Welcome To Knot ~ Season1: #81. 靖

上到舖頭嘅上層，Taz並唔係帶我入啫喱間房，而係走咗去啫喱實驗烘培室…隔離一間細小房間嘅門前。
 
我拉一拉Taz：「要刺激，都唔駛去雜物房架吓嘛！」
「傻豬！邊個話呢間係雜物房？」Taz輕輕推開細房嘅門。
門後面，原來別有洞天。
呢間房大約30呎，僅僅放到一張單人床同一個小小嘅床頭櫃。
 
Taz帶領住我行入呢間房：「呢間房係我同樂少嘅秘密基地。以前細個曳，玩離家出走，都會走嚟呢到落腳，不過通常瞓咗覺，醒咗就會掛住屋企，咁就會走架喇。」
「咁宜家呢？間房有咩用？」我好奇發問。
「Oppa話做客房，樂少話做佢嘅蛇房，我就話…」Taz突然轉身，雙手環住我條頸「用嚟做我哋嘅炮房。」


 
話口未完，Taz就主動咁錫咗落我個咀到。
好自然地，我再次攬住佢條腰，雙手開始不安份咁，係佢背脊亂摸。
 
Taz嘅主動，似乎就只係嚟到呢一步，因為佢攬住我嘅雙手，一直都好安分咁維持係原位。
既然佢要做「受」，我呢個「攻」其實係好樂意去配合。
 
我將Taz輕輕地推落床。
佢裝扮出來嘅一臉愕然，令我不期然配合住佢，明顯地咀角一揚：「哼哼哼…睇你走得去邊！」
「啊！」傻妹裝作驚恐「咁…咁你要溫柔啲喎~」


我撲向前，將Taz壓係身下面：「放心，我實鍚住你，呢世都咁錫你！」
 
兩咀好自然咁對上咗。
我輕吮住Taz軟柔嘅咀唇，輕輕、細碎咁錫。
伸出小舌頭，慢慢地、帶啲挑逗性地，輕舔佢嘅雙唇。
佢慢慢張開雙唇，我嘅先鋒好快就攻入對方嘅口入面，再同佢嘅香舌糾纏住。
 
Taz雙手開始撫弄我嘅微曲長髮，又伸到去我耳仔附近，挑逗住我嘅耳珠。
我雙手都唔係空閒住，我將自己嘅重心放係右手邊，空出左手，開始將手指埋入佢嘅髮線之間，令到手心能夠覆蓋住佢嘅耳仔同耳背後嘅位置。
因為手心嘅熱度同耳廓嘅冷有好大嘅差別，當我手心覆蓋住佢隻耳仔，Taz不期然咁輕呼咗出來：「嗯~」


 
亦都因為呢一下嘅叫聲，再進一步引發我嘅慾望。
我將我嘅重心移向雙腳，空出兩隻手，開始撫弄佢兩邊嘅耳仔，同輕刮佢嘅後頸。
我暫時放棄佢軟潤嘅雙唇，將咀移向佢嘅額頭。
由額，再一直輕吻到佢嘅鼻樑、鼻頭、眼簾、面頰、再先轉攻佢左邊耳仔。
輕輕含吮住佢嘅耳珠，又輕舔佢嘅耳廓，最後我用氣聲係佢耳邊講：「Taz，我真係好鍾意你！」
「啊~」Taz忍唔住又輕呼多下「靖，我…都鍾意你！」
 
由Taz嘅口中第一次聽到佢承認鍾意我，個種感動，係筆墨難以形容既事。
我同佢雙唇再次對上。
我決定，要吻佢吻到天荒地老。