Welcome To Knot ~ Season1: #72. Taz

Knot 一收舖，我就嗱嗱淋拉咗Scarlett走！
「Taz！ What's going on？ 做咩咁快拉我走？」Scarlett 係我哋跳上咗小巴之後，先有機會問我。
「冇…呀~咁你話今晚要Clubbing嘛，你唔係諗住全身咖啡味咁去呀？」我求期搵個藉口，只求快啲帶佢走「嗱，宜家先返去紅磡你個appartment到，等你沖涼換件衫先；之後我哋再殺落老蘭！」
 
「老蘭？！No！Central is too far！我聽日要早起呀！」Scarlett竟然反抗？！
「吓？！咁…咁你想點？」
「Well，我聽Kwan仔佢哋講，話Jordan有間Silence！Let's go there！」
吓？！Silence？！點解又係Silence？！
 
返到去Scarlett嘅apartment，只係見Scarlett行出行入咁…執喼？


「呀…Scarlett？你打算…返美國？」我試探式咁問。
「No！Of course not！」佢瞪大對眼望住我，好似想食咗我咁「點解你會咁問？」
「咁唔係你搞咩嚟執行李？」
「Oh！咁Knot同紅磡實在太遠喇。我今日同Sky商量好，佢會租間房俾我，計落重平過宜家住呢到。」Scarlett一邊講一邊將啲衫同日用品放入喼「I'll move tomorrow morning！」
「聽…聽朝？咁快？」唔知點解，我feel到我背後有股寒意。
「Yeah！ I just pack some simple things first. When I have a day-off on the coming Tuesday, I'll come back and pack！唔駛擔心我喎！」Scarlett又順手將一堆衫丟落喼。
咦？！等…等等，好似有本書係到咁喎。
我襯Scarlett唔為意，蹲咗係佢堆衫前抽咗本書出嚟。
 
Oh My God！


拎住本書，我只係識手震震同O咗咀！
全黑色的*書面上，有兩個女人，一個身穿紅色日本和服，而另一個全身赤裸…重要係被捆綁住！！！
 
捆綁…Knot…繩結…「好high」…
唔通Scarlett佢…係BDSM愛好啫？！
 
 
*書名：The Seductive Art of Japanese Bondage - Midori