【校園】【微甜】三日兩夜生前死後的宿營: 生前(2): 活動

我回答：「嗯，想問你參加咩活動我跟你。」
「係啊……我無所謂，就呢三個啦。」佢隨便點左三個活動之後我就想返宿舍收拾下。

點知返去途中我見到阿草，佢對我打聲招呼：「小雪同學，你參加左咩活動啊？」
「……阿草！哈哈，差點想唔起你名，我要左呢三個活動啊。」
「哦？呢三個活動的難度都幾高喎，你真係參加？」
「其實我都幾鍾意玩加，而且係阿條……我男朋友揀我無咩所謂。」
「……頭先同我好似樣嘅人，你係男朋友？」
「嗯，係啊，頭先真是唔好意思，你沒事？」
「無，好小事，難得見面留個電話好嗎？」





於是我就比左我電話號碼阿草，剛好小雅走過來我就同佢告別，小雅見到佢都嚇一跳，以為係同一個人，我都要花d時間解釋比她知，小雅諗左陣，問：「佢有無問你攞電話？」
「？有啊，你又知？」
小雅壞笑道：「果個阿草同你男朋友甘似，話唔定性格都好似，會鍾意同一個人！佢唔係問你攞電話？」
「你咪玩我啦！」我地打罵返到宿舍後換左件衫又去大堂集合玩集體活動。

第一個遊戲係“糖黏豆”，玩法係一個人捉，其餘人逃。
快被捉到時，馬上和另一人黐在一起，兩人一組，捉人的便得另外搵單丁的人捉。黐上兩人組合，另一邊的人便須從原組合分離逃走。然後獨個兒被捉到的要對調身份，成為捉人者。

不過因為太多人，所以一開始就有好幾人做捉人，我從頭開始就黏住小雅，剛開始都無人接近我地，直到有個女仔跑過來黏在落小雅，我就被迫要離開，然後我一直跑一直避，後來有兩個捉人的前後夾攻，我於是走到最近的一組黏過去，然後果組另一個就走開左，我扭頭，發現我黏住的竟然係阿草！




「我地又見啦！」
佢首先跟我打招呼，我笑了笑：「真巧啊。」
「係呢，小雪同學，你同你男朋友係點識？我記得你好似女校啊？」
「我地課外活動識加，剛好好傾不知不覺就開始交往，嘻嘻。」
我想起之前同阿條相處的回憶，不禁傻笑起來。

但阿草見到我開心的樣子好像唔高興，「如果你早d識我，話唔定我地都會好傾得，不過我覺得就依加先識你都唔遲……」
我有d唔明佢講咩，不過照答：「？都係啊，識多個朋友無壞啊，哈哈！」
突然佢低頭道：「小雪同學，其實我嘅意思係……」
突然我同班的一個女仔黏落我，「嘩，好彩我走到快見到小雪你……咦？男同學你好快d走啦，被人捉到唔好啦！」




然後阿草欲言又止，最後講左句：「我地有時間再講。」就跑走左，不過佢唔好彩被人捉到之後帶上左前台。

......我記得被人捉到然後打布剪石輸左好似會有懲罰。