【校園】【微甜】三日兩夜生前死後的宿營: 生前(20): 尋找的真相

時間回溯大約九個鐘多d，我係鬼屋捷徑準備走向出口，被阿草綁走果陣…… 小雅聽到電話另一頭聲音好唔對路，「喂」左廿幾次都無人應仲要被掛線，最後仲要關機，她立即打比阿條：「阿條，大件事！小雪唔見左，快d去大禮堂門口！」

阿條飛奔過去門口，小雅把自己手機果段錄音播比佢聽，佢未聽完已經臉色黑沉：「知唔知呢條捷徑係邊？」
小雅自然唔知道，但是好快她就有辦法，他們衝上台兩人四手拖走學生會長到後台，兇神惡殺既樣子嚇到會長差d賴尿，小雅溫柔問：「我地偉大既學生會長，請問鬼屋裏面既捷徑能指示比我地知？」
但是充滿殺氣既眼神完全掩蓋唔到，被抓到既可憐會長急急打電話比另外兩間學校既會長，一齊去學生幹員先知既路，行到第二間鬼屋時小雅記起門口看守既幹員唔係度，大概係走左去混水摸魚，「如果幹員早d去偷懶，依加就唔使甘麻煩。」小雅心想暗罵。

 她亦都記得自己同小雪失散既就係呢度，阿草學校既會長話：「甘我知捷徑邊度，因為係我負責呢間鬼屋，你地跟我黎啊。」
點知途中發現有個女學生會成員暈左係附近，所幸拍下她就醒返，但是她話頭好痛，好似被人用手刀劈低暈倒，阿條心知不妙立即衝向出口附近，然後無細睇周圍絆倒地上一件東東，佢用手電筒照著，發現係一盒寫著「寶藏一號」既野，佢攞上手睇同時記得小雅既錄音裏面，小雪有提起過呢件野。

同時其他人趕到阿條身邊，會長首先驚訝叫出來：「啊拉！呢件野原來掉左係度，恭喜哂呢位同學！」原來「寶藏一號」既禮物係一部最新型號手機，只有學生會內部成員先知，其他同學就唔知道，只被告知係一份神秘禮物，而被打暈既女成員就係一開始為左搶走呢份寶藏而追小雪既人。





 好啦，寶藏禮物係度，甘人呢？ 
小雅同會長話：「頭先聽錄音都知我既朋友依加出左意外唔見左，麻煩你地幫幫手叫哂所有同學一齊穩！事情告急！你地上台一句說話應該大把人會聽，唔該你地啊。」
點知女校既會長唱反調：「等等先，成件事只係你地一面之詞，而且錄音呢家野話唔定都係你地自己作，更何況頭先果女仔都無任何損失，我地幫你地無關人士搵到入黎已經盡人情，加上你所謂朋友失蹤，話唔定只係她想嚇下你地自己躲起來，根本就唔可以因為呢d事要我地出面。」「你甘講又太絕啦……」男校會長雖然有幫手補鍋，但係阿條已經不可再等，佢自己衝出出口一路跑返去大禮堂，一大步跨欄上台，搶走主持用既咪大叫：「各位同學，學生會特別任務活動依加開始！搵到紫色機殼手機型號XIX一部，送你咖啡廳現金券$50，搵到另一個同我一模一樣既男仔，酒店放題現金券兩張，最後大禮，搵到一個五尺黑長髮眼大，身穿粉藍色上衣墨綠色外套牛仔褲既女仔，即送最新型號手機一部！！」

當三個會長趕緊跑返黎已經阻止唔到，因為全場已經不斷起哄，聽到有手機送都管佢消息係真定假，總之炒起氣氛最緊要，小雅見機不可失，比三個會長跑得更快，跑上台再補多一刀：「以學生會名義宣佈，所有人都可以參加，禮物全數由學生會增送，大家事不宜遲，快d去搵！！」
有相熟阿條同小雅既同學覺得奇怪，點知會無啦啦幫學生會主持，兩人居然異口同聲：「特別活動當然由特別嘉賓主持啦！」又有人信以為真於是成班散去搵人。 

人群已經快速散去，已經阻止唔到成個活動開始，學生會長抓爆頭係度諗點收科，但是阿條無理會佢地，他拜託小雅負責控制場面準備一溜煙，小雅阻止佢：「我都要一齊搵。」
坐係度等咩都唔做唔係她性格。「你負責睇下其他同學搵黎既人啱唔啱，同埋學生會萬一緊急取消呢個活動我地就大鑊。」





小雅萬個唔情願留低，但是要求佢電話保持通話，甘樣搵到小雪她會即刻知。