[信不信由你] 青少年經歷: 7

我:「屌 當我運滯 早知今日唔撚出黎 幾錢呀」 
佢:「睇下先 $75」 
我問老闆:「$70得唔得呀 聖誕快樂呀老闆」 
老闆:「聖誕快樂呀後生仔 $75啦」 
我:「唔該啦 我差呢五蚊搭車 我祝你生意興隆」 
佢:「唉 怕左你 送畀女朋友仔都要咁慳」 
我:「佢呢個...」 
呢一幕真係畀肥影嚇親   
講都未講完佢上黎講:「我男朋友不嬲都好慳 唔該老闆」 
跟住就買撚左 





我:「我都未講完 男乜鳩朋友 上次又係咁 今次又係咁 不過算啦 好彩慳左五蚊咋」 
佢:「咁咪係囉 唔扮下野又點慳到五蚊呀柒頭」 
跟住又面紅紅咁講:「多謝你呀阿腳」 

我 --->  

我:「你竟然叫我阿腳 平時都係柒頭撚樣仆街戇鳩仔之類」 
佢:「你送左野畀我呀嘛 所以對你好少少」 
我:「你屈架咋 我真係唔撚想送 你知唔知七十蚊夠我打幾耐機」 




佢:「咁你打少兩日啦仆街」 
我:「咁都無咁怪 我聽慣你叫我柒頭」 
佢:「死人柒頭 正賤骨頭」 
我:「戇鳩鳩 夜啦走啦」 
佢:「你唔駛我送野畀你咩」 
我:「唔好玩鳩我啦 你買野咁撚貴 我又唔會要你 唔想又畀老母屌」 
佢:「小莉送左乜畀你呀」 
我:「頸巾囉 仲要純黑色」 
佢:「咁我送電話繩畀你啦」 
我:「發緊夢咩你 發撚左達呀 無啦啦送野畀我 唔會中你計 肯定我要畀返一百萬倍回報你」 




佢:「你個腦除左打機有無其他野 有人話送野畀你唔要都算 仲要屈鳩我」 
我:「咁講定先 我唔會畀任何回報你架仆街」 
佢:「得啦 你好撚煩」 

跟住再去其他地方揀 

同佢行到去果d賣精品既鋪頭 
佢:「呢條啦 岩你用呀柒頭」 
我:「睇下幾錢先 我屌... 呢條鳩野值唔值咁貴呀 成舊水 唔好撚去搶」 
佢:「我送咋嘛你嘈乜撚 你鍾唔鍾意先」 
我:「屌 唔鍾意 揀過條平d啦」 
佢:「呢條唔好咩」 
我:「男人老狗用咁長電話繩把撚咩 柒下柒下咁」 
佢:「咁你鍾意邊款呀大少 意見又撚多 買菜唔知揀邊棵 (佢常用之一)」 
我:「揀條短d無咁多花款啦 屌 就呢條啦 $38 抵」 




佢:「咁你搵條線穿撚住佢咪算啦 乜撚都無」 
我:「咁就唔好晒無謂錢啦柒頭 我返去搵線穿囉」 
佢:「你好撚煩 呢條就呢條啦」 
我:「出去等你 呢度好撚多人」 
佢:「快d死出去唔好篤眼篤鼻」 
我:「屌你仲有你老母」 

其實佢同老母關係唔係真係差到咁掛 我成日屌佢老母都可以忍....

我果次等左佢勁耐 成兩個字先畀完錢 係出面食西北風 
我即刻屌鳩佢:「搞乜撚搞咁耐呀」 
佢:「我見到佢加錢有得刻字呀嘛 你睇下」 
我:「你搵次醒少少好無呀柒頭 擺明昆鳩你都仲要落踏 蠢過菠菜蓮呀屌你」 
佢:「你拎電話黎我幫你穿住佢 唔好咁撚多野講」 
我:「畀我睇下你刻左乜先 唔通你刻屌你老母我仲日日穿住佢咩」 





睇一睇 係佢個英文名 

我:「你係咪好鍾意呀 其實你想買畀自己咪出聲囉 刻撚埋自己個名唔駛十日就問我拎返」 
佢:「你...你...呀!!!!!!」 
我好撚醒咁答佢 :「畀我講中左呢係咪 咪撚諗住玩鳩我啦柒頭」 
佢好撚炆咁講:「xxx 你同我拎部電話出黎   x2036」 
果下我真係畀佢嚇親 好少見佢咁撚炆 搞到我都唔夠薑屌鳩佢 唯有屈服.... 

