【校園】【微甜】三日兩夜生前死後的宿營: 生前(21): 救人的真相

阿條走遠同學群獨自黎到食飯之前同小雪散步既大草地附近有一兩幢建築物但都係電機房危險勿近既屋，而且d鎖舊都發霉無被人打開過既痕跡，佢打算再跑遠d搵下，接近大禮堂既地方就交比d同學搵，反正佢都唔覺得會係d甘容易被人發現既地方於是決定跑到更遠既地方搵。 

不遠處佢眼角瞄到有個女仔大步跑過黎，唔通係小雪？心裏強烈甘希望，最終跑近自己既係另一個唔認識既女仔，佢超失望準備離開卻發現果女仔同自己既距離愈來愈近，最終居然係自己面前停低。 
她明明跑得好快但是一d喘氣都無，只係遞出一部手機：「呢個係你要既野？」
紫色機殼手機型號XIX，係小雪部手機！！
搵到一個重要線索，佢一時情緒激動捉住對方既膊頭搖：「你係邊度執到？有無見過一個女仔？」

女仔被佢既語氣嚇呆左退後一步，阿條也覺得自己太激動放開手：「抱歉……」
鬆手果刻突然間感覺到佢隻手變得好冰冷，應該女仔身上既體溫，點解會甘凍？阿條疑惑看著她。
不過女仔只係笑著搖頭：「沒事，我知你都係緊張她……我見過她，係歷奇活動室旁邊有個要上樓梯既雜物房……手機我係果度附近執到，仲見到個同你一模一樣既人……你快d去幫她啦！」





 阿條超驚訝甘望住她，眼珠望到都要突出黎，呢個女仔居然知道所有野，唔單只搵到電話，仲要連小雪同個賤人係邊都知！
「麻煩你帶我去！」
但係果女仔搖頭：「我去唔到甘遠……你係前面直行到第二路口直接上山右轉係最快到。」

阿條想直接跑走，可是佢突然想起自己係大禮堂講過有獎勵回增比搵到既同學，於是邊跑邊講：「你去大禮堂等我，我會叫學生會送番d禮物比你……你叫咩名，邊間學校？」
「我係邊個唔重要，你快d去啦！已經過左就快一個鐘，你都唔希望她出事……快d走！」

 女仔推阿條向前走，又再次感受到她冰冷無溫度既手，寒涼刺痛佢背脊，本來跑緊也不自覺收步回頭，但是唔好話人，連影都無只有樹和草，唔係小雪既手機好地地留係自己既褲袋，仲以為係自己幻覺。
 救人要緊，阿條無再多思考直奔女仔所指示既方向。





 同一時間小雅通過電話知道小雪被困係歷奇活動室附近，問清方向之後也拋低所有野唔理三七廿一直衝向雜物房，甘啱被她見到破門入屋既阿條，她亦毫不猶豫跑上樓梯，只係連樓梯口都未到就聽到裏面「呯呤嘭冷」好大聲巨響，她急忙跨步跑入屋，透過月光可以清晰見到兩個男仔係度互毆。

正確d黎係阿條單方面暴打，因為阿草每次準備反擊都會被阿條撳住，加上佢打架既實力，的確係比虛有其表既阿草強上百倍，另外好明顯地阿條係沒有手下留情，就好似初次見面因某d事佢威脅一個人果陣，比果陣仲要強既氣勢。
 小雅對打鬥過程無興趣，她靠近小雪身邊發現她暈左點叫都唔醒，而且手還扣住一個手扣，眼利既她在散亂一地既雜物搵到一個生銹既剪鉗，她攞過黎剪壞手扣，耳朵靠近她身體，心跳正常，但是體溫不斷上升發熱，而且身體有外傷，她唔清楚係點樣整到，可能阿條就係見到呢d外傷而抓狂。

 「啊！！！！」
身後傳黎極致淒厲既大叫聲，小雅回頭只見阿草兩腳不合邏輯物理地反著方向，她一下子就明白發生左咩事：「阿條，你整斷左佢隻腳？」
她都係第一次見到甘樣既阿條，雖然平時都唔係好經常見……
阿條無再對佢拳打腳踢，拖著阿草出門然後把佢推落樓梯裝成意外，之後佢抱起暈左既小雪離開，小雅緊跟著前方，同樣無理會不斷呻吟既阿草。




無諗過阿條可以冷血到呢個地步，揍完人咩都唔管，但是事關自己重要既人，她無辦法對阿條說三道四。 

本來阿條想帶小雪返女生宿舍，但是她依加不醒人事加上又好似發燒既熱度，小雅無太大把握照顧她，加上女生宿舍，唔方便比一個男仔入，於是兩人回到阿條所住既宿舍房，把小雪放係佢張床，小雅去攞條濕毛巾放係她額頭上幫手降溫：「她點解會無啦啦發燒？」
「果條友，竟然敢對小雪做出甘過份既事，豈有此理！」
好似仲未發泄完，阿條一手拍落木枱，枱都被佢打到係甘搖。
小雅白了眼：「一開始你見佢暗盤交易就應該打柒佢，依加先黎講。」係繩網果陣發生既意外，阿條偷偷發短訊比小雅請她幫忙注意，不過她直接叫佢綁住人地扔佢出街咪就好。

當時覺得她太絕，但是依加佢後悔一早應該要做。
床頭突然發出「嗚嗚」聲，兩人趕緊跑回床邊：「小雪，你醒啦，有無事？」