[校園鬼故事系列 2] [又係你呀陳生] 十不思議事件: （二）

九月一日，終於來到「期待」已久的開學日了！
「唉，仆街，第一日返學爭D遲到，坑口真係好撚遠！」我連跑帶跳的衝進校門口。
 
「好在無遲到，屌，我係邊度排隊呢？」我小聲說。
「同學，仲唔快D去排隊。」一位像是頗高級的老師對我說。
「我係新同學，我唔知去邊度排隊。」我對他說。
「你叫咩名呀？」老師問。
「陳子鋒，中五。」我回答。
「中五？係重讀生吧！我睇下先，你去果邊排，你係5A班！」
「唔該阿SIR！」我馬上跑進隊伍中。




 
然後，整個隊伍都是不認識的人！
廢話，這不是當然的嗎，我可是重考生啊，可憐的我！
「一，二，三……呢班大慨三十人多D，唉，唔知係咪得我一個重考生咁柒呢！」我心想。
 
渡過了校長那冗長的發言，總算能來到這個課室了。
「各位同學早晨，我就係你地班主任，我姓嚴，你地可以叫我嚴SIR！將會負責你地班嘅A.Maths！」一個滿頭白髮的老師走了進來，在他身旁則有另一位面色蒼白的女老師。
 
「而我就係你地嘅副班主任，我姓黃，大家叫我Miss Wong得啦！黎緊會教大家中文嘅！」女老師自我介紹後，又輪到白頭……不，嚴Sir發言了。
 




「好，由於呢班都幾多新面孔，所以都請大家先自我介紹一下吧！」嚴Sir指示著我們。
 
經過一輪自我介紹後，我發現這個班別還挺有趣的。
這班人數三十多人，多於一半是重考生，其它是原校升讀中五的。
而這群重考生裏，只有兩人是原校重考的，其餘皆是外校生，這樣的組合挺令人期待的。
因為我不用勉強融入原本的群體裏，重考生本身，便是一個新的群體！
 
在這裏，容我先介紹一下，幾個較重要的，會在故事裏出場的人物吧。
鄭金雷，這名子挺奇怪的，所以很容易讓人記著，是原校重讀生，性格愛玩樂，但挺有義氣的，我們都叫他雷少。
陳月欣，原本就讀觀塘區女校，個子稍矮，身材挺好的一個開朗小妹妹，暗紅色眼鏡是她的特徵，我們叫她阿奶！原因嘛？你懂的。




黃伊玲，原本就讀慈雲山區一所名校，個子高挑，身材平坦，我們都叫她阿平！這個……也不用解釋吧？
黎文諾，外校重讀生，身材高大，典形運動健將，熱愛籃球，我們都叫他阿諾。
 
其他的，有機會再為大家介紹吧！
 
「好，今日係開學日，只需要返半日學，大家有野想問想知嘅，可以去教員室搵我或者Miss Wong，大家聽日見！」嚴Sir跟我們道別後，課室立即奱得吵鬧起來。
 
「正，半日就走得，有無人一齊去食飯？」說話的是雷少。
「預埋我，反正屋企無飯食！」阿諾回應。
「我又去我又去，附近有咩食？呀，伊……伊……是旦啦，你一唔一齊去呀？」阿奶回應。
「我叫伊玲，一係你地叫我阿平啦，我都慣架啦。我唔去啦，要返教會。」阿平邊回應邊收拾東西，然後離開了。
「哈，Cool到佢呢，係咪信教都係咁架？」阿諾打趣的道。
 
我看著他們的對話，本想著靜靜地離開就好了。
「反正係度前前後後都係讀半年多D，無必要同佢地咁熟呀。阿平可能都係咁諗，所以先走左去。」我心想。




 
我收拾好東西，準備離開。
 
「喂，同學，有無興趣一齊食野呀？」阿奶發現了我並邀請我一起吃飯。
 
本來我是真的打算在這孤獨地渡過這重考的一年，但面對女士的邀請，作為一個毒撚是不能拒絕的正常男人，是不應該拒絕的，這是失禮的行為。
 
「哦，好……好呀，我叫陳……陳子鋒，叫我阿鋒啦！咁我地食咩好呀？」唉，毒撚的習慣，又口吃了。
 
「哦，你好呀，我英文名係Milk，所以以前D同學都係叫我阿奶，你地都可以咁叫我架！」看著她嬌人的身材，我想她被稱作阿奶，絕不是因為英文名字的關係。
 
「喂，齊人就行啦，等我帶你地去附近商場食野啦！同埋，叫我雷少得啦！」雷少介紹著自己，然後便帶著我們離開學校。
 
在學校門口，我們看到一位長相漂亮，擁有一頭黑色長髮，白裏透紅的肌膚，渾身散發著美女獨有的磁場，感覺像等待我們。
 




「佢唔係望緊我卦？唔通我真係咁靚仔？」我心想。
 
「喂，小雷，呢邊呀！一齊去食飯啦！」這位美女大喊著，媽的，原來不是看著我。
 
「冰冰呀，講左幾多次唔好咁大聲叫我小雷嘛！嗌我雷少啦，其他人都咁樣叫我！」只見雷少一下子跑到那美女面前，裝作掩著她的嘴巴。
 
「咩者，其他人係其他人，我係你女朋友喎，咁都唔得？」冰冰鼓著臉的對雷少說。
 
「咁……咁，唉，算啦，由得你啦。我諗住同呢班重考生一齊出去食飯喎，你唔介意？」雷少看起來拿冰冰沒有辨法。
 
「唔介意，點會介意。大家好呀，我叫冰冰呀，係小雷女朋友。」她是在宣示主權嗎？阿詩不知會不會也是這樣呢？
 
然後一輪自我介紹後，我們便準備出發了。
就在離開校門之際，我留意到校門旁邊的牆，那裏掛著一幅又一幅相片，大概是歷代學校校長和校董吧！
但不知怎的，我一下子被它們吸引著，目不轉睛的看著它們。




不知是錯覺還是甚麼，我突然看到，最高位置的照片，照片裏的男人，眼睛突然轉向我的方向，然後嘴角微微向上，用一個詭異的笑容看著我。
然後，下面的各個頭像，我感到，所有眼睛都轉向望著我，隱約還聽到那詭異的笑聲。
 
我嚇得馬上跌坐在地上！然後四周變得黑暗起來，在轉角處，我仿佛看見有一個人影在此。
 
「喂！喂！子鋒，你做咩坐左係地下呀？」只見雷少走了過來，伸出雙手扶起了我。
 
「咦？光返晒嘅？果個人呢？D相呢？」我望了望轉角處，也望向牆上的照片，沒有！甚麼也沒有！
 
「你講咩呀？無野呀你？中暑呀？」雷少看著我。
 
「頭先……D相……唉，算啦，都係無野啦！」我抹了抹額上的冷汗，欲言又止的。但我留意到，就在我提到照片時，雷少的樣子稍為露出了驚訝的神情，但一秒後又消失了！是幻覺吧！
 
「無野就行啦，其他人等緊，黎，我同你出去。」雷少從背後推著我，就這樣離開了學校。