我:「拿... 拎咪拎囉... 咁撚惡做乜鳩呀 又得罪左你」 
佢:「你唔好撚煩啦 搞掂啦 穿好 又幾襯你部電話喎」 
我:「痴撚線 明明頭先仲大叫 而家又戇鳩鳩咁笑 係咪精神分裂呀屌你 尋晚小莉又撚係咁 」 
佢:「我對住你無可能好似佢咁陰聲細氣 我地兩個唔斬死你個仆街都算好啦」 
我:「你都戇撚鳩 今晚要你橫屍街頭」 
佢:「得啦你好撚煩 唔好唱落去 係咪走啦 行啦」 




我:「多謝 聖誕快樂 祝你一年柒過一年」 
佢  --->  
肥影:「你食撚錯野呀 同我講聖誕快樂」 
我:「你送野畀我咋 如果唔係真係唔撚講」 
佢又面紅 :「我都多謝你 聖誕快樂」 
我:「係咪好撚凍呀 話左北風好乾架啦 你屋企無蛾羅納英咩」 
佢:「你真係... 個腦係咪留撚左係屋企」 
我:「係 我聽到d game叫緊我返去」 
佢:「係呀我爆晒擦啦 走啦仆街」 
我:「好 等你呢句等左幾個鐘」 

跟住就去搭車啦 
返屋企果邊仲有段小插曲

我送西影返屋企果陣 可能深夜特撚別凍 





我:「真係好撚凍呀肥影 送到你呢度唔送啦 拿拿聲返屋企」 
佢:「你係咪男人呀屌你 由得一個女仔自己返 我估你尋晚一定送到小莉返樓下啦屌你」 
我:「再屌就死啦 咁我同佢有頸巾一齊用咪無咁撚凍囉 蠢人」 
佢:「畀你話蠢真係唔撚gur 你地點一齊用」 
我:「咪我圈一個圈再畀佢圈囉 你做乜撚係咁問 成日提尋晚尋晚 煩過學打狗棒」 
佢:「你真係... 話你細心好定個人蠢到仆街好呢」 
我:「我不嬲都好細心又唔蠢 唔好諗住踩低我呀仆街」 
佢:「我都好撚凍呀」 
我:「你覺得我好撚暖 附近無seven無得買熱野飲喎...」 
佢:「你除件衫出黎畀我啦 」 
我:「白撚痴 你收皮啦 你除出黎呀笨」 
佢:「咁...咁你捉住我咪唔凍囉... 我隻手又無小莉咁凍...」 
我:「你都柒下柒下 行快兩步都返屋企啦 捉住你會暖啦咩柒頭」 
佢:「你真係....呀!!!!!!!!!」 
佢果刻係咁大叫 

我:「痴撚線咩 嘈親人又嚇死人呀」 
佢:「點解你會咁撚樣架....」 
我:「做乜無啦啦罵我... 你都係個撚樣」 
佢:「你拎部手機黎睇下」 
我:「估撚到你會拎返架啦 黎啦拎走啦」 
佢:「睇下睇下...」 
跟住佢一野捉實唔肯放 

我:「你做乜呀仆街 放手呀」 
佢:「唔放 我真係好凍呀... 就呢一次...」 
我:「做乜呀你 係咪唔舒服呀 凍到痴撚左線」 
佢:「我諗都係啦... 行啦行啦」 
跟住佢將我隻手放入佢褸袋度 

我:「咁其實都幾暖既... 行快d好走啦 凍撚到變冰」 
佢:「慢慢行啦 想散下步」 
我:「你無撚野呀... 又散 你對腳係咪咁鍾意郁」 
佢:「係呀 我好鍾意散步」 
跟住佢塊面真係紅得好緊要:「你要陪我呀知嘛」 
而家同佢講返佢會打鳩我 

我:「而家咪陪緊囉 我想返去打機休息呀 好撚累」 
佢:「知啦知啦...」 
我:「唔好撚扮溫柔得唔得 呢度無人...」 

跟住就返到佢屋企樓下啦 
肥影佢笑得好甜咁講:「多謝你條鏈 byebye」 
我:「唔好提 晒撚左我七十蚊 拿拿聲上去唔好廢話」 
佢:「哈 多謝多謝」 

跟住我就走左啦 

肥影條電話繩我係中五果年打波跌左 
果下佢一路喊一路打我 搞到我頭都大撚埋

果晚返去 小莉同肥影分唔同時候咁打黎 煩都煩撚死 
無記錯係小莉打先 

小莉:「你今朝又話轉頭打返畀我既 我等到你而家呀...」 
我:「唔記得左 肥影係咁催搞到我完全無撚左回事」 
佢:「你...你今晚去左邊呀」 
我:「去左cwb囉 尋晚同你去完tst唔通又去咩」 
佢:「下...咁...咁你...咁你...」 
呢句就真係特別記得啦 

