【校園】【微甜】三日兩夜生前死後的宿營: 生前(5): 水彈大戰
我同阿條分開之後又返到飯堂繼續午膳，小雅不愧係我好姊妹，我返到黎無一個同學過黎問我點解突然跑開去，只因她已經幫我搞定，我成日都覺得她好厲害， 唔係因為佢係我好姊妹, 而佢真係好出色，口才好到替辯論隊出賽, 仲有佢跳舞好叻攞過第一, 最近開始跳Hip-hop, 我笑問佢唔入娛樂公司,佢話會好辛苦做到唔係人甘, 同埋好黑暗無興趣，如果有男仔睇上她我都會安心少少。
但係她成日都話：「我男朋友呢，唔需要高但唔可以矮；唔需要富但唔可以窮；唔需要帥但唔可以醜。」
仲有最緊要的：「嘩，男神出新碟! ! 遲d又話開con ! !小雪，借錢比我！」
她有最愛的男神，所以大部分男仔......我覺得她都唔會睇得上眼。
飯後我們又有遊戲玩，叫＂羅馬砲彈＂，簡單黎講就係水砲大戰。利用竹及繩製作炮架，並於紮作完成後用充滿水的氣球水彈投擲敵方，由於人數眾多好難計分，所以當成普通遊戲活動，十幾人一組，一共......好多組！三間學校有差不多三十組，不過我地女校有Ｄ人唔玩，然後另間學校又有人Ｄ唔玩，就算減幾左幾組都有廿幾組。唔玩果堆人就幫手把氣球充水，我見到班上有幾個唔玩，於是我靜悄悄跟她們說：「等陣記得放多Ｄ水比我地。」她們回“沒問題”手勢比我。
開始搭架啦！
一開始我地組組裝東歪西倒，個架成日都唔實，後來另一班有個女童軍的女生睇唔過眼過左黎幫手，三扒兩撥就搞好，我地即刻比個大擁抱她，又拉住她一起玩，我地輪流隨便亂射，一係唔夠力，一係唔中，更甚至中左唔穿，搞到我地玩左陣好悶，之後我走去充水處拜託同學充一個特大水球，我小心翼翼捧住水球，慢慢放到投擲籃，然後對住阿條學校的男生，發射！
「啪！」
水球居然打中人仲要穿左爆水，弄得那人全濕。見到成功後我地都蠢蠢欲動，不停補充水球發射，一開始還會失準，不過掌握到竅門後幾乎百發百中，射完左邊射右邊，連隔離組我地都射，超好玩！
當然，甘好玩有代價，有唔少組瞄準我地組射水球，不過有Ｄ水球打到我地都沒爆，於是我地又攞去玩。我本來都想接水球，不過果水球唔好彩打中我，弄得我上半身濕左大半。我唔甘心向果組報仇，點知發現攻擊我果組人係阿草。
我一怔, 又會甘巧?
我免得再為難阿草, 因此打算轉移方向攻擊其他組，誰知有個水球又再打中我地組，我地組的人都濕身，我才發現佢係刻意瞄準我地，於是我故意把砲架對準阿草，我的方向力度愈來愈準確，所以一發既中！
「啪！」
阿草又全身濕透，我十分滿意同組員喝彩, 然後我不斷攞水球, 中途有一兩個穿左累到我要再行返去攞過, 前後我一共白行三趟, 幸好今日熱, 有D水係身上反而好清涼, 我地玩到最後, 幾乎無一個人係乾身, 連幫忙充水的同學都因為注水時有意外所以都弄濕, 我玩得好盡興!
但係唔知點解我地玩完之後有好多男仔不時會望住我地。
Mc宣布：「各位同學，我地要幫手執野啦，大家拆解完個砲架先好走！」
雖然話濕身好清涼，但是點都係乾身的衫舒服, 一聽到要執好先走得唯有快手快腳拆架, 點知我剛開始拆繩結, 突然有塊布蓋住我的頭, 我拿起塊布......
唔係, 我發現原來係一件外套。
我抬頭一望,十分驚訝: 「阿條? ! 你走過黎做咩?」
佢無答我, 只係神色緊湊幫我著上外套, 順帶一提件外套係佢, 並且同我地講: 「我幫你地拆, 你地快D返宿舍換番件衫!」
我不解: 「下? 一齊拆快D啊？」
阿條點都唔肯比我搞: 「我一個人都好快, 你著住件外套返去啦。」
我仲想繼續議論, 反而係小雅拉走我: 「唔該哂你啊阿條, 我會幫你睇住佢。」
阿條點頭道謝, 我自己就不明不白被人拉走, 當我想問小雅的時候, MC無啦啦開咪:「呃，唔好意思甘多'女'同學，如果有需要的話你地可以先行離去，十五分鐘內返黎再執都可以。」
連ＭＣ都甘講？好似只有我唔明，因為我校好多的同學已經一窩蜂衝返去宿舍，一秒都唔多想留係度，小雅見我好似仲係唔知情況的樣子，於是指指我的衫。
一低頭，不得了！原來我地Ｄ衫濕透見到內衣！