<第叄期實體書,經已有售>今年我三十三歲,回到了1998年 (校園、穿越、奇幻): 第二部曲 Chapter ５３　Galaxy girl（上）

Chapter ５３　Galaxy girl（上）
 
選秀後，脫穎而出的九名女生，與宛琳珊組成女團Galaxy girl星系少女，以九大行星（當時冥王星還未被除名）加上太陽作為她們的代表星系，宛琳珊是Galaxy girl的隊長，自然就是眾星圍繞著的那顆太陽。
 
我們為Galaxy girl的發展方向開會，Bingo的提議是沿用他九個飯煲的女團那一套，來自未來的我知道他的那一套不能夠得到大成功，我知悉未來的韓國女團將會大熱，所以想借鑒她們的公式，搶先一步複製她們的成功，於是我請了韓國最出名的女團學校制定課程去訓練Galaxy girl的成員。
 
由於宛琳珊之前已經接受類似的訓練，她是最快適應過來，Galaxy girl的其他成員看到宛琳珊這麼落力，也受到感染，以宛琳珊為目標，雖然大部分的成員按照導師的指示，可是還有些成員跟不上步伐，貞蘭除了每日指定餐單外，有時還會偷吃朱古力，體態難以達標，這讓經理人菁姐頭痛不已。
 
Bingo不太認同我採取的方針，他道：「成皇志，雖然之前韓國嘅歌影視偶有佳作，但依家嘅韓風喺香港影響力唔係太大，不如你都係按照翻我嘅方案啦！」
 




我道：「Bingo，我知你好有經驗，捧人好有一套，但係香港一向都祟外，我覺得韓國嗰做星模式好好，我希望Galaxy girl先喺外面打響名堂，再返香港。」
 
Bingo一臉憂心道：「但係你咁樣做要洗好多錢，順勢剛剛成立，你就將公司嘅
咁多資源投放落去，萬一失敗咗，順勢會好危險。」
 
菁姐亦贊同Bingo的看法，道：「係啊！成皇志，做娛樂公司要做定風險管理，
Bingo嘅方案穩打穩紮，順勢初初發展最重要穩陣，等將來賺到錢，我地再投資你嘅計劃。」
 
蔣學勤道：「之前成皇志同Ｐ廠傾掂數，Ｐ廠會搵Galaxy girl做新嘅代言人去推廣ＰＤ１９２，而ＰＤ１９２會出多九隻顏色，加上嚟緊嘅世界盃熱潮，到時
相信日本同韓國嘅人都會認識Galaxy girl。」




 
Bingo道：「我睇過嗰份新合約，如果日本隊入唔到十六強，我地就要賠錢，我唔知道點解要附加依啲條款入去，好多日本人都唔相信佢地可以出到線，你咁樣都答應佢地，真係……後生仔做野有衝勁係好，但你太衝動喇！」
 
菁姐亦附和道：「成皇志，你咁樣孤注一擲，真係好冒險，我地可以動用嘅資金，唔可以支持你依個計劃好耐，我諗應該支持唔到一年。」
 
我道：「菁姐，Bingo，你地放心啦！俾三個月時間我，三個月後，順勢就會有充裕嘅資金，個方案唔會因為資金不足而中斷，正如學勤所講，難得Ｐ廠搵Galaxy girl做代言人，我地就借助今次嘅機會打入日韓市場，之後再反攻香港。」
 
菁姐和Bingo在這一行經驗豐富，但就是這個優點，讓他們的想法過於保守，在他們眼中，我的計劃是進取得進賭徒一樣，我的全盤計劃都取決於這次的世界盃。
 
＊＊＊




 
Galaxy girl為Ｐ廠拍攝全新的宣傳廣告，在丹羽建太的建議下，Ｐ廠亦破天荒為旗下手提電話推出多款顏色（那個時代的日系手機大多只有銀色），ＰＤ１９２的顏色多達十款，都是以九大行星加上太陽的星系顏色，每一位Galaxy girl代表指定的顏色。為了打響頭炮，我決定要為Galaxy girl製作一首代表作，一念及此，我立時想起一首來自韓國天團少女年代的歌曲ＧＥＥ，這首歌旋律輕快很洗腦，但我的作曲造詣有限，於是請求暉洋的幫助，暉洋不愧是這一代炙手可熱的作曲家，他憑著我哼出的旋律，便在短短的四天寫好一首變奏版，雖然如原曲有些出入，但一聽依然覺得很易入耳。
 
暉洋讚道：「成皇志，你嘅曲風都好多變，你其實好有天分，可惜你基本功唔得，加上心有旁騖，如果唔係我覺得鄭倫都唔係你對手。」
 
這全都是別人努力的功勞，並不是源於我自己的天份，我就是知道自己不可能有鄭倫的成就才要轉型。
 
暉洋作了曲，我便重金找來了專業的填詞人填寫了韓文、日文、中文的歌詞，並且讓那些星級舞者設計舞步，讓Galaxy girl排舞，這當然又要花費一大筆錢，但出來的效果是成功的。
 
