[信不信由你] 青少年經歷: 24
等我講下今年聖誕前夕發生左d乜啦
呢篇真係講你都唔會信 信就信唔信睇下就算啦

對話方面唔講太多啦 因為你地會估到

其實點解咁快就出結局呢

第一係因為好忙 反正中五真係無乜特別 最精彩係中四 精彩已睇過 重複當次貨

中五真係差唔多 至多試後活動同節日 仲有其他出街既趣事等

第二係今篇既重點
開始前可以同大家講返樣舊事先 事源係今個夏天我出左生活態度

我身邊既人都知我唔係好識用呢d高科技產品 而「佢」當然知啦 (老西都唔講你知係邊個

有次同佢食飯畀佢見到我換左電話 就一手搶左黎睇

佢一開safari就見到全香港至毒至變態又至多丁圖既高登討論區

就問:「你平時有睇forum既咩

我:「無聊睇下咋嘛

佢:「你個名都好變態下喎 腳痴最愛美腿



我




佢:「點解你個post咁長既


經過左一輪既你爭我奪之後
佢就講:「估唔到你將我地既野打上去喎死變態佬

我仁爾灰 皮爾修咁答:「因...因為呢個係我咁多年黎最精彩最開心既時候黎架嘛

佢:「等我返去又睇下你有無甩漏先

我:「有你都唔知啦柒頭

佢:「咁你就錯啦 如...如果我話你知我中學係有寫日記既習慣咁你又點睇呀

我




佢:「做乜唔出聲呀

我:「無野啦

佢:「你唔好因為咁而唔出喎

我:「知啦屌你

成件事就係咁

所以你地話我gay呀 成日要相呀 仲有同佢地似既相佢全部都知



佢見到你地話我gay笑到仆街 佢仲要覺得好撚正 成撚日問我係咪gay
入正題啦
今年聖誕都係比較忙 除左要準備陪女之外仲要乜乜柒柒咁

你地都知我而家個女友係耶西 所以佢會去報街陰同唱下歌咁
分分鐘我女友都有同你地講聖誕快樂呀屌



而「佢」今年亦都有約我 慣左去凱講乘個位等我 一來食餐聖誕飯 二來陪下我揀禮物

當然 我係例遲既 佢亦都好似平時咁買左支熱維他奶畀我 不過我去到果陣都變左做凍維他奶

我到左果陣都遲左成四個字啦


佢:「支野凍晒啦

我:「公司多野做呀嘛


佢:「是但啦

我:「黎凱講乘就梗係行呢度啦 唔通去行金字塔咩老友

佢:「遲到仲咁多野講

我:「認真就輸了

佢:「得啦得啦 死高登仔


我:「對唔住 我遲到 今晚餐飯我睇數

佢:「你話架 唔准反口借d意話未禁錢無散紙

我:「得啦 行啦

自從果次畀佢見到我上高登之後就夾硬逼我畀個id佢

佢仲要用埋我部電話登出再登入睇下我有無吹水

成撚日用起底呢招 不過我知佢唔會

至多我又放佢張相 大家一拍兩散

行街食飯呢d細節位唔講啦 講得太細緻你地會估到

等我講最重要果部分啦

我:「禮物買完 飯又請左你食 賺錢搵命博 財散人安樂

佢:「多謝多謝 飽晒

我:「有無地方想去

佢:「不如我地搭船去中環囉

我:「聽朝唔駛開工咩屌你

佢:「我知你把口硬咋嘛

我:「屌你

坐船果陣都幾大浪

佢反而好撚興奮咁係船度影相呀 發癲呀 本地人仲成個遊客咁 一樣咁柒 乜撚都影



我:「係...係咪痴撚左線 乜今晚咁拋既隻船

佢:「有無咁廢呀你 成條死屍攤係度做乜

我:「你係咪本地人黎


佢:「好耐未搭過船呀嘛

我:「戇鳩

跟住就落船啦

我同佢落左船之後其實都無特別野做 係鳩行鳩行同埋鳩行



途中買左杯雪糕 凍冰冰我就問佢:「咁凍仲食乜撚雪糕

佢:「想食呀嘛

我:「傻傻地 小心痾爛屎

佢:「你就係

細節位亦唔多講啦 都係同大家講下重點好過啦

