【校園】【微甜】三日兩夜生前死後的宿營: 宿營外(1)-1: 初次見面

 「喂，你兩個唔係甘玩我啊？一個打學界無時間過黎我就勉強都算啦，依加連你又要去條女屋企唔過黎參加『野外定向』？比左錢都唔去？」  
「 sorry，阿條，她『大姨媽』到左，我真係走都走唔到，下次食飯補數，唔講啦她就發火……」嗶！甘夠膽聲都唔聲就掛我線？ 

 唉，今日真係黑仔，明明講好左一個月之後去青年中心參加野外定向活動，仲要我係被佢地兩個拉落水話要一齊去，點知最後兩個想玩既黎唔到，本來三人一組，依加唔通要我自己一個玩？我大可以留係屋企訓覺唔去玩，無奈既係   我一個人懶醒黎朝早到左青年中心，返屋企又顯得更無謂唯有行入去睇下負責人有咩安排比我。  去到發現被放飛機既唔只有我一組，另外一組兩個女仔既同伴有急事趕唔到過黎，於是就一男兩女一組。

不過老實說，我係男校既關係好少甘近距離同女仔一齊相處，兩個睇落都應該算係好相處，但是唔知點解其中一個淨係顧住玩手機，頭都唔抬高一下，睇怕連我加入左同一組她都未必知，她又矮又係長頭髮，遮住哂成個樣睇唔清楚，另一個就高d, 只係矮我少少，全身上下都係運動裝頭髮紮成馬尾同我打招呼：「Hi, 我叫小雅，她係小雪。」   
「我叫阿條。」
就係我開口時叫小雪既女仔終於抬起頭，眼睛瞪大眼甘甘水汪汪望住我， 她除掉耳機時頭髮撥向後，我第一次知道女仔既耳仔係可以甘細，她臉頰鼓起收起手機話：「咦？竟然係同個男仔一組？」  

「我係男仔又有咩問題？」我衝口而出反問她，因為聽落好似對我好不滿，搞到我無名火起。  




她側頭笑話：「無問題，只係小學之後我都無機會同男仔一組覺得有d新鮮，阿條係嗎？我叫小雪。」
她伸手打算跟我握手，我都準備抬手回應，旁邊叫小雅既女仔拍走小雪既手：「我已經介紹左你，邊個叫你掛住通關唔理人。」  

係咩係咩？點解我唔知？小雪既感情好直白，完全係臉上寫滿左表情說話既人，我忍不住「咯！」一聲笑出來，滿有趣既一個女仔。 

 但是她以為我笑緊她，急忙搖手道歉：「對不起，我啱啱玩緊個遊戲任務時間就快完，想過左關先，一陣都無時間搞。」 
「我唔係笑你，你唔好介意就係……你頭先玩緊咩遊戲？」
  
她打開頁面比我睇，淨係睇個icon就知係戰鬥攻略遊戲，問我點知？因為我都有份玩。當她知道我都有玩果陣突然變得好活潑，又問我攞帳號又話我知幾時有特別任務，總之就係講過不停，本來我都只係同她一答一話，後來愈傾愈起勁她就愈行愈近，幾乎貼到膊頭既距離，我稍微移後保持返正常距離但是她沒在意依加不停靠近我，直到活動宣佈開始她先返去她朋友身邊，我鬆一口氣， 唔係因為我怕她，而係女性獨有果股香氣頭先不停飄過嚟我既鼻孔，而她嘅香氣特別有濃厚既花香，雖然我表現得好冷靜，其實我嘅心跳得好快就抖唔到氣。  





活潑，好動，有趣，係小雪比我既第一印象，令到我之後更加想了解她。  

野外定向我諗大家都玩過，地圖，指南針，哨子，目標係跑通山搵5個check point打卡，限時兩小時半，三人一組，中心後面有座山真係夠哂方便，地圖攞到手我望左三眼，對一對太陽既方向，睇下指南針位置，黎到之前買左飲用水同少量能量棒，OK沒問題已經準備完畢。

但是望下四周圍，只有我一個係甘諗，唔好話同我同組既兩個女仔，其他組都好似一頭霧水好混亂既狀況，野外定向對於係鄉下後山長大既我係一個容易到無難度既遊戲，我其實連指南針都可以唔要，反正今日好天有太陽照著實無死，我見同組既她們仲係度研究緊應該點行我就主動同她們話：「我地先上山攞左兩個check point, 之後再入叢林搵出其中一個，再沿住河水搵哂最後既，甘樣行可以？」 
「唔係應該行叢林先咩？只有一個check point又難搵d。」小雪反問我。 
「所以更加要放後d搵，如果一開始花太多時間搵死一個點，之後你唔單單無精神搵仲會無力氣繼續搵，加上今日太陽好猛要避開最熱既時間，同埋上完山之後既路就係落山既路，仲可以順路返終點，甘樣唔係幾好。」
兩個聽完都覺得好有道理於是路線就甘拍板。