Galaxy girl的廣告一出街，立時平地一聲雷，知名度大增，在廣告中青春性感Galaxy girl在廣告裡勁歌熱舞，長相甜美可人的宛琳珊、Trace、史丹菲、囡晨、Tiffany當然受到注目，長相較平庸的吳卡莉、貞蘭姊妹亦在星級造型師的努力下，塑造一個別樹一幟的型格，掩蓋了原來的短處。
 
Galaxy girl出來的成績讓順勢的上下員工感到鼓舞，原本擔憂的菁姐和Bingo見狀亦都稍為放心。
 
我們這邊廂為此感到高興，可是樂宜看到Galaxy girl的廣告，便妒怒交雜，心中不是味兒，看著報紙刊登Galaxy girl的跨頁海報，她在心中吶喊：「原本企喺宛琳珊隔離嗰個唔係坡妹Trace，係我嚟架！就算我入唔到三甲，都無理由簽囡晨，唔簽我吖？一定係條八婆偷偷送上門，成皇志先簽佢。仲有嗰個化妝師布甸，我頂撞過佢，佢懷恨在心，化妝化到我塊面勁大。」
 




滿腔怨憤的樂宜不斷為自己在選秀失利找藉口，原本她以為與紅矮星合作打輿論戰的話，一來可以向有眼無珠的成皇志報復，二來紅矮星背後的星旺集團會簽她成為旗下的藝人。豈料Ｐ廠沒有和成皇志交惡，還與順勢的Galaxy girl作出新的宣傳活動，另外，自殺不逐的王耀暉，神智失常，向傳媒大爆娛樂圈荒淫史，星旺副主席易奇通及旗下藝人都牽涉其中，觀眾的焦點都轉到這宗娛樂新聞上，對她與成皇志的愛恨情仇沒有興趣。
 
紅矮星利用完樂宜便棄如敝屣，樂宜雖然心中不忿，可是不敢向對方表達不滿，因為對方與很多江湖中人有往來，他們的手段非常可怕，據聞該報的某位老闆曾經不滿一位當紅的女藝人，便出動一群黑社會抓走那女藝人，帶到飛鵝山輪姦，並拍下影帶，所以她有萬般不滿，亦沒有膽量找對方算帳。
 
失意的樂宜到了The hot girl賣醉消遣，希望藉酒精和軟性毒品減卻心中鬱悶，待會再找個男人睡一晚，翌日的心情便會好起來。
 
除了樂宜外，姚智風亦是另一位失意人，原本姚智風還靜待成皇志再次重用自己，畢竟他認為大家是中學同學，重情義的成皇志不會這樣絕情；可是經歷了ＰＤ１９２事件後，其他同事對自己的態度１８０度轉變，他知道就算成皇志不解雇自己，自己在這裡亦看不到將來，於是他主動聯絡大細界的Peter。
 
當日姚智風跟著成皇志到謝金雄的壽宴，認識了那名在大細界租務品工作的Peter，對方曾經說如果姚智風有需要的話，隨時可以找他，但是當姚智風找上他的時候，對方知悉他的來意，神情冷淡，道：「我地部門請個clerk，最低學歷都要五科合格，你會考連五分都無，應該連見工嘅機會都無。」
 
在順勢內，姚智風只餘下霍去登才理睬他，霍去登得知姚智風到Peter那裡碰壁，便道：「姚少，一早都同你講咗，嗰個Peter都係啲見風駛利嘅人，佢當時咁同你講都係因為俾面鳩爺啫！其實依家Galaxy girl咁成功，你件事都丟淡咗，菁姐同蔣學勤都唔在提起，你就安安定定繼續喺到打工囉！」
 
姚智風慍怒道：「明明我地就跟成皇志先，當時咩自強日報、順勢佢都未有，我地跟咗佢咁耐，佢咁對我同你。安安定定打份工？依家成間公司無人睇得起我啊！我喺依間公司仲有咩前途地位啊！」
 
霍去登勸道：「姚少，鳩爺唔係咁嘅人嚟，佢上次同我講話，我俾心機做，世界盃之後，就有花紅分，到時你都有份架！其實我覺得鳩爺都係想過一排丟淡件事，先安排你嘅位置啫，依家鳩爺咁多方面發展，大把機會俾我地啦，你不如趁依段時間自我增值，搵啲野學下，嚟緊我都打算考多幾個牌。」




