅……」

「咁而家去邊呀……」阿靜嘟起個嘴問。

「去睇醫生，之後返屋企！」

「咦，唔制呀，明明約好咗去街架麻！」

「你病呀，乖啦……」

爭論咗一輪之後，阿靜終於肯返屋企。





返我屋企……

《咸濕絕係男人天性，但如果真係愛一個人，絕對願意為咗佢而抑壓呢種原始慾望…》