Welcome To Knot ~ Season1: #14. 啫喱

琴晚送咗樂少返屋企，再車Sky返去。
一路上我都唔敢再望佢一眼，我驚我控制唔到自己。
 
去到Knot，Kwan仔一早幫我開咗後門。
我將Sky抱上手，佢個頭好自然就伏咗係我肩膀到…
佢個人同我嘅矩離好近，近到，我feel到佢嘅心跳、聽到佢嘅呼吸、聞到佢嘅氣味。
明明啲人飲完酒，就只有一身酒除；點解…Sky飲完都可以咁香嘅？
 
我好希望抱住佢行嘅呢段路可以長啲，甚至可以冇終點…
但可惜，係楊言同Kwan仔嘅「熱心協助」下，呢段路好快就行完。


我放低咗佢，交帶咗兩句，就走喇。
 
本來可以迫好架車就返去瞓，但係行下行下，行咗去碼頭。
我坐咗係到，望住個天。天…Sky…
突然好掛住佢。
明明啱啱先送咗佢返去，但宜家已經好掛住。
我成個腦都係佢…
 
我知佢係有啲嘢未放底，聽佢同路比嘅對話，都估到一二。
我唔介意等，我有信心我會等到。


 
結果我坐咗係碼頭一晚，想用海風令自己清醒啲。