Welcome To Knot ~ Season1: #30

我感覺到自己係咁震，啫喱都係。
 
唔知係咪因為咁，佢攬到我好實。
實到有啲抖唔到氣嘅感覺。
 
其實啫喱嘅懷抱好舒服，令人覺得好有安全感，有種…安穩嘅感覺。
但我最後都係選擇輕輕推開佢。
 
佢個樣好傻。哈~真係好傻。
我忍唔住笑咗出嚟。


估唔到堂堂啫喱，一個整餅大師，嚟到呢個位，會變成一個傻b。
 
既然係咁，我唯有做多步。
係女女嘅感情上，冇人講過一定係b做主動嘅。
 
我主動拖住佢隻手，帶佢上樓上。
入到房，傻瓜又係一輪說話。
 
我明白嘅，曾經我都問過自己，係咪當咗啫喱做水泡。
我有一段時間都以為係，以為我只係想搵過人對我好，可以幫我解心結。


 
但係自從H嘅出現，我清楚咗啲嘢。
心結，一直都應該自己解。
旁人可以做嘅，就只有等。
 
我要解結，唔想一班好朋友係到等，更唔想啫喱等。
我決定要行呢一步。
 
我轉身，都冇理會啫喱係咩反應，我環住佢，就踮高腳咀佢。
佢環住我條腰，開始放膽同我kiss。


 
兩個人就好似跳舞咁，跌跌撞撞，推嚟拉去，直至雙雙跌咗落床。
 
係就嚟跌個剎那，啫喱用手同臂保護住我，唔想我整親。
我知，呢個人會一世保護我。