我:「錦鯉 乜撚錦鯉呀 你組織下先講啦 (跟住我狂笑)」 
佢:「咁你同佢做過咩呀」 
我:「被迫鳩行同畀佢屈我買禮物畀佢囉 不過佢個柒頭都良心發現買左條電話繩」 
佢:「咁你地咪即係交換禮物....」 
我:「話時話 你等到我而家 你傻撚左咩 成點幾鐘啦」 
佢:「咁我見你無搵我嘛 你又話打返畀我咪等你囉」 
我:「你真係傻傻地 今日無出去咩」 
佢:「有人約呀 不過推左佢 今日係屋企溫下書做下功課睇下書囉」 
我:「唔撚悶既咩... 真係頂你唔順」 
佢:「咁你今晚同阿影玩得開唔開心呀」 
我:「麻麻地啦 不過佢好撚煩囉 你又問我今晚搞過乜 佢又問我尋晚搞過乜 係咪夾撚埋」 
佢:「........」 
我:「做乜唔出聲」 
佢:「你真係唔知佢點解問咩」 
我:「我鳩知咩 佢今晚又係好似你咁食春藥咁係咁傻笑 都唔知笑乜春 柒下柒下」 
佢:「咁佢今晚著得靚唔靚呀」 
我:「咪又係平時果d 不過無你著得咁靚 你屋企得飲衫」 
佢:「你讚我呀 多謝」 
我:「無計 你問我先講 唔好話返畀佢知 佢打我我實打鳩你」 
佢:「你...你送左乜畀佢呀」 
我:「你問完未 我今晚食左xxx 飲左xxx 行左大約五至十萬步」 
佢:「你未答我呀」 
我:「鏈囉 成七十蚊架屌」 
佢:「你送...送鏈畀佢」 
我:「佢自己揀既 關我撚事咩」 
佢:「你都無送野畀我...」 
我 :「係喎 你有送野畀我都未送返畀你」 
佢:「係呀」 
我:「你想要乜 不過唔准太貴 你買左幾錢冷」 
佢:「幾十蚊囉 做乜呀」 
我:「買返同等價值先無拖無欠架嘛」 
佢:「你...你真係咁諗」 
我:「唔係既 仲有你手工費 不過唔值太貴 但係都幾暖 可以返學用」 
佢:「唔....」 
我:「聽日等我同盒仔出去買返份禮物畀你 不過唔貴」 
佢:「真係既 好呀 多謝多謝」 
我:「駛乜多謝 你應得」 

小莉把聲好易聽得出佢係咪


電話又響 遲早永遠都較震機   

肥影:「喂 你訓左未」 
我:「其實你係咪心理有少少唔平衡 點解成日咁撚夜先打黎」 
佢:「想睇下你返到未咋嘛 以為你凍撚死係街頭」 
我:「你凍死我仲長命百歲呀仆街 把口臭過你個西」 
佢:「屌你呀仆街 死賤咀」 
我:「打黎又有乜撚野想講呀」 
佢:「純粹打黎多謝你禮物咋 無乜特別」 
我:「無乜特別就收線啦 阻撚住我沖涼」 
佢:「屌你咁撚污糟 返到屋企都仲唔沖」 
我:「屌 小莉頭先又打黎傾左陣 而家又撚到你 係咪特登玩鳩我呀屌」 
佢:「佢同你傾乜呀」 
我:「煩撚完未 佢又係咁問你又係咁問」 
佢:「答我呀仆街」 
我:「咪又係問我今日出去既野 你又問佢又問 其實咁撚想知做乜唔打畀本人」 
佢:「你有無同佢講送左條鏈畀我呀」 
我:「唔撚係送 係屈 有呀」 
佢:「屌你... 你真係坐撚住個腦」 
我:「唔止坐住個腦 仲插住你老母」 
佢:「死仆街你好無聊呀 仲有無其他呀」 
我:「你好撚煩呀 定係其實你唔知自己係煩到仆街 咪話送返份野畀佢囉 佢有送野畀我嘛」 
佢:「你諗住送乜撚」 
我:「條撚掛」 
佢:「唔好廢話 你講」 
我:「我鳩知咩 聽日同盒仔出去先揀啦」 
佢:「你會唔會送返條鏈畀佢 以你智慧應該係諗到咁多」 
我:「戇鳩 咁貴你送埋我果份 到時先出去揀啦」 
佢:「買完打畀我啦 係咁byebye」 
跟住一野收左我線 

