Welcome To Knot ~ Season1: #37 靖

車咗Taz先返去我屋企。
上到去，Taz已經大刺刺咁坐咗係我張梳化到。
 
「好熱呀！」Taz又一支箭咁走咗入廚房，係雪櫃拎咗罐啤酒出嚟，一飲就半罐。「呀~ 舒服晒！」
「啱啱做完運動，就飲啤酒，想唔肥有鬼呀！」我邊講邊開大冷氣俾佢。
 
「運動？我差唔多晚晚都做架啦！」Taz笑住講。
我覺得佢試緊我反應。
我背住Taz，唔想俾佢見到我心痛嘅樣。「係咩？咁咪好囉！」
「係架，不知幾大運動量添呀。」Taz似乎好想繼續呢個話題。


 
但我根本就唔想知亦唔想聽。
做守護人嘅感覺，其實真係好難受。
其實我都問過自己，為咩要咁辛苦。
以我嘅條件，我真係唔憂冇伴。
 
我對Taz，好明顯係一種情意結。
 
啫喱講過我知Taz以前唔係咁，佢係個用情好專，但成日俾人飛嘅女仔。
久而久之，佢就變成一個player，寧願佢去hurt人，或者只係要啲唔需要負任何責任嘅關係。


 
每次見到佢咁，我真係好心痛。
好地地一個正妹，何需淪落至此。
 
佢有一種特質，令我好想保護佢，同時又想寵佢。
佢嘅爽快直接，令佢好易吸引到人，但又好容易受到傷害。
我想佢keep到自己呢個特性，又唔想佢俾人hurt咁…現階段似乎只可以做佢嘅守護人去保護佢。
 
記得Sky第一次帶佢上嚟Silence，我已經特別留意佢。好似…有種特別嘅索引係我哋之間發生緊。
個晚佢玩得好癲，玩到同身邊剛相識嘅女已經坐大脾鍚晒咀。


但係好得意咁，佢唔會同啲b玩得好埋，當然除咗識個啲之外啦。
 
佢講過佢最憎男人同啲B，因為溝晒佢啲女喎。
又話啲女同啲B一齊，係佢心目中就同變咗直女冇分別。
佢外表好女，行為好B，但感情上…
 
似乎，Taz都有機會，可以幫Sky打下結。