一次無心嘅表白，竟然令到佢同咗我一齊: 第七章

同阿靜約咗睇戲之後時間開始變得好漫長，但望住嗰鐘一分一秒咁過去又好緊張，或者呢種感覺就好似陳小春係古惑仔入面所講嘅叫雞理論一樣，最興奮係等待隻雞嚟之前嘅時刻，充滿住無限嘅幻想……

對於呢個傾咗差唔多兩個星期計，明明好似好熟，但其實又好陌生嘅女仔，作為一個正常嘅男性，梗係少不免會幻想下佢咩樣。雖然我都唔認為文字可以反映到一個人嘅樣，但我憑著佢msn張icon，再配埋佢嘅用字，假定咗佢係個靚嘅女仔。

雖然好期待快啲到約會當日，但時間並冇好似啲愛情小說咁，貶下眼就到。而跟據我地獄黑仔王嘅命運慣性，最煩嘅事往往會係呢幾日出現。

係msn上，我依舊同阿靜，momo傾計。本來都冇問題，問題係momo突然話：

「我想睇哈利波特呀，不如一齊睇吖。」



屌你唔係攪事呀？我呢一刻開始懷疑，到低momo同阿靜係咪同一個人，或者momo係識阿靜嘅，一切都係為咗玩我嘅局嚟……

係我咁多疑惑嘅時候，我真係唔敢舉妄動。但答去又死，唔去又死，點算……

係我煩惱緊點答嘅時候，阿強走出嚟同我講：「仆街啦你，講到尾你咪又係想留條後路俾自己，見人地好似幾得咁就扯哂旗，你咁咸濕真係唔死都冇用呀，啦啦聲打開隻窗跳落去吧啦！」

俾阿強咁窒一窒，我頓時語塞。雖然唔係好想認，但阿強又好似真係講得幾有道理咁……

「先唔好理係咪同一嗰人或者係咪識嘅，你約咗阿靜咪攪咁多啦，同一套戲睇兩次，真係貪好玩咩。」



但我又想見下呢張icon嘅十分一靚女喎……

「屌你，我夠想同哂全世界啲女上床啦。」

全球60億人，當你男多女少，剩係4分1都15億，仲要計埋當中無數豬排……我祝你精盡人亡……

「不如咁問你啦，如果阿靜同momo約你同一時間，你揀邊嗰？」

係我連諗都未有時間諗嘅時候，我見到嗰好恐怖嘅電話打俾我……



「喂，好悶呀。」係阿偉打嚟……

「屌你悶去打飛機啦，打俾我做乜啫。」當然作為一個斯文人，呢番說話我梗係冇講出口。

「咁你想點？」

「我聽你講冇搵阿靜，點解佢都唔搵我嘅……」

你都無謂迫我講事實好嗎……

「人哋似你咁得閒咩。」

「話時話，佢呢排都冇上勁舞嘅，喂，話時話，你都係喎！」

咁佢唔上又係我拎住把刀迫佢嘅……



「我唔上係我忙住出街，佢唔上可能要陪仔掛。」

「吓，佢有仔架？點解我唔知嘅？」

我完全俾阿偉激到嘔血……

「佢不如同你交代埋每日去幾多次廁所，食咗幾多粒米好冇？何況，我都係話可能啫，未必嘅。不過有都唔奇架。」啊，係喎，我諗咁多做乜，或者阿靜真係有男朋友呢……

「唔得，等我問下佢先，唔講住，拜。」屌，今次到我俾佢cut線……

而我就繼續拆解我條世紀難題……不過嗰msn完全冇俾我思考嘅餘地，今次到阿靜搵我。

「你個fd問我有冇男朋友喎，我點答好？」



咁你有咪有，冇咪冇囉，我點知你點答好……

「咁其實你有冇啫？」

「唔準講俾你個fd知架！」其實阿偉都唔算我fd嚟…

「講你就講啦。」

「其實我冇拍過拖架……」

What？高登仔明明話16歲以上冇處女架，而家呢個刺激對我嚟講實在太大啦……

當兩個未拍過拖嘅少男少女，一見到對方嘅時候，對對方一見鍾情，互生情愫，就係隻手唔小心觸碰到嘅一刻，一條紅線就已經將佢哋牽引住……嗚呀，諗起都興奮。

就係自high緊嘅時候，阿強又話：「其實冇拍過拖唔代表係處女架呀先生。」



屌你，講呢啲……

「咁係丫麻，你唔俾人哋冇拍過拖，但賣過身架？」

通常禽獸把口都賤啲，作為佢嘅同類，我原諒佢咁賤。不過係喎，又或者細嗰個陣俾啲變態色魔跟蹤到屋企後樓梯強姦過架喎，而家咁多戀童癖，都真係冇話冇可能呀……

基於科學探究嘅精神，為咗真相，我竟然問咗一條我都想像唔到我問得出口嘅問題：

「咁你啫係……仲係處女呀？」

「:@未拍過拖梗係係啦，你咁問當我咩人呀！」（唔好反5p反到盲反呀，:@唔撚係5p表情嚟）

嘩，呢個答案真係太震撼…震撼到嗰日用多咗唔少紙巾……係處理咗幾次控制我思想嘅液體之後，大腦好似開始清醒返。或者冇拍拖最主要原因……係樣嘅問題喎……係呢個所有外表都係一個迷嘅情況低下，我應唔應該搵條命嚟博先……



跟住阿強又話：「你照下鏡先啦，你有咩資格揀人？」

「你唔識煮餸咁有冇資格話其他人煮嘢難食丫？」

「對唔住，我錯！」

「愚蠢可教也，同樣地我嘅質素都無改愛美之心，人皆有之呢個事實架。」

「咁你想點吖而家！」

問心我就梗係想阿靜多過momo啦……一來係萬中無一嘅處女；二來阿偉咁仆街，「皇恩浩蕩」俾我溝momo，等我溝阿靜返嚟睇佢點死都好！但momo又咁主動……天啊，我應該點揀好呀……

《有時冇選擇先係最好嘅選擇，尤其對有選擇困難症嘅人……》