[校園鬼故事系列 2] [又係你呀陳生] 十不思議事件: （二十四）
只見記事本內裏，寫著一些奇怪的符號。
「張伯，呢D係咩字黎架？」我指著那些符號。
張伯只是搖了搖頭，沒有回答我。
他繼續向後翻，然後停了在貼滿照片的一頁。
「你地睇下呢幾張相！」張伯向我們示意，於是我和雷少一起檢視那些照片。
「唔……唔係卦！」我和雷少同時感到驚訝，只因每張照片裏都是黃強來的！
要說這有甚麼好驚訝的？是因為每張照片的時代感都不同！
有的是黑白照，有的是彩色照！
而更明顯的，其中一張照片，是坑口村，還沒有填海改建的樣子，但這張照片裏，仍然能發黃強的踪影！
「點……點解會咁，佢究竟係咩黎？彊屍？定活死人？」我驚訝得不知道在說甚麼。
「奇怪，子鋒你望下，雖然每張相都有影到呢個……呢個人，但係佢好似唔係特登想入鏡！應該係唔小心被人影到！」雷少指著這些照片說。
「張伯，呢D相究竟係咩黎？同埋頭先果D字又係咩意思？」我看著張伯。
「係答你地之前，我想問你地一件事，你地見到果個……黃強，最後一次見……係幾時嘅事？」張伯直視著我們，看得我們好不自在。
「幾時？咪前晚囉，我地之前仲一直都同佢一齊上堂添！」我回答。
「你係話，黃強一直都留係學校？」張伯驚訝的說。
「係！我可以做證！我係原校重讀中五，之前咁多年，一直到依家，我可以肯定黃強係學校讀書！」雷少回答。
「唔通……佢最後……都係避唔到個詛咒？」張伯小聲的說。
「詛咒？係咪黃大一個詛咒呀？究竟你知道D咩？」我急問。
「不如，你地先將你地係學校遇到嘅，同黃強同你地講嘅野，話俾我知，咁我會容易D解釋俾你地聽！」張伯提議，於是我和雷少便詳細的告訴了張伯最近發生的事。
「首先，等我話返俾你地知一個事實，黃強佢，係四五年前，已經搬走左，唔係呢度住！」張伯說。
「無可能，我兩年前先同幾位同學，一齊黎過坑口村搵佢，果陣我地仲上過佢屋企！」雷少說。
「咁我問你，你記唔記得，你去黃強屋企果陣，入面有D咩？同埋屋企有D咩係度，你仔細諗下！」張伯說。
「梗係記得啦！咪……咪……」只見雷少面色一沉，像發現了甚麼似的。
「做咩呀雷少？無野呀，你記起入面有D咩未？」我拍了拍雷少肩膊。
「細路，係咪記返起，入面全部都係D爛嘅傢俱！」張伯對雷少說，雷少臉色奱得更加灰白。
「係！我終於記得，佢間屋好古怪，個感覺係，唔似有人住！」雷少按著自己的頭說。
「唔似有人住？係咩意思呀？雷少你係咪記錯呀？」我說。
「唔係，我無！係黎呢度之前，我咪講過，佢間屋好古怪嘅，我總算記得呢種感覺係點黎！我記得上到去嘅時候，我同另外幾個同學，第一個感覺就係D野好舊好殘！原本我地諗住拎完野就走，但我果日上到去，人有三急，夾硬入左廁所！裏面不單止無鏡，而且廁紙呀，沖涼用品，甚至連水喉水都無！我地當時淨係覺得佢間屋好怪！但依家諗返，果間屋，根本就同D荒廢左無人住嘅屋係一樣！」雷少說。
「唔係卦，咁你見到果個係咩黎，我地呢幾個月見到果個黃強又係咩黎？」我激動地說。
「你地冷靜少少坐返低先，等我講多少少呢條村嘅歷史俾你地聽啦！」張伯示意我們先坐下，然後他開始講解坑口村和黃強的資料給我們聽！
正如黃強之前告訴我們，坑口村原本就是一群為了逃避日軍而建立起來的村莊。在最初時，主要由黃氏和張氏兩伙人組成村莊。
之後，由於那些日本逃兵來到，村莊的人大部份都被屠殺了。
其中，只有少部份村民逃了出來，而張伯的祖先，就是少數避過了那次屠殺的村民。
那些逃離了的村民，在日軍的陰陽師，為村子進行了淨化後，重親聚集到了坑口村。
