【校園】【微甜】三日兩夜生前死後的宿營: 生前(23): 繼續沒完沒了
我全然唔知琴晚發生左甘大龍鳳既事，到左早上我只係覺得多左一堆圍住小雅搞到她早餐草草食完就拉走我跑，但是我仲未食飽，唔知點解個肚好餓唯有打包幾件餐包蛋火腿腸仔餐肉離開，問她點解會甘又十問十唔應，後來她接到個電話又唔知走左去邊，我都放棄問她。
點知我走到青年新村門口見到阿草雙腳滿佈繃帶訓左係床準備上救護車……定係從救護車落黎？
佢見到我成個人想坐起身不過失敗，我無走過去反而係佢叫停我：「小雪同學，請你等等！」
我故意裝聽唔到走掉，佢大叫：「真係對不起，我對你做左d過份既事！」
成件事可唔係一句對不起就可以完事！
「我係唔會原諒你！」我回頭對佢講，我係好想揍佢，，甚至我告上法庭佢都唔走得開，不過見佢已經要訓醫院，呢個只係一個過來人，我無必要成世恨佢，而且恨一個人好累，我收起怒氣，「請你以後做人三思熟慮！」我拋下呢句話就轉身走掉。
應該完了吧？
呼呼。
我終於可以好好享受接下來既活動！
一陣風吹過，仿佛嘲笑我天真既想去……真係……完了？
早上既活動無咩睇頭，我地隨隨便便完成活動就食晏就，但是我叫小雅一齊食飯果陣，她居然拋低我然後自己唔知跑左去邊玩失蹤，之前她食晚餐之前，我去搵她果陣都無啦啦掛我線，唔通有人……威脅她？
等她番到我面前我終於忍不住同她講：「小雅，你有咩煩惱都可以同我講，雖然我可能唔太可靠，不過我可以幫你諗個好辦法一齊去解決。」見她返到黎愁眉苦臉，我想幫她……難道我就甘無信任？
不過當她抬頭望我卻係笑著對我講：「哦，唔係咩煩惱……只係有d事發生得太突然我有d嚇親，我之後再話你知……真係唔係壞事，你信我啦！幾時有呃過你喎？」
係咪加？我就信住先啦！
因為之後係自由活動所以我同小雅又會暫別，本來係甘，點知到她竟然跟住我去同一個地方：「我改左活動，因為本來想去既活動好似人數不足取消，反正都係我跟你玩。」
「我同阿條都係同一個活動……」
「怕咩啊，我又唔係第一次做電燈泡，你地相親相愛我仲高興得黎唔切。」
呃，我唔係甘既意思，不過她無再理我拖住我就走，去玩第二個活動，搖籃千秋！
聽落好普通，但係我地當然唔會玩d甘無聊既野，所謂既搖籃係好似bb秋千搖籃既坐位無安全帶，然後整個人前向地台背住座山，再凌空高處高速盪落去！
聽到都想玩，不過為了節省等候時間同埋盪出去都需要一定重量，每次都要兩人一組甘玩，所以當小雅話要跟過黎我本來係想問她呢樣野，因為甘樣就會變左三個人，不過根據她既意思係她同其他人一組都無所謂，所以我同阿條會先玩然後再到她搵其他人一組。
去玩之前我決定去方便一下，暫時跑開去剩低他們係外面等我，於是兩人開始講起不得係我面前提到既話題：「琴日你話幫手搵到小雪果個女仔，我最後都係搵唔到係邊個，不過……之前小雪搵我食晚餐她有提過下，自己見過一個白t黑褲既女仔出現係跳舞室，我都差d唔記得左。但是我對果個女仔既衣著同樣貌一d印象都無，所以就不了了之。」
「搵唔到就算啦，畢竟最初我都太急著離開無問清楚。」
見我雙手濕透慢慢走出來，兩人暫停對話然後一齊去山頂玩活動。
我地兩個行係阿條前面嘻嘻哈哈東拉西扯天南地北咩都講一大餐，阿條就自己插口不成搭嘴不得係後面安靜地打機打發時間，我諗起第一次我地三人上山活動既情況，我忍不住笑左下，好懷念果陣，估唔到甘快已經過左一年，時候過得好快，啊呀！我做咩突然甘感慨呢？
不過我都有d緊張，當行到上山排隊，見到條隊愈來愈短我就開始有d怕，雖然只係幾百米既高山上不過都唔係矮，而且我地係對著絕壁大海我點都有d精神緊張，無啦啦阿條係後面牽住我隻手帶住我行前，我急忙望前，下！甘快到我？
我都未有心理準備，然後小雅係後面推我一把：「小雪，加油啊！」
加咩油？我又唔需要出力，不過她啱，我精神上需要加油，無諗過自己有日會驚呢d野。
今日都係好大風，特別係山上面根本就係吹暴風，我個頭簡直就係亂到不得了，我突然諗起之前黃昏又係吹到我地頭髮都要飛起，不過依加更加強我就快自己都企唔穩，當我坐上搖籃時突然諗起前一日黃昏都曾經試過因為太大風以致影唔到相，今次應該唔會因為大風而暫時活動啊？
我自然係多慮，阿條坐係我旁邊牽實我，依加唔係怕羞既時候，我又興奮緊張到不自覺牽得佢更加緊，後面排隊既人一齊幫我地倒數：「三，二，一！！」
啾呼！秋千急速高處盪下，離心力即刻衝擊成個人，心都要離開我既身體跳出去，風快速呼呼聲在我耳邊掃過，「啊！！！」我尖叫出來，實在係太可怕又刺激！我不由自主捉得阿條更加緊。
「撕沙！」突然我感到比剛才更要厲害既衝擊和離心力，然後發整個人從搖籃裏離開跌出來！
「嘩，條繩斷左啊！！」山上既人尖叫，個個都面無血色睇住我同阿條從搖籃跌落直線向海墜下，阿條下意識抱緊我，但是都於事無補，最後我既記憶就係頭部向下，然後撞到海上尖銳既岩石，一瞬間個頭爆痛，之後我就無左知覺。
所以亦都聽唔到其他排緊隊既人慘叫：「死左人啊！！！」