Welcome To Knot ~ Season1: #25. Taz

當Sky上了H嘅車絕塵而去之後，我們亦作鳥獸散，啫喱就一聲不響地走回餅店。
 
因為我有少少擔心，所以就跟著啫喱嘅屁股尾回去，順便可以飲一下免費酒。
 
Brandy、Baileys、Rum、Kahlua、Whiskey、Tequila…，一堆做餅未用完嘅紅酒白酒香檳，任君選擇。
有時我真係覺得上天待我不薄，俾我識到Oppa。
 
「是日休息」，啫喱甫踏進門口就將OPEN嗰個板子翻過來。
 
「Oppa，你點呀？」


啫喱沒有答話，他只是從櫥櫃中拿了很多材料出來：麵粉，雞蛋，朱古力… 然後東翻西翻咁，係櫥櫃嘅深處搵到一枝四四方方呈茶色嘅酒出來。
 
他一直都冇答話，只係好集中咁整蛋糕。唔知道點解，眼前嘅啫喱，令我諗起少林足球裡面嘅趙薇－阿梅。
 
作為一個自動請纓嘅試酒師，我已經將他放出來嘅酒都喝了一輪。
 
啫喱嘅新作品已經出爐，原來係我嘅最愛－Molten Lava Cake！！
 
皆因本人非常盡責，到蛋糕出來嘅時候我已喝得半醉，心情大好。（完全忘記嚟呢到嘅目的~）
 


「My飛佛！Oppa！」
一個箭步，叉子直入眼前嘅心太軟,也忘掉了剛出爐嘅蛋糕有幾燙~
 
「HOT！HOT！HOT！痛~痛~痛~痛~痛~~~~嘶」, 我立刻將嗰一口吐掉。
但以我對食物永不放棄嘅精神，我又將叉子沾了少少嘅流心，「Oppa，好苦！」係我口中有一股苦入心扉嘅味道「個心咩嚟架？？」
「呢個係Amaretto Lava Cake。Amaretto 中文係杏苦酒。Amaro係意大利話嘅意思係苦…」
 
我決定不再讓啫喱繼續消沉下去，我打斷咗啫喱嘅廚藝歷史課。
「Oppa，你記得我第一個女朋友嗎？」
「記得。」講起其他人嘅事，啫喱就整個精神起嚟。


 
「我成日諗，如果我當時積極啲，主動啲，結果會唔會有改變？點解我要扮瀟灑，提早棄權，踢自己出局？！雖然最後我唔知佢會點揀。但係，我到依家都好後悔我冇爭取過！！我一直美其名係話係尊重佢，唔畀壓力佢，定抑或係我只係愛面子，怕被拒絕，被拋棄？！」
 
「Oppa，我唔想你好似我咁後悔一世~」講完，我行上前俾啫喱一個鼓勵嘅擁抱，竟然眼淚不自覺咁流咗落嚟。
Oppa的手輕輕咁按着我個頭，我感到他嘅身體都微微咁顫抖住~
 
「…我冷漠 是不想被看出 太容易 被感動觸及
你的孤單 是座城堡 讓人景仰 卻處處防疫
你的溫柔 那麼緩慢 小心翼翼 脆弱又安靜
也許 我們都意會到 這次面對的幸福 是真的來臨
因為太珍惜 所以才猶豫　忘了先把彼此 抱緊…」
 
「講得好哋哋，做乜喊呢，傻妹~都咁多年啦~」Oppa真係好。
「我唔知呀，Oppa~~我突然想像你幾十年後好似我咁，我覺得你好慘囉~嗚…嗚…嗚………」
「唔會喇~傻妹~我知點做喇。」Oppa拍一拍我個頭「喂，仲有呀！你下次仲係咁飲法，我要收錢架喇。你真係當我盲架？！！」