果下諗佢地做乜撚要係咁問 問到心都煩 
出個街有無咁撚多疑問同困擾呀

打畀盒仔問佢出唔出去 當然打埋機啦 
佢條友真係有求必應 

我:「盒哥聽日出唔出去打個靚機」 
佢:「好呀 去邊先」 
我:「mk/tst囉 順便行下街」 
佢:「有乜好行呀屌 打足成日」 
我:「因為..... (講一大輪野畀佢聽 晒撚晒我d分鐘)」 

佢:「你今鋪真係賣身都唔撚掂」 
我:「點解既」 
佢:「阿影有無話想一刀斬撚死你/想仆街死果d」 
我:「個臭西每日都講緊架啦 佢唔講我先驚呀」 
佢:「整整下連我都想」 
我:「我屌你咩 你真係好撚鍾意幫住佢」 
佢:「你明唔明點解先 明就講 唔明就唔講」 
我:「有野就講啦柒頭 吞吞吐吐條撚照露」 
佢:「其實小莉同阿影都lum你 你信唔信」 
我:「你都戇撚鳩 今晚要你橫屍街頭 我唔撚信」 
佢:「唉... 有陣時真係想打開你個頭睇下入面有乜撚」 
我:「有一個精密既頭腦」 
佢:「屌你啦 真係覺得佢兩個好撚慘」 
我:「屌 我仲撚慘啦 日撚日好似審犯咁」 
佢:「腳哥 你都係適合打機多d 唔好撚講啦 我驚自己忍唔住真係一刀斬撚死你個仆街」 
我:「我都覺自己適合打機 所以去打啦聽日」 
佢:「兩點等 係咁」 
我:「ok bye」 

跟住第二日就去mk啦 
果陣盒仔真係好撚勞氣 可惜我無理到佢

同盒仔去到mk 真係好撚gay 
打左好撚耐機 (唔係講笑 打左三個幾鐘 我記得用左三十幾四十蚊) 
跟住就行啦 

我:「去邊同買乜好呀」 
佢:「你都係諗住買d平又戇鳩既野 咁去潮流凸駒囉」 
我:「好」 

去到見到好撚多野睇 花多眼亂真係唔知揀邊樣 
屌那星 

由最上兜到最落 (肥影教既 ) 
見到有間用木刻既 

我就話:「盒仔入去睇下 d野好似幾平又幾正」 
佢:「你唔好買呢d啦」 
我:「點解」 
佢:「你仲送呢d野畀佢 明玩鳩人jei」 
我果陣既答案好撚:「即係佢嫌平jei屌」 
佢:「我屌你呀仆街 買第二d 」 
我:「但係呢間好平喎 一個鎖匙扣先廿蚊 可以打多兩鋪先走」 
佢:「你真係肯定送呢樣 我包你有排煩呀送左 唔煩我畀你踩兩下撚都得」 
我:「你洗定條撚都得」


入到去 真係平又有貴又有 

我跟d姐姐仔:「邊樣最平又最實用」 
姐姐仔:「鎖匙扣囉 廿五蚊又實用 送畀女仔呢」 
我:「係呀 有無d廿蚊就有既貨仔」 
姐姐仔:「有 但係好細個咋喎」 
我:「唔緊要 我只睇價錢」 
姐姐仔:「係咪送畀女朋友仔呀 呢條木可以刻名 夠晒lum」 
我:「駛唔駛加錢 要就唔駛 」 
姐姐仔:「阿哥哥 送野畀女朋友仔唔可以咁慳皮」 
我:「第一佢唔係我女朋友 第二你要加錢就真係唔駛 留返黎買野飲」 
姐姐仔:「唉... 怕左你 加三蚊有得刻 你加唔加」 
我:「加!!!!」 
姐姐仔:「咁你個名係乜」 
我:「做乜問我叫咩名」 
姐姐仔:「刻你個名先夠意思架嘛」 
我:「送畀佢刻我個名做乜 佢叫小莉 你刻佢個名啦」 
姐姐仔:「對人無意思你做乜送呢d畀人」 
我:「好簡單 因為你平」 

