【校園】【微甜】三日兩夜生前死後的宿營: 生前(1): 兩個人

我係小雪，單純天真呆呆的，有點粗魯好動活潑，我的男友係阿條，有點霸道但溫柔體貼，運動萬能成績紅當當，我係女校，佢係男校，我同佢係中四果年課外活動認識，我地都鐘意打機，因此好快熟絡並交往左一年。

依加我地兩個今年都係中五， 雖然唔係同一間讀書但是放假會出去遊山玩水，直到有日當學校宣報搞聯校宿營，而且好好彩可以同阿條間學校一齊搞好開心，仲連埋另一間男女學校三校宿營，多虧間青年新村夠大可以同時容納到五百幾六百人，我同阿條兩個人前一晚都興奮到訓唔著，電話傾到三四點先勉強訓著，實在係太期待！！

第二日，我被鬧鐘嘈醒之後急急忙忙打包所需的野通通塞入背包，連早餐都無食就跑去學校集合。好彩好死黨小雅早就睇穿我買左個我最鍾意食的芝士包比我，唔係我差d餓暈！

之後由學校出發坐車去到青年新村之後我想搵左阿條先，望兩望就見到佢，不過見佢同 friend傾緊計就算， 於是send個sms比佢：「散會後聯絡。」
之後我同小雅就去放低d行李再大禮堂集合，老師派左本行程簿比我地，一打開見到果行程表都幾豐富，上山下海攀岩潛水咩活動都有，當然仲有d集合遊戲，另外有d活動可以選擇自行參與，算得上係有史以來最豐富。

我自己無咩好主意於是想問下阿條玩咩，結果去搵他的時候唔小心撞到另一間學校的同學，我正打算向佢道歉，結果抬頭一望到撞到的人，大吃一驚：「阿條？我居然撞到你……唔係！你換左人地件校服做咩？！」




那個人反問:「同學你咩意思？我本來就係呢間學校!」
我拉著佢的校吠：「阿條你唔好玩我啦！做咩搶左人地件衫？比番人啦！」
「同學……我唔係你口中果阿條啊……」

「小雪！你做咩啊？我搵你搵唔到嚇死我啦！」突然間有人拍我肩頭，我大吃一驚，一轉頭居然見阿條：「阿條？！」
我再轉頭望望我撞到的人：「你又係阿條？！」

我居然見到兩個一模一樣嘅人！！一樣眼耳口鼻，一樣頭髮，一樣身形，只係校服唔一樣！我左望右望，我見到兩個「阿條」，呆左呆，拍一拍臉，低頭想一想，最後望向著住我記憶裏佢的校服，熟悉的氣場，叫我個名的果個：「……阿條係你？」
拍我肩頭的阿條一把拉住我隻手就走：「你傻左啊？唔係我係邊個？好歹都記得我係你男朋友啊小雪。」
我撞到的人突然對我道：「你叫小雪？我係阿草，有機會再見！」





我點頭示好，結果阿條不滿敲了我頭一下：「喂，做咩同其他男仔打交道？」
我只好輕輕摸摸自己的頭：「始終都係我唔小心撞到人……話說果個人同你生得一模一樣，嚇死我啦！」
阿條佢回頭望望阿草：「又真係幾似……小雪你搵我？」