睇住自己心愛既女仔，由女神變做一隻雞: 第三章 【利用】

「先生，你既凍朱古力好啦。」佢仍舊好好笑容。
 
「唔該曬。」我回返佢一個真摯既笑容。
 
「唔洗容氣。」然後佢就回復返佢原本既工作。
 
「下一位呀唔該。」佢既聲音漸行漸遠，其實呢個女仔都幾好人呀。
 
得得意意咁，雖然係普通左啲，但人係唔錯。
 




我懷住開心既心情行出starbucks ，然後一行出去，心情直插谷底。
 
因為我見到李sir同婷婷係出面傾得好開心。
 
我既大敵！呢個人渣老師，學人食學生妹。
 
「唔該曬呀！」婷婷露出雪白既牙齒，更是凸顯出佢甜美既樣貌。
 
「我記得你呀，同迪迪仔好fd果個呀嘛。」
 




一陣甜意湧上心頭，乜原來佢記得我架？我仲以為我係小人物添。
 
李sir呀李sir，婷婷佢記得我架！我擺出一個勝利既眼神望住李sir，可能佢未必睇得出啦，但贏到最後既實係我劉彥雄！
 
「係呀係呀，乜你記得我架？」我小興奮咁講。
 
「緊係記得啦，你成日黎我果班架嘛。」佢拍一拍我膊頭，一瞬間好似同女神拉近左距離咁。
 
「哈哈，我以為你唔會知添…」我細細聲咁講。
 




「下？」佢伸個頭過黎，「我聽唔到你講咩。」
 
我當堂聞到佢身上女性特有既體香，同埋有清新花香既頭髮；同家姐果種體味唔一樣，夏天既時候，返到黎就成陣臭汗味，真係難聞到呢…佢係咪男人黎架？
 
「無..無野呀。」我尷尬咁笑一笑。
 
「係呢，幾錢呀？我俾返你呀。」佢真係好好，竟然會諗住俾返錢我？
 
我果個家姐叫我買完仲點會俾返錢我呀，所以聽到婷婷咁講既時候真係出乎我意料之外，真係好開心。
 
「我幫佢俾就得啦。」李sir 走入黎，手上拎住個銀包，入面都係500蚊。
 
有錢大曬咩？我無咩？
 
「唔洗啦，當我請你地啦，呢啲小小錢。」我點會收婷婷錢先得架？




 
「咁好啦，多謝啦喎。」李sir 毫不客氣。