Welcome To Knot ~ Season1: #30. 啫喱

我諗起個傻妹Taz嘅說話。
我唔想後悔。
 
我抱得Sky更實，我想用我雙手親手保護佢。
抱住呢個我朝思夢想咗好耐嘅人，我除咗可以不斷暗暗深呼吸，就係抱到佢好實。
 
我感到懷內人輕輕推開我。
我鬆一鬆手，望一望Sky。
只見佢紅住面，輕輕咁話：「你攬到我好實呀。」
 


我立即鬆開雙手，希望唔會箍親佢。
明明上一眼見Sky係喊緊，點解…佢宜家係到笑架？
傻？！ 乜我好傻咩？
 
Sky突然起身，拖住我上樓。
明唔明白我每行上一級嘅心情？
突然覺得…自己好kai。
點會俾自己鐘意嘅人拖住上樓架？
 
入到Sky房，我覺得我要做返d嘢。


我未等Sky轉身，就從後環抱住佢條腰。
將面埋係佢左邊後肩同頸之間：「Sky~ 我唔想傷害你。我係鐘意你，亦好想保護你，想幫你解開個心結。但我唔想迫你，你明白嗎？」
 
Sky並冇轉身望我，佢用雙手捉住我放咗係佢腰上嘅手，幽幽咁話：「我知你唔會係嗰啲乘人之危嘅人，但係我都唔係隨便嘅人。你明白嗎？」
 
Sky 咁講…咩意思？！
係咪…准許我再放肆落去？
 
點解我呢刻會蠢咗咁多架！