同佢去到一個環境都幾好既位 見到中環燈飾真係幾正 香港如果唔係競爭咁大都係一個好地方

我:「其實你黎都係想睇下燈飾咋嘛

佢:「幾醒喎

我:「香港地有邊年會柒先得架

佢:「其實點解你要係網上面打出黎呢...」
我:「咪講左囉

佢:「你女朋友呢


我:「痴撚線

佢:「咁又真係搵唔返既

我:「咪係囉


佢:「睇你唔出喎

我:「可能做野太悶掛

佢:「知唔知點解我要黎呢度呀


我:「鳩知咩



佢:「前排有個親戚係度影婚紗相影得好靚呀

我:「又唔係你


佢:「係唔係我又有乜緊要呢


我:「你唔要咋嘛


佢:「大舌頭

跟住我上網開畀佢睇同講點解

佢覺得好搞笑 點解高登仔咁都諗得出

佢:「隻野好耐無見過

我:「計我話就舊野好過新


佢靜左陣 就問:「咁人呢

我:「又想講咩呀....」
佢:「無論係邊度過聖誕都好 我都係覺得中四果年聖誕係最開心

我:「算啦... 有好多野已經唔同左啦... 而家我都...」
佢:「我明呀... 我真係明呀... 之不過果年真係我最開心既一年

我:「唉...」
佢:「如果...如果你無拍拖... 你估我地又會唔會一齊呢...」
我:「唔知呀


屌你佢已經喊左出黎

我:「唔好喊啦... 你知有好多野都無如果...」
佢:「其實我仲好鍾意你架... 你知嘛





我:「唉... 我唔識點答你 只可以講而家既女朋友係我覺得可以結婚既對象囉」
佢無出聲

我:「不過我同你以前睇戲果陣都講過 通常最鍾意既都唔會一齊 呢句野我覺得係真

屌那媽佢喊得仲勁左




整整下我都唔敢出聲....
等左佢好耐先出聲...
佢:「咁你係呢幾個鐘就當同我過聖誕啦 不過我想...我想做你女朋友喎

我:「痴撚左線


佢:「你當豪一次畀我囉

我:「好似唔係幾好


佢:「你就想

我:「好啦


佢:「你真係無變到 同以前一模一樣

我:「你都係一樣咁麻撚煩

佢:「我當係度同你結左一次婚架啦

我:「痴撚線

雖然我係講痴撚線 不過我個心係

最後我同佢好似中四果一年咁...
拖住手 佢就好似女朋友咁又拖又圈住我隻右手

無精彩節目 無特別既野做 大家只係鳩行
不過真係搵返中四果年 好似停住左既時間咁...
到我送到佢返樓下果陣佢無啦啦一野攬埋黎話:「聖誕快樂

如果以前可能我真係會嚇到咁--->



不過而家係純粹當佢好似一個紅顏知己咁攬住佢:「聖誕快樂

唔駛五秒又聽到佢係度喊






佢:「今...今...今個聖誕我好開心呀


我:「我都係

到最後...
我拎左買畀女朋友既鏈送左畀佢


佢







我:「幫你戴起佢啦柒頭

佢:「你...你就係

我:「都幾襯你

佢:「我...我送返樣野畀你啦

我


佢一手遮住我隻眼就錫左落黎

我:「你傻撚左咩

佢:「呢次係第一次 都係最後一次...

我:「呢句好娘 好柒

佢一野打左埋黎話:「食屎啦


我:「下次出黎陪我買過呀

佢:「得啦

跟住我就走左啦

聖誕前夕就係發生左呢件事令到我唔想再打住

因為我開始分唔清「佢」究竟係我好朋友定係.....
順便同大家講下 可能每個人心入面都有一位關係好好既女性
會好過你老母女友老婆表姨媽果種
有陣時無左就係無左 無論小莉同肥影都好
佢地永遠係我心目中都有番一席位 大家咁多年黎都無諗過係呢段關係上面行前一步
我而家呢個女友都真係好好 但係你問我最鍾意係邊個既話
就係「你」啦 知嘛

