【校園】【微甜】三日兩夜生前死後的宿營: 生前(4): 催淚劑VS鎮靜劑

活動完左食飯時間到, 因為飯堂唔夠位, 所以輪流食, 不過等食真是好痛苦, 所以輪流一間學校係飯堂, 兩間係大堂, 我們今日係飯堂食, 後兩日就我們係大堂, 我記得果安排係甘, 我同小雅隨便揀左張桌坐低之後.......大鑊啦！幾乎全班同學都搶住要同我坐, 因為阿條"愛的宣言", 個個都搶住問我野七嘴八舌, 正所謂三個女人一個墟, 我忙住理她們都唔得閒食飯, 好彩小雅不停塞野食比我又不停重複跟同學講:「等她食埋先啦! 」

我先有一點時間冷靜下來, 老實說, 我無想過阿草會對我有感覺, 更唔會同阿條分手, 雖然對阿草的一廂情願唔好意思，不過要搵機會當面拒絕他，仲有，我要同阿條解釋下，免得他誤會，話說回來，他們兩人都係大堂食飯……
沒問題啊？？阿條唔會衝上去打阿草?

愈諗愈不安，於是我打電話比阿條, 問D無關痛癢嘅野之後：「阿條，你冷靜下來，我無事無傷無痛，所以唔使擔心我……你可以應下我嗎？」我由打比佢喂完之後佢就無出過聲，我們沉寂一陣，他問：「果個人搵你做咩？」
「無啊……佢向我表白……」我話都未完，突然聽到一聲巨響刺痛我耳朵，應該係電話掉地的聲音，然後電話另一頭轉來佢朋友阻止聲：「阿條，等等啊！唔好亂來，停啊！」

我暗叫不好，頭也不回直衝向大堂那邊，一推門，就見到大部分人都雞飛狗跳，我穿過人群衝向騷亂那邊，見到一個人隻身訓左係地下，而另一個人就被幾十個人花盡九牛二虎之力拉住唔比佢上前。見到兩個人一模一樣的人打架就好似雙胞胎打罵，不過我好清楚如果我唔阻止會搞出人命唔係笑話，我連忙衝向阿條果邊……你問我點分那兩人？好簡單，被朋友拉住的就係阿條，我講過啦，阿條散打好厲害，我唔知阿草實力如何，但係我至少仲記得阿條的朋友和兩人的衣著。





我深吸一口氣, 企係阿條面前，雙手用力拍落他張臉：「啪！」一聲清脆俐落，然後把他的頭按下讓他望著我：「好啦，我要先講清楚，我唔會應承佢亦唔會同你分手，所以冷靜d啦。」
「……佢想搞你喎！」
「甘佢都無搞得成！」
「我唔理！邊個敢搞你我就唔原諒他！」
「反正邊個搞我都唔會搞得成啦！我只係屬於你一個！邊個都唔可以做我男朋友，只有你可以！」
我到最後唔小心對阿條咆哮講出自己的心聲，結果聲音大到隔離左右都聽到，然後，理所當然，全大堂的人都熱烈喝彩，我恨不得找洞躲，但是已經發出這種爆炸言論，我只好硬著頭皮繼續：「甘大聲你聽到啦。」
「……嗯。」
「你跟我過黎。」我拉住他走到阿草面前，面帶歉意鄭重聲明：「對不起，我已經有男朋友，所以你的心意我唔可以受領，再見啦。」然後急急忙忙拉走阿條，我回頭見到追趕我過來的小雅，我估她聽到我們的對話，她企係度目送我同阿條離開。

我拉走阿條到戶外大草地，由於大家都用膳中所以無人係度，我先嘆一口氣，然後……「

啊！！好樣衰啊！嗚嗚嗚，甘大聲講野，以後咪全世界人都認得我？嗚嗚嗚………」
我尖叫了聲後好無儀態蹲下來把頭藏進雙腳中間雙手抱腳的姿勢開口：「真是啊，都係你啦……做咩把事件弄到甘揚，都係因為你甘衝動……」
「雪……」
「嗚嗚嗚……」

我唔鍾意做全場的目光，因為以前發生左d事，雖然因為甘而識到小雅，不過可以的話我寧願時光倒流都唔希望發生那事，結果依加唔小心由假喊變成真喊，我就蹲在草上喊，阿條一開始有點慌亂失措，後來他跪下來用雙手緊緊抱住我，輕聲道：「雪，對不起啊，係我太衝動, 害到你甘樣……所以唔好喊啦……」
我聽到阿條的安慰後反而不由自住哭崩，他只好一邊抱著我一邊摸著我的頭安慰我，於是我就默默靠著他哭喊……

「阿條！！你整喊我嘅好姊妹！！」從後趕來的小雅見到我喊二話不說從阿條的懷裏拉我出來跑掉，然後小雅一把抱著我：「小雪，沒事沒事，愈喊愈唔靚女，小雪係全天下最靚的女孩子，唔好喊到變醜八怪。」
「......我先無變啊！」




「係咩？你睇下魚尾紋都出哂黎！」
「先唔會喊到有啦！」

我被小雅弄得破涕為笑，她見到後拍拍我：「終於肯笑啦？真係要人擔心……係咪有野未同阿條講完啊？快快脆講完返去食飯，我仲未食飽加，係飯堂等你啊！」
話完小雅就跑開去，走前她企係阿條面前，用兩隻手指指著自己雙眼，然後轉一轉手指的方向指向阿條隻眼，表示：「i am watching you!!」(我正在看著你……意思係你別跟我亂來！)

我怔怔留在原位，阿條慢慢走近我, 抺走我的淚痕, 輕輕拉起我我的手:「我鍾意你, 我會好好保護你, 唔好離開我。」
好一個口齒不伶俐......不過算啦, 誰叫佢係我男朋友, 我回抱著他享受著他溫暖的擁抱。

怪我們太專心, 完全沒留意到阿草緊握著拳頭在遠處望著我們。