當時，大約只有十餘人仍然生還，他們回到村莊，是想替那些被殘殺的村民，建立一個墓園。
當他們來到村莊時，他們見到在村莊裏，有一個人，正在努力的，把那些屍體收拾好。
這個人，自稱為黃一明，他自稱為該村莊裏某人的朋友，因為很久沒有看見他，所以走了來村莊，卻發現整村的人都給屠殺了！
於是，他為了他的朋友，決定給村裏的屍體都收拾好，然後埋葬，讓他們能好好安息。
當時的村民雖然有所疑惑，但由於那時的慘況，令他們對同姓的人，有莫名的親切感！
於是，他們很快和黃一明建立了良好的關係，並把所有屍體，都埋到去附近的一塊空地！那塊空地，正正是現今那間保良局學校的地方！
就在村莊重新建立後，張伯的父親和黃一明成為了好朋友。
兩人各自也結了婚，並生了小朋友。
非常不幸，黃一明和他的妻子，在生了他們的小朋友，很快的因病離世！
就這樣，黃一明在臨離世前，把他的兒子黃立成，交給了張伯的父親照顧了！
往後的日子，張伯和黃立成，成為了好朋友。
每次張伯的父親，看見黃立成時，都會對他說，他的樣子，跟他父親的樣子簡直是一模一樣！
當黃立成愈來愈年長，他的樣子跟黃一明愈來愈相像！
原本一切都相安無事，但直到保良局學校開始動土，發生了一件非常奇怪的事情！
那時候，應該是1986年，黃強出世了不久！
在學校動土期間，整個坑口村的村民，都發了一個怪夢。
根據張伯的說法，他們那天晚上，夢見了一個男人，那男人在夢中不停流著血淚，給人一種非常悲傷的感覺，並自稱為黃大一！
那男人在夢中，交待了坑口村以前曾經發生的慘劇，並在夢中承諾，他會保護這條村莊，不受敵人侵襲！
而他亦交待了，不可讓外人進入村莊，一旦進入坑口村，將會被詛咒而死！
翌日，整條坑口村都議論紛紛，某些村莊的老人，堅信那個夢是真實的！
因為，他們還記得黃大一的樣子，並確信黃大一所說的話！
幸好，坑口村內的，都是原住民或原住民的後代，所以他們都沒有太大的反應，反而認為，如果黃大一真的替他們保護村莊，實在是求之不得。
就在一片熱議中，只有一個人，面色陰沉，把自己關在房中，不敢離開！
那個人，就是黃立成！
當天晚上，張伯如常的到黃立成的家中，想找他喝酒！
但卻發現，黃立成的妻子已經死亡，而黃立成亦已經躺在床上，面色非常蒼白。
「立成！發生咩事呀？點解會咁架！」張伯激動的對黃立成說。
「我……我已經唔得架啦！呢個係我地嘅報應！」黃立成說。
「咩報應呀？唔好講咁多，我打電話叫白車，你等我一陣！」張伯拿起電話，卻被黃立成阻止了。
「唔……唔駛打啦！我老婆已經走左，之後就輪到我！我知道，黃大一今日報夢俾你地！佢一定仲係好有怨氣！我都唔求自己會得到佢原諒！我只係希望，我個仔會無事！」黃立成說。
「我都唔知你講咩！我幫你叫白車！」張伯沒有理會黃立成的說話，致電給醫院。
「立成你頂住呀！我叫左白車架啦！好快會無事！」張伯跟黃立成說。
「算啦，無用架！我今朝都有夢到黃大一，佢已經講左，佢會要我條命！我依家最唔放心，就係我個仔！麻煩你，我走左之後好好照顧我個仔！如果可以嘅話，第時將佢有咁遠送咁遠，唔好再返黎坑口村！希望咁樣，佢可以避到個詛咒！」黃立成抓著張伯的手臂。
「痴線，無事架！你個仔無左阿媽，無埋你唔得掂架！我單身寡佬，唔識得幫你湊仔架！」
「仲有，我知你一定有好多野想問！但我已經無時間，係床下底，我老豆將我地嘅事記低晒！同埋我今日，都將我地嘅事記低左，你睇完，就會知咩事！我個仔……交俾你啦！」黃立成用最口一氣，把黃強托付給張伯後，便離世了！
白車來到的時候，黃立成和其妻子，被證實已經死亡。
之後，張伯就接受了黃立成的要求，幫他照顧黃強！