《喪屍禁區》: 《喪屍禁區》外傳-----背叛

《喪屍禁區》外傳-----背叛
實驗室裏白色光管的燈光，暗淡非常。陰陰沉沉的，讓人覺得很不自然。

「唉，又要加班。」在實驗室裡「開OT」的他向後倚去，把早已酸痛的背部倘在椅上，又拉了拉手臂，將酸痛感舒緩了一些。

他拿起手中的試管，看了兩眼，放下。然後又從白袍上的袋探出一支泛出陣陣暗光的鋼筆，扭了一下，把試管內的化學反應逐一記下。

「U，25，M，97。」他邊寫邊把一些記號喃喃道出。此時有人叩門，穿著白袍的他放下了試管和鋼筆，起身走向大門。門甫打開，一張俊俏的臉孔自門外映進，原來是那白袍人的下屬。

「Alan sir，你忙唔忙？」門外的那人把手上的咖啡推近白袍人的臉，把紙杯晃動了幾下，續說：「見你咁攰，醒你既！」





「哦...多謝。」Alan sir把那人手上的咖啡接過，咕嚕咕​嚕的喝下。

「Alan sir，杯咖啡正唔正？Double-double，學足你果套架。」那人問。

「正呀，宜家醒神哂啦。係喇堅仔，你咁夜搵我，有事？」

「哦，係呀，係關於X6元素果件事既。」堅仔點點頭，徑自走到一張椅上坐下，又把袋中的筆記本取出，給了Alan sir看。Alan sir看了筆記本上的內容後，顯得憂心仲仲。

「乜佢地宜家就要？唔係話好左下個月既咩？」





「係丫，但係佢地好似好心急咁。我都唔係好清楚咩事，總之佢地而家要啦。」

「下，咁......」Alan sir忽然額頭冒汗，又道：「堅仔，你都知啦，如果啲元素未經完全處理好既話，後果會好嚴重架嘛......」

堅仔走近Alan sir，拍拍他的肩膊，似想安慰一下他，接著說：「我明，但係上面叫到，唔通唔聽佢地講咩......」

「算啦堅仔，你等我同佢地講，如果我制止唔到佢地既話，一定會大件事。」Alan sir說罷，轉身拿起身旁的電話，開始按下一些號碼。但不等Alan sir有機會出聲，堅仔舉起手中的電槍，指向他的背部，扣下了板機。

「啪，勒勒勒勒......」兩支有倒鉤的鐵枝自槍口激射而出，在衝力的幫助下，緊緊鉤住了Alan sir的背部，並發出擊中目標的電擊聲。





「呀.......」Alan sir感到電流從他的背部傳自，既麻又痛，卻又不能呼吸。

「Alan sir，對唔住，我一定要咁做。」堅仔放下電槍，快步走入實驗室的貯存室。玻璃容器被打破的聲音響遍了整過實驗室。數分鐘後，堅仔手中拿著一個印上了幅射標誌的鐵盒，從貯存室裡走出，望了Alan sir一眼,便拿走了電槍,推門而去。

Alan sir此刻終於明白了堅仔的目的。電槍的電流，是一種筆墨難以的痛苦。但是比起堅仔的背叛，這一點痛苦又算得上是甚麼？

「佢想拎走啲X6元素......」可憐的Alan sir，知道了堅仔的目的，但由於電槍的電流，可又做不了甚麼。實驗室的警報系統，正正就在他手掌旁邊。

Alan sir的雙目瞧著門口,想起以前他一路與堅仔合作的日子，心中充滿住問號。

================================================

堅仔看見大門在望，心中一陣歡喜。





「今次掂啦！」

堅仔推開大門，抱緊鐵盒，拿出車匙，把他朋友租來的車子解鎖。他心想這一次行事周密，只要快把元素脫手，就可以脫身事外，過著優悠的生活。

可是他卻不知道正在他等候他的危機。

「哈！哈！哈！」突然一種像極了恐佈電影中多重聲道的怪聲自四方得來，堅仔抬頭一看，一隻全身赤裸的喪屍從空中跳到了他的面對。

「你俾唔俾X6我？」喪屍問。

堅仔憑他研究喪屍多年的經驗，確認這是一隻I級的喪屍,又稱智型。

「唔俾！」堅仔緊抱著鐵盒。

「好呀。」智型的語氣間，充斥著自大。忽爾，他向天長嘯，至少三十隻的喪屍自他身後湧至。堅仔知道要逃命，就只有把懷中的X6元素吞下，只要喪屍群一咬自己，便立刻可以進化為飛行型，從而逃命。





他打開鐵盒，把裝在玻璃管內的X6元素取出吞下，然後就向喪屍群衝去。

黑夜裡，喪屍群的嚎叫異常響亮。