[校園鬼故事系列 2] [又係你呀陳生] 十不思議事件: （八）

星期三，一星期裏最沒有精神的日子。
因為離假期不近，又已經工作了兩天，人總是特別疲累，所以我通常很晚才起床。
對，所以，我又遲到了！
 
但今天，竟然看不到副校長，實在是太幸運了！
「唔係卦，唔通連佢都失埋踪？」我心中這樣想著，卻不想這成為事實。
 
整天的情況，我也在檢查帶來的東西，深怕會遺漏了甚麼。
始終天賜昨天提到我的混沌之相，說真的，我還真是非常擔心。
每次出現這種面相時，總是弄得我死去活來的，雖然每次也平安無事，但之前都是天命叔在場，現在卻只有我自己。




 
「無事嘅陳子鋒，女都未溝到你唔會咁快有事嘅！」我在心裏替自己打氣。
終於來到放學，由於我實在不想給人看見我在做甚麼，所以我一直等差不多六時，學生和老師都走得七七八八的時候，我走向了坑口村的牌坊。
 
「嗱，今次都入唔到去，我就唔玩啦！恕我唔可以幫到你地啦！」我口中這樣說著，然後把香點燃起來。
 
我吞了吞口水，拿著這點燃了的香，慢慢穿過這個牌坊。
穿過的時候，感覺很神奇，我感到好像穿過了一層薄膜，然後周遭的環境，頓時變得昏暗！
 
「成……成功啦？」我環視著四周，卻不太能高興起來，始終這裏對我來說，一切也是不可預計的。




 
「雷少！冰冰！你地係邊呀？」我大聲叫喊，卻得不到回應。
我先向學校的方向行走，來到校門前，卻感到有一幅無形的牆正阻擋著我。
「搞咩呀呢度？之前就係學校入面暈，依家又入唔返去！」我用力踢向那無形的牆，換來的只是一陣疼痛。
 
在無計可施之下，我只好重新走到坑口村，只見在牌坊上，有一道列痕。
而列痕裏面，有一張寫著奇怪文字的符咒。
 
「D字咁熟口面嘅？」我嘗試把牌坊上的表面刮開，想看清一點那道符咒。
費了好一些力氣，我才把牌坊的裂痕弄得更開。




 
「咦？呢D……咪支香上面嘅文字？」我查看了一下，總算認出這些文字。
 
就在我在檢查這些文字，我聽到了一聲叫聲，感覺像從坑口籃球場那邊傳來！
「頭先把聲，咁似冰冰嘅？唔係有事卦？」我隨即行動，向籃球場方向跑去。
 
來到籃球場，只見在球場中間，有幾個人倒在地上，只見冰冰還是清醒的，臉上露出了驚慌的表情！
當然了，因為在她身邊，我看到了有四個黑影逐漸向他逼近！
我從背包拿出銅錢劍和符咒，馬上衝去黑影那邊。
 
「停低！如果唔係唔好怪我！」我大喊著。
只見那些黑影完全沒有停頓的意思，我只好把銅錢劍刺向其中一個向著冰冰前行的黑影。
 
當銅錢劍碰到黑影的時候，那黑影消散了。
「成……成功左？」我看著這情況發了一下呆，因為除了小敏那次，我從沒有試過像這樣向靈體攻擊。




 
只見其他黑影繼續向前，我馬上跑到冰冰的位置：「快D走！咦，雷少同……唔理啦，我地抬佢地走啦！」
 
然後我扶著兩人，冰冰扶著雷少，退向了籃球架的位置。
只見黑影仍然緩慢的前進著。
「可惡，冰冰你睇住佢地，呢度交俾我！」
 
正當我站向前方，準備向那些黑影的攻擊時，只見那些黑影在球場正中心停了下來，像是在守護甚麼似的。
 
我看著眼前的黑影：「冰冰，你睇下雷少點先？另外果兩個唔知係咩人？」
 
「佢地係雷少父母，應該係入左黎搵佢。佢地三個都無咩事，似係暈左者。」冰冰替三人進行了簡單檢查。
 
看來那些黑影並沒有襲擊我們的意思。
「冰冰，點解你會係呢度架？前日我見你跑左出去，之後就唔見左你啦，發生左咩事？」我邊警戒著那些黑影，然後向冰冰詢問。




 
「吓？咩前日呀，我入左黎幾分鐘Ja！幾分鐘前找係學校出面，見到坑口村牌坊有個黑影，我咪即刻追囉！點知突然間就黎左呢度，之後仲聽到小雷嘅尖叫聲，我就黎左呢度啦！」冰冰解釋著。
 
