睇住自己心愛既女仔，由女神變做一隻雞: 第八章 【背後的話】（上）

呀輝佢係我地班上面普普通通咁，正常人一個，唔多起眼。

我地圍內只有小小明同呀輝出聲，其他人都沉默不語，食花生。

「估唔到婷婷會同李sir有路，好無恥呀佢！」呀輝公然咁批評我女神。

「咪係，仲以為佢好清純咁，點知佢會勾搭李sir姐。」小小明雪上加霜。

食唔到既提子係酸既，奶唔到既鮑魚係臭既。





從佢地既表情睇得出，佢地都係心有不甘，明明自己無爭取過，但又係度講黎講去。有種就明目張膽咁溝佢！

「我唔覺得婷婷係啲咁既人。」我企出黎，為婷婷發聲。

「下？你又知？」呀輝佢疑惑咁望住我。

「因為我同佢傾過偈，佢唔係啲咁既人。」我理直氣壯咁講。

「咁佢係點既人呀？」呀輝串返我。





「佢好純，好有禮貌，對人好好，人又nice。」我如數家珍咁數曬婷婷既優點。

我見呀輝佢啞口無言，我心中暗自歡喜，無聲出啦嘛係咪？

「算啦，佢戇戇地。」小小明係我面前撥一撥手，同呀輝講，「算啦，佢睇野正係睇一面架炸，正一單細胞生物。」佢反我白眼。

正當我想開火駁返佢既時候，無咩點出聲既呀文細細聲咁講，「我都覺得婷婷唔係咁既人。」

終於有人支持我啦，「係你地覺姐。」