《將軍澳迴旋處上的時空裂縫》: 第三章第五回：Men in Black!?

 
第三章第五回：
Men in Black!?
 
 
我上網 check 了一下 Google Map，發現在地圖上，
將軍澳廣場第7及第8座正是最接近迴旋處的住宅大廈，只是隔了三條行車線。
而低層住戶就當然是最接近迴旋處的住宅單位了。
 





新聞報導說感到身體不適的，全部都是將軍澳廣場第7及第8座低層住戶，
這樣明顯有規律的地理分佈，
如果說是與迴旋處無關，也很難說得過去吧。
 
「請永遠離開這個地方，不要再喝流經這裡的水源。」
 
水源……
大廈的食水供應，
應該是全幢大廈共通。
由大廈天台的儲水缸，經食水喉管接到每一層。




如果是食水受到污染，理應全幢大廈不論高低層都一同污染。
但現在只有低層住戶身體不適。
這樣推測的話，水源不是令他們不適的原兇。
 
我估衛生署的人員都是這樣推測，
所以才會懷疑是有毒氣體洩漏。
 
毒氣？
 





我想起劉霞在憶述她和未婚夫的故事時，
說她未婚夫在跳下「黑洞」之前一晚，這樣對她說：
 
「…… 我開始擔心我嘅研究成果會落入壞人手中，做一啲唔好嘅事……
一啲會影響好多人嘅壞事，仲要係好多無辜嘅人。」
 
會影響好多無辜的人的壞事？
 
是否就是指這些感到不適的人？

 
唔理啦。
衛生署班醫護人員好專業架嘛，
佢哋唔需要銀色盒子都一定能夠醫返好啲人嘅。
 





再說，
如果我將銀色盒子交給政府，
他們一定會扣留我調查。
如果我不說真話，他們可能以為是我下毒的；
如果我說真話，告訴他們時空停頓實驗和時空裂縫的事，
那麼……
他們可能會把我送進精神病院，
又或者會捉走劉霞，迫她說出關於未來的事和未來的科技，又會用她來做研究。

這樣，不單止劉霞會受苦，還可能破壞時空的秩序。
這是我多年來，看科幻電影和小說所得到的深刻體會。
 
所以，唔理啦。
唔關我事。




 
＊＊＊＊＊＊＊＊＊＊
 
第二日，我又去到林少家中，開始打電話尋人。
 
「喂？講問係唔係陳小姐？係，唔好意思呀，我係景林單車舖打黎架，之前陳小姐喺五月嘅時候租過我哋架單車，想問下你有無遺失到一隻戒指？因為我哋揾到一隻。噢，無戴戒指嘅，明白。咁當日你有無同朋友一齊踩？都無，好，唔該呀陳小姐，打攪晒。」
 
林少掛上電話，把剛剛那個電話號碼從名單上劃掉。
 
「到你打。」
 
我拿起電話，輸入下一個電話號碼。

「喂？講問係唔係王先生呀？係，我係景林單車舖打黎架，之前王生喺五月嘅時候租過我哋架單車，想問下你有無遺失到一隻戒指？你問咩戒指呀？你有無唔見戒指先？無呀，咁當日你有無同朋友一齊踩？係，有四個朋友一齊。咁你啲朋友有無唔見戒指？…… 可以，當然可以啦，你問一問佢哋先，之後打返依個電話就得架啦，係喇係喇，唔該晒王先生。」





我在這個電話號碼旁邊劃了一個小剔號，然後記低「(要問4個朋友)」。
 
「到你打喇。」我對正在用智能電話玩遊戲的林少說。
 
我和林少二人，打了整整一個下午電話。
 
十六個客人，
五個未有人接聽，
八個肯定自己和朋友都沒有遺失戒指，
三個要問一問朋友。
 
剩下八個機會。
 
明天再打一次給那五個未接電話的人，
然後，唯有等回覆吧。




 
 
＊＊＊＊＊＊＊＊＊＊
 
晚上回家吃晚飯時，我一家人就跟平常一樣，天南地北什麼都談。
 
媽媽忽然說起：
「今日下晝有兩個著西裝戴黑超嘅人，問有無一個叫劉霞嘅女士喎。」
 
我爸爸漫不經心地答話：
「吓……劉霞唔係劉曉波個老婆咩？應該喺大陸被政府軟禁住架。依度香港喎，係咪揾錯地址咋？個人有無講自己係邊個？」
 
「應該係同名同姓嘅劉霞姐。我話佢哋揾錯地方，咁佢哋無講自己係邊個就走咗喇，我諗都應該係揾錯地址喇。」
 
我盡力裝作若無其事，繼續吃飯。
但其實心裡已經知道，這暗示著兩個很嚴重的問題：
一，有人正在尋找劉霞這個穿越了時空的人；
二，有人知道我跟這件事有關。
 
 
 
飯後，我立刻打電話給林少。
 
「喂，林少！大鑊啦！
我呀媽話今朝有兩個全身著黑色西裝，戴黑超嘅人黎我屋企，想揾劉霞呀！

應該唔會係劉霞未婚夫啦，如果佢係，點解唔表明自己身份？

我唔知佢係邊個啦，但總之你要小心呀。
我唔知嗰個人點揾到我屋企地址，佢遲啲有可能會去你屋企架。
總之要保護劉霞，唔好俾人知道劉霞而家住喺你度，有人按門鐘都要扮無人呀。
仲有，我驚佢哋跟縱我呀，我聽日都係唔去你屋企啦，有啲咩事電聯再約出去傾啦。」
 
 
(待續)