然後，我還來不及詢問第二個問題，忽然傳來叫救命的聲音。
 
「係我爸爸把聲！」冰冰大為緊張地說。
「係學校！我過去搵佢，你留係度，呢度有D符同銅錢劍，如果有野埋你地身，好似我頭先咁，用呢D野對付佢地得啦！」我把帶來的袋子整個放下，然後跑向學校。
 
「喂，你俾晒我，咁你點算呀？」冰冰接過袋子，緊張的問。
 
我揮了揮手上的銅錢劍，表示沒有問題，便又繼續跑向學校。
來到校門前，我嚇了一大跳。
 
只見整個校門都漆黑一遍，猶如一道黑色的牆壁。
但這面牆，卻不是靜止的，而是慢慢的逼向學校！




 
「哇！搞咩呀？」我來到校門前，正想著怎樣進去之際。
牆壁的一部份，忽然動起來，然後望向我！
媽的！這不是一道黑色的牆！這是剛才的黑影，只是數量太多，加上全都擠在一起，以致我認為這是一道牆。
 
那黑影發現了我之後，沒有任何動作，便倒轉身，繼續逼向學校。
「救命呀！」學校裏又傳出了求救的聲音。
「屌，無時間逐隻搞啦！」我從褲袋裏拿出一張符咒。
 
「臨！兵！鬥！者！皆！陣！列！在！前！同我全部死開！」我邊說咒語，手上不斷轉換手印，然後以符作導引，向眼前的黑影使出九字護身法。
 
「仆街，一定要成功呀！」我心中這樣想著，只見符咒一閃，化作無數的金光，照亮了整間學校和坑口村！
 
只見眼前的黑牆慢慢的消散，一切都很安靜，一切都很自然，仿佛整個結界裏，都被這金光淨化了。
 




「仆你個街，學咁耐都未成功過，好在威返次，等個維園阿叔返黎認下叻先！」我邊想邊跑進學校。
 
然後我看見在操場上，有三個人影在晃動著。
其中兩人應該是冰冰的父母，而剩下的一人，竟是林副校！
 
「你地？副校？」我難以置信地看著他們。
「唔好講咁多住，陳同學，冰冰父母都受驚過度暈左，你幫我扶冰冰父母離開呢度先，我驚D黑影又再過黎，到時就無路走！」林副校吩咐著。
 
「咁……你地跟我黎啦！」我扶著冰冰的母親，林副校則扶著冰冰的父親，我們先回到籃球場那邊和雷少他們會合。
 
回到球場，只見那些黑影全部消失了，看來剛才的九字護身法真的有效！
然後，我看見雷少和他的父母都清醒過來，正靠著柱邊坐著。
 
「阿爸，阿媽！你地點呀？」冰冰緊張的問。
 
「佢地無事，只係太驚暈左者，我岩岩係學校見到佢地。本來我地都諗住離開學校，但唔知點解，學校門前好似有道無形嘅牆咁，出唔到去！所以我地就係學校周圍搵下有無方法離開，點知突然之間，就有一堆黑影係校門果邊慢慢湧入學校。佢地幾乎遍佈整間學校，最後我地被逼去到操場，之後叫左幾次救命之後，D黑影又突然消失晒，陳同學就黎左搵我地啦。」林副校解釋著。
 
我看著林副校，雙眼充滿了疑問，很想詢問他為甚麼在這兒。
林副校當然明白我的疑惑，他主動說：
「果日冰冰父母離開左之後，佢地去左坑口村出面拜祭，我見到佢地，走去同佢地傾左幾句，點知突然之間，覺得好似俾D野扯住左，然後我地就出現係學校入面啦！」
 
「即係話，你地都唔知點解自己會係度啦！」我低頭沉思，然後轉向雷少。
 
只見雷少不知甚麼時候，已經站到了我的後面，並看著我。
 
「我諗……雷少，你應該知道依家係咩情況！」我也看著雷少雙眼說，互不退讓。
 
「點解你覺得我會知？」雷少不置可否地道。
 
「唔駛扮野啦，有一次我又無啦啦入左黎，俾我見到之前闖入呢度嘅我！之後仲俾我見到你出現，然後你係牌坊講左幾句野，就成個地方變返正常，而我都能夠出返去！你仲想扮唔知？」我帶點怒氣的向他說。
 
雷少帶點驚訝的看著我，然後自言自語的道：「呢度嘅時間空間已經變到咁混亂？」
 
「阿雷，我諗，你都係同佢講，發生D咩事啦，我估我地都需要佢幫手，先可以亂開呢度！」正在說話的男性，應該就是雷少的爸爸吧。
 
「吓，但係......」雷少看著他的父親。
 
「唔好理D咩規距啦，最緊要係離開呢度！」雷少父親這樣說。
 
「咁，好啦！陳子鋒，雖然時間唔多，但我諗唔解釋清楚，都好難令你去幫我地，我就同你講下，呢個結界嘅事啦！」雷少看著我。