之後盒仔好撚串咁講 
「我一早都叫你唔好送呢d啦 唔止我咁講啦係咪 連靚女都咁講」 

我:「其實真係唔明點解唔好送 係咪因為太平唔好睇 但係我又唔想用咁多錢 呢排用撚左好多啦」 
佢:「咁算啦 買撚完走啦 對多你一陣真係嘔血」 
我:「咁我買啦」 
佢:「你有陣時真係好撚戇鳩....」 
我:「屌你」 

畀完錢打多陣機就走左啦 
用左廿三蚊買畀佢 諗返起都正 

打完機返去屋企附近就打畀小莉叫佢落黎拎 
屌 一入夜就開始凍 

我:「喂 你落黎啦 買左禮物啦」 
佢:「下... 真係架... 我以為你講下咋喎」 
我:「拎完快d閃 好撚凍」 
佢:「好 即刻落黎」 
我:「等多過五分鐘你就仆街」 

佢真係好快落左黎 

我:「你岩岩訓醒」 
佢:「唔係呀 做乜咁問」 
我:「第一次見你咁街坊 好撚柒」 

佢著好厚既衛衣+jacket+運動褲+拖鞋 
識佢咁耐呢種打扮我都係見過幾次 唔多過五次 

佢即刻面紅:「咩..咩喎 又係你叫人快d落黎 唔想你等又冷親又要畀你話我樣衰」 
我:「我以為你係屋企都係著飲衫 你呢個樣真係好撚搞笑 」 
佢:「唔...唔好笑啦 你買左d咩呀」 
我:「拿 你既 聖誕快樂」 
佢笑到成個柒頭咁講:「多謝阿腳」 

其實得一個膠袋仔包住 因為用花紙要加錢 
所以叫佢畀個靚少少既膠袋仔算 反正張花紙都會被撕爛 
咁同撕爛錢有乜分別 仲叫我加錢 會中你計咩屌你     

佢又笑到柒下柒下:「咁靚既 你揀架」 
我:「梗係啦 廿蚊真係好撚抵 你睇下後面 加多三蚊有埋你個名」 
佢:「真係喎 咁唔見左都唔怕搵唔返 不過...」 
我:「不過乜撚」 
佢:「又講粗口 咁..咁通常都係刻送果個人架嘛... 你又會刻我個名既...」 
我:「送廿蚊禮物畀人仲刻自己個名既人真係戇撚鳩 慌死人唔知你送廿蚊」 
佢:「我又唔介意... 不過算啦 多謝」 
我:「你把聲真係好難聽 如果有日你用變聲器就好 聲音經過特別處理」 
佢:「今日由得你點講就點講啦 聖誕快樂」 
我:「你唔介意平就得 唔撚駛多謝」 

點知無啦啦臭西影打畀我 
學盒仔話 真係有撚排煩      

我:「點撚樣呀 打黎又有乜廢話想發表」 
佢:「打黎睇下你買左禮物未呀柒頭」 
我:「買撚完仲送埋啦柒西 係咪好撚快呢」 
佢:「你買左乜呀 頸鏈」 
我:「戇鳩鳩 咁貴就老西都唔買 買左廿蚊鎖匙扣 好撚抵」 
佢:「咁你買完做乜撚野唔打畀我呀」 
我:「打畀你把撚咩 係咪你過黎找數呀」 
佢:「份禮物係點架....」 
我:「你問撚完未 又審犯」 

跟住我見小莉又整樣 

我:「喂 遲下打畀你啦柒頭 小莉係度呀 係咁」 
係咁就收左佢線 

小莉:「肯定係阿影啦.... 你真係受歡迎....」 
我:「關受歡迎咩事 你真係傻傻地」 
小莉:「你幾時買左條電話繩架」 
我:「尋晚肥影買咋嘛 佢良心發現覺得唔好意思買咋嘛 正柒頭」 
小莉:「拎黎睇下啦」 
我:「拿」 

跟住佢 --->  

佢:「你...你知唔知條繩同你條木一樣 都寫左字架」 
我:「知呀 寫左個柒頭個名 佢都係想有朝一日拎返先咁整 玩唔撚到我」 
佢:「你真係好蠢好蠢好蠢呀」 
個撚樣講左三次 

我:「屌你咩 送野畀你都要畀你罵 係咪痴撚左線」 
佢:「你..阿...我唔知點講呀...」 
我:「唔知點講咪唔好撚講囉」 
佢:「唉... 阿影真係慘...」 
我  --->