 
看到霍去登這麼積極，姚智風反而感到一陣厭煩，道：「唔好講依啲唔啱聽嘅野，我地今晚去The hot girl玩下。」
 
霍去登聞言搖了搖頭道：「姚少，今時唔同往日喇！依家我地落去要自己俾錢找數，無人會請我地飲酒架喇！埋單成千蚊起跳，我唔玩喇！」
 
姚智風埋怨道：「妖，又話friend，我唔開心，要你落去陪我又唔肯，咁你借部車俾我喇！橫掂我啱啱考咗車牌。」
 
霍去登猶豫了一會，道：「吓！借俾你唔係唔得，但係姚少你要睇住嚟揸，唔好俾人抄牌，或者撞花啊！話晒部車都係鳩爺架！」
 
「挑！阿登，你成日生人唔生膽，真係好無癮，如果有咩事入我數，ＯＫ？保母車啫，又唔係法拉利，我賠唔起咩？」
 
姚智風駕車到The hot girl，他看見長長的人龍排隊進場，便如保安打招呼，希望可以能盡早進場，可是保安員道：「想入場就排隊啦！」
 
進場後，姚智風看到The hot girl的老闆正在招呼其他客人，姚智風向對方揮手，對方對他視而不見，態度冷漠；那些平時姚少前姚少後的酒肉朋友，都在排擠著姚智風，姚智風只好一個人在喝悶酒。
 




「你以前好威架！啲明星仔痴埋你度，The hot girl嘅老闆都要同你酙酒。」
 
姚智風抬頭一看，說話的人赫然是樂宜。
 
姚智風有些愕然，樂宜得知自己不是什麼成皇志工作室的經理後，便不再理睬自己，想不到現在她居然會主動與自己搭訕。
 
「我自己嘅遭遇都好似你咁，本身我係選秀比賽嘅熱門，成為Galaxy girl嘅一員，但係依家咩都無喇！」樂宜在姚智風身旁坐下。
 
「妳人靚身栽好，就算落選一樣大把前途啦！我成日見你同啲導演監制一齊玩。」
 
樂宜嘆了一口氣，道：「唉，你估我好想痂埋佢地到架，又俾佢地抽水又要陪佢地，先搲得一啲配角，你都唔知依一行嘅競爭有幾大。」
 
姚智風舉起酒杯喝了一口，道：「如果我真係成為營運經理，我就可以幫你啦！可惜我唔係。」
 
樂宜亦喝了一口酒，道：「你當初都扮得似模似樣，識得交際應酬都係一種本事嚟。」




 
得到樂宜的讚賞，姚智風重拾了一點自信，忿忿不平道：「可惜唔係個個都好似妳咁諗，之前我跟成皇志嗰陣，佢報社又無、娛樂公司又無，到佢生意越做越大嗰陣，我嘅待遇同職位反而差咗，就算我有啲地方做得唔啱，但係無功都有勞吖！再加上我地咁多年嘅情義，啲外人咁對我，佢都唔幫手。」
 
樂宜瞧見姚智風說得咬牙切齒，便道：「其實我同你都一樣，係成皇志害到我地咁慘，佢係我地嘅共同敵人，我地應該搵佢報仇。」
 
姚智風聞言現出錯愕的神情，道：「雖然佢對我無情，但係我唔係啲咁無義氣嘅人嚟嘅。」
 
樂宜冷哼了一聲，道：「你擺明驚佢啦！做男人做到你咁無膽。」
 
姚智風兀自不忿道：「我會驚佢，同你講吖！讀書嗰陣佢好廢嗰咋！我踢波又勁過佢，鋤dee又成日贏佢錢，佢喺我地班friend入面無乜存在感咋！自從佢跌親個頭遇到個乜鬼神仙，佢先開始轉運，如果我有神仙照住，成就實好過佢十倍啦！」
 
「但係神仙照佢，唔照你呢！」
 
姚智風反駁不了樂宜的說話，變得沉默，樂宜道：「啲衰野唔講喇！我地飲酒啦！」
 
兩人酒過三巡後，還嗑起藥來，揈頭丸、冰、可樂這些軟性毒品和烈酒一同服用。
 
二人迷迷糊糊的回到車上，樂宜神智不清道：「我地去邊啊？」
 
姚智風同樣神智不清道：「我地…去睇月光吖！」
 
樂宜拍著手道：「好啊！去睇月光。」
 
姚智風像舞龍一樣把車駛上了大帽山，然後二人解除束縛，在車上幹起了妙不可言的事。
 
翌日，姚智風被電話鈴聲吵醒，他按下了通話掣，電話彼端傳來霍去登焦急的聲音：「喂！姚少，你喺邊啊？我要揸車去接鳩爺啊！你快啲揸返架車俾我啦！」
 
「得喇！得喇！依家即刻還返架車俾你。」
 
掛了線後，姚智風頭痛欲裂，他捂了額頭，依稀記起昨晚在酒吧和樂宜碰上，然後一起喝酒嗑藥，再駕車到這裡。
 
姚智風左右張望沒有發現樂宜的蹤影，道：「樂宜呢？佢居然走咗，一定喺怕記者影到同我一齊車震，如果係大鳩嘅話，佢一定高興都嚟唔切，依啲女人養唔熟，得閒執劑就算喇！」


以下是小弟的FACEBOOK專頁,內有更多精彩內容,如各位對小弟的作品感興,不妨到此留下讚好,給予鼓勵,你們每一個支持,均是給我做得更好的動力,謝謝
https://www.facebook.com/vc907907?ref=hl