睇住自己心愛既女仔，由女神變做一隻雞: 第九章 【背後的話】（下）

小小明用不屑既眼神望住我地，「都痴線既，你地連佢係咩人都唔知呀！」佢拉一拉呀輝，「走，我地去廁所。」
 
佢地走左去，我地都散左ban。我返埋座位，滿腦子都係果句「你地連佢係咩人都唔知呀！」
 
其實佢講得岩架，我真係唔清楚佢係咩人，婷婷對我黎講，就好似岩岩學《愛蓮說》入面所講，可遠觀而不可褻玩，遙不可及。
 
係小息既時候，我見頭先返黎同佢地傾計，無落去小食部食早餐。
 
於是單拖落去小息部食啲野。一落到去，小食部出奇地無咩人，平時呢啲時候實大排長龍，今日都唔知搞咩。
 


就係不遠處，我見到婷婷同一個男仔係度食緊野，個男仔背住我，我睇唔到佢。
 
我經過佢地無專登望佢地，諗住直行直過，突然間後面嗌我個名，「喂！雄仔。」把聲好熟，但可惜，唔係婷婷果把溫柔既聲音，而係一把男人聲。
 
我轉個頭，係迪一條友仔叫我。
 
「你都未食早餐呀？」迪一一臉開朗咁同我講。
 
「廢話，你同我一齊返學架，你會唔知？」我講笑咁講，「你成日都自私食。」
 


「點知你會唔會係屋企食呀？」佢反駁我，「你都唔係成日落黎食咪無叫你落黎啦。」
 
「呀，係啦，呢位係晶婷，個個都叫佢婷婷。」佢有禮貌咁介紹婷婷。
 
「呢位係雄仔，我好朋友。」到佢介紹返我。
 
「見過架啦。」婷婷好客氣咁講，然後對住我笑一笑。
 
哇！當下見到佢笑果下，一股甜蜜既愛意湧上心頭，真係甜死。佢既笑容可以迷倒所有男人，呢樣完全一啲都無誇張到。
 


凝望住婷婷甜美既笑容，更加令我難以相信頭先呀輝佢地所講既說話。
 
婷婷點會係咁既人？我相信我依家眼前既事實。
 
「上次唔該曬你呀，你真係好好人呀。」佢聲線溫和得黎仲有一種感染力。
 
「客…客咩…咩氣呀。」我開始感到緊張，講野都震下震下咁。
 
婷婷同我面對面只係相隔幾厘米，我平身第一次咁近距離接觸女性，仲要係自己憧憬左好耐既女神。
 
我緊張到連一個笑容都擠唔到出黎，心跳不停咁加速呢個係呃唔到人。我心口就黎俾心跳撐爆，真係跳得好快。
 
除左心跳加速，我手心冒緊汗，用手摸一摸，濕得好緊要，濕過啲女。
 
我光係諗呢啲野，已經令我腦入面運作唔到，機能受損。


 
佢講完之後視線無再停留係我身上，專心咁同迪迪仔傾偈。
 
佢…應該睇唔到我緊張架呵？